2022 წლის ნოემბერში ბრედ პიტი ლოს-ანჯელესში მეგობარ გოგონასთან ერთად დააფიქსირეს. People magazine – ს ანონიმურმა წყაროებმა განუცხადეს, რომ პიტი და ინეს დე რამონი ერთმანეთს ხვდებოდნენ, თუმცა წყვილი ამას მალავდა. ბრედ პიტმა საყვარელი ქალი ვენეციის საერთაშორისო კინოფესტივალზე გამოაჩინა და წითელ ხალიჩაზე ერთობლივი დებიუტიც შედგა.
ვინ არის ინეს დე რამონი?
ინეს დე რამონი სამკაულების დიზაინერია. 2013 წელს ჟენევის უნივერსიტეტი დაამთავრა და ბიზნესის ადმინისტრირების კუთხით ბაკალავრის ხარისხი მიიღო. გარდა ამისა, დაინტერესებულია კვების ტექნოლოგიებით და შესაბამისი სერტიფიკატებიც აქვს. იგი შვეიცარიაში, ერთ-ერთ დიდ საიუველირო კომპანიაში, De Grisogono-ში მუშაობდა.
სხვადასხვა ენებზე საუბრობს. კარგად ფლობს ფრანგულს გერმანულს, ინგლისურს და იტალიურს.
დე რამონი ახლა ბრენდის, Anita Ko Jewelry-ის ხელმძღვანელად მუშაობს, რომელსაც უამრავი ცნობილი მომხმარებელი ჰყავს – ჰეილი ბიბერი, კორტნი კარდაშიანი, დემი მური და სხვები.
2022 წელს დე რამონი ბრენდის სარეკლამო კამპანიაშიც მონაწილეობდა და შესაბამისი ფოტოები საკუთარ გვერდზეც გააზიარა.
ინეს დე რამონი ურთიერთობაში იყო “ვამპირის დღიურების” მსახიობ პოლ უესლიზე. 3 წლიანი ქორწინების შემდეგ, 2022 წლის სექტემბერში ერთმანეთს დაშორდნენ.
ბრედ პიტმა და ინეს დე რამონმა ერთმანეთი საერთო მეგობრის დახმარებით გაიცნეს. პიტმა საკუთარი დაბადების დღე ზედიზედ ორჯერ საყვარელ ქალთან ერთად აღნიშნა. მათ შორის ასაკობრივი სხვაობა 29 წელია.
გავრცელებული ინფორმაციით, წყვილი ერთმანეთს ორი წელია ხვდება. ისინი ახლახან, F1 ფილმის პრემიერაზე ერთად გამოჩნდა.
