ჟურნალი OK! წარმოგიდგენთ რეპროდუქციულ-მეტაბოლური ჯანმრთელობის ცენტრს „პრაიმ კლინიკას“, რომელიც ახლახან დაარსდა. პროფესიონალი სამედიცინო პერსონალი, ხარისხიანი მომსახურება და თანამედროვე მეთოდები… ამ ყველაფერს „პრაიმ კლინიკა“ საზოგადოებას ერთ სივრცეში სთავაზობს.
„ჩვენი მთავარი მიზანია უნაყოფო წყვილების კომპლექსური დიაგნოსტიკა და მკურნალობა“, – აღნიშნავს ჩვენთან საუბარში კლინიკის დამფუძნებელი და ექიმი-რეპროდუქტოლოგი, ნატალია ჯაფარიძე.
ნატალია, რას ნიშნავს მეტაბოლური დარღვევები და რა კავშირი აქვს მას რეპროდუქციულ სისტემასა და უნაყოფობასთან?
ბოლო წლებში უშვილობის გამომწვევ მიზეზებს შორის გამოიკვეთა მეტაბოლური დარღვევების როლი. ე.წ. მეტაბოლური სინდრომის ძირითადი ფენოტიპური გამოვლინებაა ჭარბი წონა და სიმსუქნე, რაც უარყოფით გავლენას ახდენს ქალისა და მამაკაცის რეპროდუქციულ ფუნქციაზე. ქალებში ჭარბი ცხიმოვანი ქსოვილი შესაძლოა გახდეს ორგანიზმში მთელი რიგი ჰორმონალური დარღვევების მიზეზი, მათ შორის ერთ-ერთი ხშირი გამოხატულება არის ანოვულატორული ციკლის ჩამოყალიბება, შემდგომში უნაყოფობა. რაც შეეხება მამაკაცებს, ჭარბ ცხიმში წარმოქმნილი თავისუფალი რადიკალები იწვევენ უჯრედშიდა მემბრანების შეუქცევად ცვლილებებს, სპერმატოგენეზის დაქვეითებას და შედეგად უნაყოფობას.
როგორია „პრაიმ კლინიკის“ შექმნის ისტორია?
ბოლო წლებში მსოფლიოში, მათ შორის საქართველოშიც, გამოიკვეთა სიმსუქნის მატების სტატისტიკა, რაც დაკავშირებულია თანამედროვე ეპოქაში ადამიანების მიერ მაღალკალორიული, არაჯანსაღი საკვები პროდუქტების აქტიურ მოხმარებასთან. ამას ემატება ჯდომითი, ოფისსამსახურები, ფიზიკური აქტივობის შემცირება, და ა.შ. აღნიშნული პრობლემის აქტუალობამ წარმოქმნა რეპროდუქციულ-მეტაბოლური ჯანმრთელობის ცენტრის დაარსების იდეა, რომლის ბაზაზე ამ ორი მიმართულების გაერთიანება მოხდება. კლინიკაში მეტაბოლური სინდრომის მქონე უნაყოფო პაციენტებს ექნებათ საშუალება, ერთ სივრცეში ჩაიტარონ კომპლექსური გამოკვლევები და მკურნალობა.
რატომ ქართულ-ბრიტანული?
„პრაიმ კლინიკა“ გეგმავს თანამშრომლობას ბრიტანეთის წამყვან საუნივერსიტეტო კლინიკის ექიმებთან London Royal College-ის ბაზაზე, მათი გამოცდილების გაზიარებას მეტაბოლური და რეპროდუქციული დარღვევების პაციენტების მართვაში. ეს გამოცდილება ეყრდნობა როგორც დიდი რაოდენობით პაციენტს, ასევე, სამეცნიერო კვლევების მონაცემებს. ამასთანავე, ვგეგმავთ ბრიტანელ ექიმებთან პარტნიორობას საგანმანათლებლო კუთხით, რომელიც საინტერესო იქნება ქართველი, როგორც
ექიმი-სპეციალისტებისთვის, ასევე, რეზიდენტებისთვის.
კლინიკა „პრაიმის“ გუნდი გისურვებთ ჯანმრთელობას!
