Netflix-მა ცნობილი ბრიტანული პოპ ჯგუფის Take That-ის შესახებ გადაღებული დოკუმენტური სერიალისთვის „Definitive Story“ (ამომწურავი ისტორია) 45-წამიანი თიზერი გამოაქვეყნა. პროექტის პრემიერა, რომლის რეჟისორი დევიდ საუთერია, 27 იანვარს შედგება.
სერიალში Take That-ის ყველა წევრი: მარკ ოუენი, გარი ბარლოუ, ჯეისონ ორენჯი, ჰოვარდ დონალდი და რობი უილიამსი მონაწილეობს. 1990-იანი წლების კონცერტების საარქივო კადრებს მუსიკოსების დღევანდელი კომენტარები ახლავს.
„არაფერია იმაზე უკეთესი, ვიდრე ჯგუფში ყოფნა“, – ამბობს ბარლოუ თიზერის დასაწყისში.
სერიალი, რომელიც სამი ნაწილისგან შედგება, მანჩესტული კვინტეტის „მოკრძალებული დასაწყისიდან პოპის სუპერვარსკვლავებად ქცევის“ ისტორიას გვამბობს. ფილმში დღემდე გამოუქვეყნებელ კადრებს, ინტერვიუებსა და საარქივო მასალებს ვნახავთ.
ჯგუფი Take That 1990 წელს შეიქმნა, 1996 წელს დაიშალა და 2005 წელს ხელახლა გაერთიანდა. ჯგუფმა ცხრა ალბომი გამოუშვა. Take That -ის თორმეტი სინგლი დიდი ბრიტანეთის ჩარტებში პირველ ადგილზე მოხვდა. 2017 წელს Take That-მა ავსტრალიაში, ახალ ზელანდიაში, არაბთა გაერთიანებულ საემიროებსა და ისრაელში დიდი ტურნე დაასრულა.
ასევე დაგაინტერესებთ
#OK! მშვიდობით, ჰოლივუდო – ჯორჯ კლუნი საფრანგეთის მოქალაქე გახდა
