51 წლის ამერიკელი მომღერალი, მოცეკვავე და მსახიობი ჯენიფერ ლოპეზი რამდენიმე საათის წინ პაპარაცებმა ფლორიდაში შენიშნეს. მეგობართან ერთად მყოფი შემსრულებელი სპორტდარბაზში მიემართებოდა, ჯენიფერი ჯანსაღი ცხოვრების წესის მომხრეა და ფიზიკური ფორმის შესანარჩუნებლად პერმანენტულად ვარჯიშობს.
ლოპესი ხშირად აღნიშნავს, რომ კატეგორიული წინააღმდეგია ალკოჰოლისა და სიგარეტის, ის მაქსიმალურად ცდილობს არაჯანსაღი საკვები იშვიათად მიიღოს და არ მიირთვას კოფეინის შემცველი სასმელები, რომლებიც, მისი თქმით, კანის ნაადრევ დაბერებას უწყობს ხელს.
“ძალიან კომუნიკაბელური ადამიანი ვარ, მიყვარს მეგობრებთან და ახლობელ ადამიანებთან ერთად დროის გატარება. რესტორნების უმეტესობა გვთავაზობს დაბალკალორიულ კერძებს, ამიტომ მენიუში ყოველთვის ისეთ საჭმელებს ვეძებ, რომლებიც ჩემი ცხოვრების სტილსა და რიტმს შეესაბამება, ასეთია მაგალითად სალათი, ან თევზი ბოსტნეულით.”
“ბრწყინვალება ეს ის არის, რაც გარედან ჩანს, თუმცა შიგნიდან მოდის. ადრეულ ასაკში ვიყენებდი სახის მოვლის ძვირადღირებულ საშუალებებს, თუმცა ერთ რამეს მივხვდი, საკუთარი თავის მოვლა სხეულის მოვლიდან იწყება, აუცილებელია დაკავდეთ ფიზიკური აქტივობით, მიირთვათ ჯანსაღი საკვები და სვათ ბევრი წყალი. ეს არის ცხოვრების წესი, რაც სულიერ, გონებრივ, ემოციურ და ფიზიკურ სიამოვნებას გგვრის.”
სამოსი: Niyama Sol
