საახალწლო საჩუქრების შეძენა ერთ სივრცეში დიდი კომფორტია, მით უფრო, თუ ეს საჩუქარი ჯანმრთელობისა და სილამაზისთვისაა განკუთვნილი. GPC-ს ქსელი ამ შემთხვევაში უალტერნატივოა. ზოდიაქოს ნიშნის მიხედვით შევეცადეთ შესაბამისი სასაჩუქრე ყუთები შემოგვეთავაზებინა თქვენთვის.
ვერძი
თუ გინდათ ვერძს თქვენი საჩუქარი დაამახსოვრდეს, ვფიქრობთ, მისი გაბედულების ხაზგასასმელად იდეალური საჩუქარია „ლიერაკის“ საოცარი „დუო“ – ჰიდრაჟენისტის თვალის შრატი და კრემი.
კურო
ფუფუნებისა და ხარისხის მოყვარული კუროს გახარება ძალზე ადვილია, თუ ზუსტად შეურჩევთ ისეთ პროდუქტს, რომელიც მისი რუტინის განუყოფელ ნაწილად იქცევა და ამავდროულად, მის სტატუსს გაუსვამს ხაზს. NUX-ის პრემიალური ბრენდის ნაკრები ნამდვილი მონაპოვარია კუროთათვის.
ტყუპები
ტყუპების კონტრავერსიული ხასიათის შესაფერისი საჩუქრის შერჩევა შესაძლოა, საკმაოდ დიდ სირთულედ მოგეჩვენოთ. თუმცა, ნამდვილად არ არის საჭირო ცხრათავიანი დევის დამარცხება, ან ცხრა მთის გადავლა, საკმარისია „ჯპს“-ში 9 წუთით შევლა და ფრანგული პარფიუმერიის რევოლუციური ბრენდის ADOPT-ის სუნამოსა და ტანის კრემის საოცარი ნაკრები!
კირჩხიბი
დღესასწაულებისა და ზეიმის მოყვარული კირჩხიბი უკვე ნოემრიდან ემზადება საშობაო დღესასწაულებისთვის. მის გახარებას შეძლებთ, თუ თქვენი შერჩეული საჩუქარი კარგად ნაფიქრი და საგულდაგულოდ შერჩეულია. „ნუქსის“ თაფლის ექსტრაქტზე დამზადებული „რევ დემიელის“ თავის მოვლის პროდუქტების ნაკრები მათ სიტკბოებასა და მეოჯახეობას გაუსვამს ხაზს!
ლომი
თავდაჯერებული და ყურადღების ცენტრში ყოფნის მოყვარული ლომისთვის „ჯპს“-ს ქსელში საოცარი სიახლეა – ფრანგული ბრენდის თვალის სუპერ შრატი, რომელიც არა მხოლოდ მის ხასიათს, არამედ მის გარეგნობასაც თვალისმომჭრელ იერს შესძენს!
ქალწული
პერფექციონისტი ქალწულისთვის მაკიაჟისთვის სახის მომზადება შესაძლოა ყველაზე მნიშვნელოვანი ნაწილი იყოს. ამიტომაც თამამად შეგიძლიათ აჩუქოთ „ემბრიოლისის“ მაკიაჟისთვის მოსამზადებელი დამატენიანებელი კრემი, რომელიც მას იდეალური მაკიაჟის გაკეთებაში დაეხმარება.
სასწორი
ქარიზმატული და მეგობრული სასწორი მუდამ გარშემორტყმულია მეგობრებით. მისთვის დიდი მნიშვნელობა აქვს სოციალიზაციას, რისთვისაც აუცილებელია მოვლილი და ლამაზი სახის კანი. სწორედ ამ შედეგისა და საუკეთესო საჩუქრის იდეას შემოგთავაზებთ „ჯპს“ – „ლიერაკის“ სახის დამატენიანებელი კრემი – „ჰიდრაჟენისტი“!
მორიელი
ინტუიციური და ბრძენი მორიელი წყლის ნიშანია, რომელიც ასოცირდება ძალასთან! სწორედ ამ ძალისა და ჭკვიანი ფორმულის პროდუქტს, რომელიც მას კიდევ უფრო მშვენიერს გახდის, გთავაზობთ „ჯპს“ – „ნუქსის“ სახის სუპერშრატი ოქროს ბურთულებით – ჰიალურონისა და ნიაცინამიდის მჟავათი გამდიდრებული საოცარი შრატი.
მშვილდოსანი
მოგზაურობისა და თავგადასავლების მოყვარული მშვილდოსნისთვის საუკეთესო საჩუქარია სამგზავრო, „ბოდი შოპის“ მსუყე ნაკრები, რომელშიც საგულდაგულოდ შერჩეული პროდუქტების მინი-მოდელები მშვილდოსნის სამოგზაურო გეგმებს შეეფერება.
მერწყული
ექსტრავაგანტური და განსხვავებული იდეებით დახუნძლული მერწყულის მრავალფეროვანი ინტერესებისა და სწრაფვების იდეალური გამოსახულება რევოლუშენის თვალის ჩრდილების პალეტებია! საახალწლო და ზოგადად სადღესასწაულო ფერები, განსხვავებული იერის შექმნის შესაძლებლობა – ეს ისაა, რითაც მერწყულის გულს მოიგებთ!
თხის რქა
„ჯპს“ აქაც არ გიღალატებთ და გთავაზობთ „ალმა ქეი“-ს მკვდარი ზღვის მინერალებით გამდიდრებულ პროდუქტებს – აბაზანის მარილი, შხაპის გელი, სკრაბი და ტანის კარაქი! ამ საოცარი რუტინით თქვენ მისცემთ თხის რქას ახალი ენერგიით დამუხტვის შესაძლებლობას!
თევზები
წარმოსახვის საოცარი უნარის მქონე თევზები საკმაოდ რთული ადრესატები არიან საჩუქრის შესარჩევად. მისი სიმსუბუქისა და სინაზის გამომხატველი საჩუქარი ფრანგული პარფიუმია! „ჯპს“ აქაც არ გიმტყუნებთ და შეგარჩევინებთ ყვავილოვან სურნელს – Roger Gallet-ის სუნამოს!
