დღეს, საქართველო ლეგენდარულ ბუბა კიკაბიძეს დაემშვიდობა. მისი შემოქმედებითი ცხოვრების გზა ძალიან მრავალფეროვანი იყო, ის იყო ადამიანი, რომელმაც დაგვამახსოვრა თავი სიმღერებითა და ფილმებში შესრულებული როლებით.
ბუბა კიკაბიძე პირადზე ხშირად არ საუბრობდა, ქართველი კინო-მსახიობი და მომღერალი, მთელი ცხოვრება ეძებდა იდეალურ ქალს, რომელიც მისი მეუღლის, ირინა ქებაძის სახით იპოვა.
ვახტან კიკაბიძეს ცხოვრებაში სიყვარული ორჯერ ეწვია, ერთხელ ბავშვობაში, რომლის სახელის ინიციალიც ფეხზე სვირინგის სახით შემორჩა, მეორე კი ბუდაპეშტში, რომლისგანაც შვილები, შვილიშვილები, ოჯახი და მთელი ცხოვრების მანძილზე ბედნიერება დარჩა.
როდესაც, ბუბა პირველად შეხვდა ირინას მიხვდა, რომ ის მისი ცოლი გახდებოდა, ის თბილისის ოპერის თეატრის პრიმა ბალერინა იყო, რომელსაც პირველი ქორწინებიდან 8 წლის ქალიშვილი ჰყავდა. ირინა ცნობილი მსახიობის, გურამ საღარაძის პირველი მეუღლე იყო. პრიმა ბალერინა, ბუბას ბუდაპეშტში შეხვდა, როგორც აღმოჩნდა ორივემ გასტროლები ერთად დაასრულეს. უნგრეთის დედაქალაქში ერთ საღამოს მშვიდობიანი ცხოვრება დაირღვა: ავტომანქანებმა სიგნალი ჩართეს, ხალხი ყვიროდა, სადღაც გარბოდა… შემდეგ მათ გაიგეს, რომ იმ დღეს ამერიკაში პრეზიდენტი ჯონ კენედი მოკლეს… ირინა და ვახტანგი ხალხის მჭიდრო ტალღაში მოხვდნენ. მან გამხდარ ბალერინას ხელი მოხვია და მიხვდა, რომ გაშვება აღარ უნდოდა. როცა მათ უფრო ახლოს გაიცნეს ერთმანეთი, ვახტანგმა იგრძნო, რომ მთელი ცხოვრება მას ელოდა.
ბუბა კიკაბიძე ცხოვრებას შემდეგნაირად უყურებდა:
„ქალი, პირველ რიგში, ჭკვიანი და განათლებული, ინტელექტუალური უნდა იყოს. რომ საინტერესო იყოს მასთან ერთად ყოფნა არა მხოლოდ საწოლში. ეს სილამაზეზე არ არის. სილამაზე სხვა რამეშია. ასე ვუყურებ ცხოვრებას“.
ირინა და ვახტანგი დაქორწინდნენ და მათ პირველი ვაჟი კონსტანტინე შეეძინათ. პრიმა ბალერინა ყოველთვის ოცნებობდა დიდ სახლზე ლამაზი ეზოთი, 2001 წელს კი ეს ოცნება ვახტანგმა ცოლს აუხდინა.
ბუბა ყოველთვის ფიქრობდა, თუ რატომ იყვნენ ასეთი ბედნიერები ის და მისი ცოლი, პასუხი კი ასეთი იყო:
„ყველაფერი იყო ურთიერთპატივისცემაზე დამოკიდებული. ყოველთვის დაიმახსოვრე, რომ შენს გვერდით არის ადამიანი საკუთარი პრეფერენციებით, რწმენით და თუნდაც ჩვევებით, ნუ ეცდები მის გადაკეთებას “საკუთარი თავისთვის” – ეს არის ძლიერი ქორწინების მთელი საიდუმლო.“
ვერავინ იფიქრებდა, რომ ქართველ დონ ჟუანს შეეძლო ასეთი მეოჯახე გამხდარიყო, თუმცა მთელი ცხოვრება ბედნიერებაში, პატივისცემაში და ოჯახის ზრუნვაში გაატარა.
შეგახსენებთ, რომ 2021 წლის 11 ოქტომბერს ირინა ქებაძე გარდაიცვალა, ხოლო 2023 წლის 16 იანვარს 84 წლის ასაკში, ბუბა კიკაბიძე.
საზოგადოება ბუბა კიკაბიძეს ემშვიდობება, იხილეთ ვიდეო:
წყარო: https://bit.ly/3XzJtUU
ასევე იხილეთ:
#OK! ბუბა კიკაბიძის ,,პორტრეტი” – ლეგენდარული მსახიობი და მომღერალი
