მეცნიერები ვარაუდობენ, რომ უახლოეს მომავალში ხელოვნული ინტელექტი კაცობრიობის განვითარების მამოძრავებელი ძალა გახდება და ადამიანების მიუწვდომელ ოცნებებს რეალობად აქცევს. ისინი AI ხელოვნების დანერგვას ახალი ეპოქის დასაწყისად მიიჩნევენ, რომელიც კინოინდუსტრიას ყველასთვის ხელმისწვდომს გახდის.
ხელოვნური ინტელექტის გავლენა თანამედროვე კინოსა და სარეკლამო ინდუსტრიაზე უკვე ჩვენშიც იგრძნობა. AdMagica.ai-ს თანადამფუძნებელმა და აღმასრულებელმა დირექტორმა, გიგი კურტანიძემ ხელოვნური ინტელექტის დახმარებით, „ვეფხისტყაოსნის“ ეკრანიზაციის შემდეგ კონსტანტინე გამსახურდიას ტეტრალოგია „დავით აღმაშენებელი“ გააცოცხლა.
„ამჯერად გადავწყვიტე კონსტანტინე გამსახურდიას უკვდავი ნაწარმოებისა და ჩვენი ისტორიის ყველაზე ძლიერი ეპოქისთვის შემესხა ხორცი.
AI ტექნოლოგიების დახმარებით შევქმენი თრეილერი დავით აღმაშენებლის პერიოდზე, მაგრამ ამ ვიდეოს მთავარი ძალა ვიზუალზე მეტად, ერთ განსაკუთრებულ დეტალშია…
კადრებს ფონად გასდევს ლევან ყოჩიაშვილის არაჩვეულებრივი, ყველასთვის საყვარელი ხმა და ის ლეგენდარული მონაკვეთი, რომელზეც ტანში ჟრუანტელი გვივლის.
ჩართეთ ხმა და ნახეთ, როგორ გამოიყურება ოქროს ხანა ციფრულ ეპოქაში“ – წერს გიგი კურტანიძე.
ასევე დაგაინტერესებთ
