ცნობილი გახდა, რომ წელს ევროვიზიაზე საქართველოს მარიამ შენგელია სიმღერით “Freedom” წარადგენს. სოციალურ ქსელში რამდენიმე დღით ადრე აზრთა სხვადასხვაობა გამოიწვია იმ ფაქტმა, თუ ვინ წარადგენდა წელს ჩვენს ქვეყანას. გულშემატკივრების ნაწილი მხარს მომღერალ ნინი ირს უჭერდა, მაგრამ ჟიურის გადაწყვეტილებით შიდა საკონკურსო პროექტის გამარჯვებული მარიამ შენგელია გახდა.
22 წლის მომღერლას Ბავშვობაში მსახიობობა სურდა, მაგრამ როცა პროფესიული არჩევნის წინაშე დადგა მიხვდა, რომ სიმღერის გარეშე არ შეეძლო და სწორედ ამ მიმართულებით გადაწყვიტა განვითარება. მუსიკალური მონაცემები ბავშვობიდან ჰქონდა, ამიტომაც მშობლებმა მალევე სიმღერაზე შეიყვანეს, ხოლო საზოგადოებამ ის 14 წლის ასაკში კონკურს “X ფაქტორში” გაიცნო. ასევე მონაწილეობა მიიღო კონკურს “საქართველოს ვარსკლავში”. მოგვიანებით კი “The voice საქართველოში”, სადაც სიმღერა “Steamroller Blues” შეასრულა. ამჟამად მარიამი ბენდ “მიქსტურას” წევრია, რომელიც მსმენელს გემოვნებიანი მუსიკითა და კონცერტებით ანებივრებს.
მისი შესრულებული სიმღერებიდან გამორჩეულია “ირინოლა” და “გზები, გზები”. სიმღერის გარდა მარიამი შესანიშნავად ცეკვავს. აღსანიშნავია მისი საკონკურსო ნომრები პროექტ “ცეკვავენ ვარსკვლავებში”, სადაც მეორე ადგილიდაიკივა.
წელს ევროვიზიაზე 38 ქვეყანა მიიღებს მონაწილეობას. საქართველო პირველად ევროვიზიის სცენაზე 2007 წელს სოფო ხალვაშმა სიმღერით “Visionary Dream” წარადგინა. ჯამში ჩვენმა ქვეყანამ 2024 წლის ჩათვლით 16-ჯერ მიიღო მონაწილეობა. ამ პერიოდში, საქართველო ფინალში 7-ჯერ გავიდა. ყველაზე წარმატებული შედეგი ქვეყანამ 2010(სოფო ნიჟარაძე სიმღერით “Shine”) და 2011 (Eldrine სიმღერით “One More Day”) წლებში აჩვენა, როდესაც ორივეჯერ მე-9 ადგილი დაიკავა. 2024 წელს საქართველო ევროვიზიაზე ნუცა ბუზალაძემ სიმღერით “Firefighter” წარადგინა და 21-ე ადგილზე გავიდა.
ევროვიზიის რიგით 69-ე კონკურსი წელს შვეიცარიის ქალაქ ქალაქ ბაზელში, St. Jakobshalle-ში 13, 15 და 17 მაისს გაიმართება. მარიამ შენგელია 15 მაისს წარდგება ევროვზიის დიდ სცენაზე.
