2025 წელი ბევრი ახალგაზრდა ვარსკვლავისთვის სიყვარულისა და ოჯახის შექმნის დასაწყისი იყო. ზოგი მათგანი ახლახან შეხვდა ერთმანეთს, ზოგი კი წლებია ერთმანეთის ერთგულნი რჩებიან.
წარმოდგიდგენთ TOP 10 ყველაზე განხილვად ახალგაზრდა წყვილს საინტერესო ისტორიებით:
დუა ლიპა და კალუმ ტერნერი
დუა ლიპასა და ბრიტანელ მსახიობ კალუმ ტერნერს შორის ურთიერთობა 2024 წლის დასაწყისში დაიწყო. მათ ერთმანეთი საერთო მეგობრებით გაიცნეს, შემდეგ კი საერთო საყვარელი წიგნის გამო დაახლოვდნენ. წყვილის ურთიერთობა მალე გამყარდა: ისინი ხშირად ჩანდნენ ერთად ლონდონსა და ლოს-ანჯელესში, საჯაროდ გამოხატავდნენ სიყვარულს, ერთად გამოჩნდნენ Met Gala-ზე და ხშირად აფიქსირებენ თბილ, ინტიმურ მომენტებს. 2025 წლის ივნისში მათი ურთიერთობა ახალ ეტაპზე გადავიდა და ისინი დაინიშნენ.
ტეილორ სვიფტი და თრევის კელსი
ტეილორ სვიფტი და „Kansas City Chiefs’’-ის მოთამაშე თრევის კელსი 2023 წლის ზაფხულიდან საჯარო და აქტიურ რომანტიკულ ურთიერთობაში არიან. მათი ისტორია დაიწყო მას შემდეგ, რაც კელსიმ ტეილორის ,,Eras Tour’’-iს დროს სცადა მისთვის მეგობრობის სამაჯურის გადაცემა, თუმცა ეს ვერ მოახერხა. ამის შემდეგ მათ დაიწყეს ერთმანეთთან შეხვედრა, ხოლო 2023 წლის სექტემბერში ურთიერთობა ოფიციალურად გასაჯაროვდა. წყვილი ხშირად უჭერს მხარს ერთმანეთს კარიერაში – ტეილორი ესწრება კელსის თამაშებს, ხოლო კელსი მისი ტურნეს კონცერტებს. 2025 წლის აგვისტოში მათ ნიშნობა ინსტაგრამ პოსტით ოფიციალურად დაადასტურეს
ჰეილი და ჯასტინ ბიბერები
ჰეილი და ჯასტინ ბიბერების სიყვარულის ისტორია ერთ ათწლეულზე მეტს მოიცავს. მათი პირველი შეხვედრა 2009 წელს შედგა, როდესაც ჰეილი ფანის სტატუსით შეხვდა უკვე პოპულარულ ჯასტინს. წლების განმავლობაში ისინი მეგობრობდნენ, ხოლო 2016 წელს მცირე ხნით ჰქონდათ რომანტიკული, თუმცა არაექსკლუზიური ურთიერთობა. 2018 წელს ისინი ხელახლა დაახლოვდნენ და ძალიან სწრაფად განვითარდა მათი რომანი — იმავე წელს დაინიშნენ და მალევე, 2019 წლის სექტემბერში დაქორწინდნენ. 2024 წლის აგვისტოს ბოლოს მათ პირველი შვილი შეეძინათ ჯეკ ბლუს ბიბერი.
ტომ ჰოლანდი და ზენდაია
ტომ ჰოლანდი და ზენდაია ერთმანეთს 2016 წელს, ფილმის Spider-Man: Homecoming გადაღებებზე შეხვდნენ. თავდაპირველად მეგობრები და კოლეგები იყვნენ, თუმცა მათი კავშირი დროთა განმავლობაში რომანტიკულ ურთიერთობაში გადაიზარდა. მათ ურთიერთობა ოფიციალურად 2021 წელს დაადასტურეს. მიუხედავად მსოფლიო პოპულარობისა, წყვილი ცნობილია იმით, რომ პირად ცხოვრებას არ ასაჯაროებს. ისინი იშვიათად საუბრობენ ერთმანეთზე ინტერვიუებში, თუმცა ხშირად ესწრებიან ერთმანეთის პრემიერებსა და მნიშვნელოვან ღონისძიებებს. 2024 წლის ბოლოს – 2025 წლის დასაწყისში გავრცელდა ინფორმაცია მათი ნიშნობის შესახებ. მიუხედავად იმისა, რომ წყვილს ოფიციალური განცხადება არ გაუკეთებია, მედიაში აქტიურად იწერება, რომ ისინი ურთიერთობის ახალ ეტაპზე გადავიდნენ.
