29 წლის პოპვარსკვლავმა დუა ლიპამ ოფიციალურად დაადასტურა ნიშნობა ბრიტანელ მსახიობ და მოდელ კალუმ ტერნერთან. მათი ურთიერთობა 2024 წლის დასაწყისში გახდა ცნობილი, თუმცა მანამდე, საერთო მეგობრების მეშვეობით, ხშირად ხვდებოდნენ ერთმანეთს. ერთ-ერთ შეხვედრაზე აღმოაჩინეს, რომ ერთი და იგივე საყვარელი წიგნი აქვთ(Trust by Hernan Diaz), რაც დუას თქმით, “ცხოვრების პატარა, მაგიური სიგნალი” იყო.
ბრილიანტის ბეჭედი, რომელიც 65 000 – დან 125 000 დოლარამდეა შეფასებული, სპეციალურად დუასთვის შეიქმნა.
ამ ეტაპზე ქორწილის დაგეგმვას არ ჩქარობენ და პირველ რიგში, ერთად ყოფნით ტკბებიან.
„გვსურს, საუკეთესო მეგობრებად ჩამოვყალიბდეთ და ერთად გავიზარდოთ” – განაცხადა წვილმა.
მიუხედავად იმისა, რომ მომღერალი ცდილობს პირად თემებზე ხშირად არ ისაუბროს, ყოველთვის მედიის ყურადღების ცენტრშია და საზოგადოებისთვის კარგად ცნობილია მისი წარსული ურთიერთობები.
isaac carew
დუას პირველი გახმაურებული ურთიერთობა მოდელ და შეფმზარეულ isaac carew – თან ჰქონდა. ისინი ერთმანეთს 2015 წლიდან ხვდებოდნენ, თუმცა გარკვეული პერიოდის შემდეგ დაშორდნენ. წყვილი 2018 წელს კვლავ შერიგდა, თუმცა ურთიერთობა საბოლოოდ მაინც დასრულდა.
paul klein
დუა და პოლ კლაინი(LANY-ის ვოკალისტი) ერთმანეთს 2017 – 2018 წლებში ხვდებოდნენ. პოლი შემდგომში იხსენებდა, რომ ეს მისთვის პირველი ღრმა და ნამდვილი გრძნობა იყო. დაშორების შემდეგ მან ამ თემაზე სიმღერებიც კი დაწერა.
anwar hadid
დუასა და ჰადიდების ძმას, ანვორ ჰადიდს შორის ურთიერთობა 2019 წელს დაიწყო. ამავე წლის ნოემბერში, პირველად წითელ ხალიჩაზე , American Music Awards-ზე გამოჩნდნენ. ამ დროს, მათი ურთიერთობა საჯაროდ არ იყო, თუმცა პერიოდულად სოციალურ ქსელებში ერთმანეთის მიმართ გრძნობებს გამოხატავდნენ. წყვილი პანდემიის დროს ერთად ატარებდა დროს და როგორც ამბობდნენ, სერიოზულ სიახლეებს გეგმავდნენ.
2021 წლის ბოლოს მათ დაშორების გადაწყვეტილება მიიღეს, რის მიზეზადაც გრაფიკების შეუთავსებლობა დასახელდა. დუა ლონდონში და ლოს-ანჯელესში მუშაობდა ახალ ალბომზე, ხოლო ანვორი ნიუ-იორკში იმყოფებოდა, რაც მანძილისა და დროის განსხვავების გამო ურთიერთობაში სირთულეებს ქმნიდა.
trevor noah
2022 წელს მედია დუა ლიპას სატელევიზიო წამყვან ტრევორ ნოასთან ურთიერთობაზე ალაპარაკდა. ერთად რამდენიმე შეხვედრის დროს დააფიქსირეს, თუმცა ტრევორმა მოგვიანებით განაცხადა, რომ მეგობრობით დაასრულეს ურთიერთობა.
jack harlow
2022 წლის ბოლოს, ამერიკელ რეპერ ჯეკ ჰარლოუსა დუა ლიპას ურთიერთობის შესახებ ხმები გავრცელდა. როგორც ჩანს, ურთიერთობა მხოლოდ რამდენიმე კვირას გაგრძელდა.
Romain Gavras
2023 წელს დუა ფრანგ რეჟისორს ხვდებოდა. ისინი ერთად წითელ ხალიჩაზე გამოჩნდნენ და გარკვეული პერიოდი ყველაზე „მოდური წყვილის” სახელით სარგებლობდნენ. თუმცა, წლის ბოლოს ურთიერთობა დასრულდა, ისევ გრაფიკისა და პროფესიული შეუთავსებლობის გამო.
შეგახსენებთ, რომ 2024 წლის იანვრიდან დღემდე დუა ლიპა ურთიერთობაშია ბრიტანელ მსახიობ კალუმ ტერნერთან.
