ბრიტანეთის სამეფო ოჯახს, საკმაოდ მკაცრი პროტოკოლი აქვს და თუ კი დღეს, მისი დარღვევის გამო, როგორც წესი, ოჯახის ყველაზე ახალგაზრდა წარმომადგენლებზე კეთდება აქცენტი, აღმოჩნდა რომ თავის დროზე გამონაკლისი არც დედოფალი ელიზაბეტი ყოფილა, რომელიც დღეს თავად ცდილობს რომ ოჯახში ყველაფერი ნორმის ფარგლებში იყოს. გადავხედოთ შემთხვევებს, როცა მისი ქცევაც მედიის ყურადღების ცენტრში აღმოჩნდა.
1. ელიზაბეტმა ფილიპს უფლება მისცა შვილის დაბადებისას სამშობიარო ოთახში ყოფილიყო.
დედოფალი ელიზაბეტი პირველი ქალბატონია სამეფო ოჯახში, რომელმაც მეუღლეს საშუალება მისცა შვილის- პრინცი ედუარდის დაბადებას დასწრებოდა, შესაბამისად, პრინცი ფილიპი პირველი მამაა სამეფო ოჯახში, რომელიც შვილის ამქვეყნად მოვლინების მომსწრე გახდა.
2. დედოფალი მიშელ ობამას ჩაეხუტა.
სამეფო ოჯახის წევრებისადმი შეხება აკრძალულია გარეშე პირებისათვის, განსაკუთრებით კი მაშინ, როცა საქმე დედოფალს ეხება. თუმცა როდესაც პირველი ლედი მიშელ ობამასა და ბარაკს შეხვდა, კამერებმა დააფიქსირა, თუ როგორ მოჰხვია ხელი პირველმა ლედიმ ბრიტანეთის დედოფალს.
3. დედოფლის ქცევა პრინცესა დაიანას გარდაცვალების დღეებში.
1997 წელს, ლედი დაიანას ტრაგიკული გარდაცვალების შემდეგ, დედოფალმა ელიზაბეტმა სცადა შემთხვევა შვილიშვილებისთვის დაემალა. „ბებიამ ყველა გაზეთი და მსგავსი საინფორმაციო წყარო აღკვეთა სასახლეში, ასე რომ, ჩვენ არ გვქონდა ინფორმაცია იმის შესახებ თუ რა ხდებოდა“ – აღნიშნა პრინცმა უილიამმა.