:max_bytes(150000):strip_icc():focal(749x0:751x2)/tomhollandzendayayouthquakegallery06022023-84-8d709963b5784c51a7728b30907da519.jpg)
მილი ბობი ბრაუნი და ჯეიკ ბონჯოვი
მილი ბობი ბრაუნი და ჯეიკ ბონჯოვი- ცნობილი როკ-მუსიკოსის ჯონ ბონ ჯოვის ვაჟი, ჰოლივუდის ერთ-ერთ ყველაზე გამორჩეულ ახალგაზრდა წყვილად მიიჩნევიან. მათი ურთიერთობა 2021 წელს Instagram-ზე მეგობრობით დაიწყო. მალევე მათ შორის ძლიერი კავშირი გაჩნდა და იმავე წლის ბოლოს წყვილმა ურთიერთობა ოფიციალურად დაადასტურა. 2023 წლის აპრილში ისინი დაინიშნენ, 2024 წლის მაისში კი კერძო ცერემონიაზე იქორწინეს. 2025 წელს ახალგაზრდა წყვილმა სერიოზული ნაბიჯი გადადგა და პატარა გოგონა იშვილა, რითაც მათი ოჯახი კიდევ უფრო გაიზარდა.
კაილი ჯენერი და ტიმოთი შალამე
კაილი ჯენერი და ტიმოთი შალამე პირველად, გავრცელებული ინფორმაციით, 2023 წლის იანვარში პარიზში, Jean Paul Gaultier-ის მოდის ჩვენებაზე შეხვდნენ, სადაც გადაღებულ ვიდეოში ისინი ერთად იცინოდნენ. პირველი ინტერაქციის შემდეგ, აპრილში მათი რომანის შესახებ ჭორები გავრცელდა, განსაკუთრებით მაშინ, როცა პაპარაცებმა მათი ავტომობილები ერთმანეთის სახლებთან შენიშნეს. საბოლოოდ, 2023 წლის სექტემბერში წყვილი ოფიციალურად გამოჩნდა Beyonce-ს კონცერტზე და ურთიერთობა საჯაროდ დადასტურდა. ისინი აქტიურად უჭერენ ერთმანეთს მხარს მნიშვნელოვან ღონისძიებებზე. მაგალითად, 2026 წლის Critics Choice Awards-ზე ტიმოთი შალამემ საჯაროდ მადლობაც კი გადაუხადა კაილის, რაც მათი ურთიერთობის სიმტკიცის კიდევ ერთი დასტური გახდა.
ჰარი სტაილსი და ზოი კრავიცი
ჰარი სტაილსი და ზოუი კრავიცი პირველად 2025 წლის აგვისტოში დაახლოვდნენ. მათ შორის რომანი სწრაფად განვითარდა მას შემდეგ, რაც ერთად ლონდონსა და რომში შენიშნეს. მიუხედავად იმისა, რომ წყვილი ურთიერთობას მეტწილად თავისთვის ინახავს, ისინი ერთად არაერთხელ გამოჩნდნენ ლონდონში, ნიუ-იორკსა და რომში 2025 წლის ბოლოს და 2026 წლის დასაწყისში.
დოვ კამერონი და დამიანო დავიდი
დოვ კამერონი და დამიანო დავიდი ერთმანეთს 2023 წელს VMAs-ზე შეხვდნენ. მათი რომანი 2023 წლის ბოლოს დაიწყო, თუმცა ურთიერთობას მალავდნენ. ჭორები მას შემდეგ გავრცელდა, რაც კამერონი Måneskin-ის კონცერტზე შენიშნეს, ხოლო ოფიციალური დებიუტი წითელ ხალიჩაზე 2024 წლის თებერვალში შედგა. 2025 წლის ოქტომბერში დამიანომ დოვს ხელი სახლში სთხოვა, მათთვის მყუდრო და მშვიდ გარემოში, ყველანაირი ყურადღების გარეშე. წყვილმა ნიშნობის შესახებ ინფორმაცია 2026 წლის 3 იანვარს გაავრცელა.
ბრუკლინ ბექჰემი და ნიკოლა პელცი
ბრუკლინ ბექჰემისა და ნიკოლა პელცის რომანი 2019 წელს დაიწყო. ისინი პირველად 2017 წელს Coachella-ზე შეხვდნენ, 2019 წელს კი ურთიერთობა კვლავ აღადგინეს. წყვილi 2020 წლის ივლისში დაინიშნა და საბოლოოდ ფლორიდაში 2022 წელს მდიდრულ ცერემონიაში იქორწინეს. მიუხედავად გახმაურებული ოჯახური კონფლიქტისა, ისინი ხშირად ჩნდებიან სასიყვარულო პოსტებით სოციალურ ქსელებში.
ბილი აილიში და ნატ უოლფი
გავრცელებული ინფორმაციით ბილი აილიში და ნატ უოლფის ერთმანეთს 2023 წლის ბოლოს დაუახლოვდნენ, რის შემდეგაც მათი სასიყვარულო ისტორია 2024–2025 წლებში განვითარდა. 2025 წლის ივნისში მათ ვენეციაში აივანზე რომანტიკული კადრები გადაუღეს, რაც ჭორებს კიდევ უფრო აძლიერებდა. ისინი საჯაროდ 2026 წლის გრემის დაჯილდოებაზე გამოჩნდნენ.
