OK! წარმოგიდგენთ მრავალპროფილიან სასწავლო ცენტრს – Language Centre (LC). ეს არის ადგილი, სადაც სასკოლო-სააბიტურიენტო საგნებსა და უცხო ენებს ერთ სივრცეში ასწავლიან. 14-წლიანი გამოცდილება, პროფესიონალთა გუნდი და თანამედროვე მიდგომები, – ეს ის არასრული ჩამონათვალია, რითაც აღნიშნული ცენტრი საგანმანათლებლო ბაზარზე გამოირჩევა.
აღსანიშნავია, რომ Language Centre (LC)-ის სამივე ფილიალში ახალი სასწავლო წლისათვის მიღება (რეგისტრაცია) დაწყებულია, აღნიშნულ თემაზე უფრო ვრცლად ცენტრის დამფუძნებლისა და დირექტორის, ია რაზმაძისგან შევიტყვეთ.
გაგვაცანით Language Centre (LC), რა კურსებს სთავაზობთ თქვენთან მოსულ ადამიანებს?
მინდა მოგიყვეთ იმ წარმატების შესახებ, რომელსაც Language Centre (LC)-მა 14 წლის მანძილზე მიაღწია. თავდაპირველად, ცენტრში მხოლოდ უცხო ენები ისწავლებოდა:
- ინგლისური, რუსული, გერმანული, ფრანგული, იტალიური, ესპანური, თურქული და არაბული.
ინგლისური ენა იყო და არის მთავარი ღერძი ჩვენი ცენტრისთვის, მისი შესწავლა ჩვენთან მოსულ ნებისმიერ მსურველს შეუძლია A1 დონიდან C2 დონის ჩათვლით, ასაკის შეუზღუდავად. ასევე, ჩვენთან ხდება საერთაშორისო გამოცდებისთვის მომზადება (IELTS, TOEFL, FCE, CAE, SAT…. ), ბიზნესინგლისურისა და სასაუბრო (ე.წ. სფიქინგის) გაკვეთილები. ყოველი კურსის დასრულებისას გაიცემა ცოდნის დამადასტურებელი სერტიფიკატი.
დაარსების მეორე წელს კი დავამატეთ მეორე მიმართულება – სასკოლო-სააბიტურიენტო საგნები :
- ქართული, მათემატიკა, ისტორია, გეოგრაფია, ქიმია, ფიზიკა, ბიოლოგია, ხატვა და ხაზვა.
ამ წლების განმავლობაში LC-ის გუნდმა დიდი შრომის შედეგად შეძლო ბაზარზე დამკვიდრება და ყოველი წარმატებული შედეგი თითოეული მასწავლებლის მაღალი პროფესიონალიზმის დამსახურება. თავის მხრივ, უამრავი წარმატებული მოსწავლე გახდა მოტივი-მიზეზი იმისა, რომ ერთ ადგილზე არ გავჩერებულიყავით.
რა გამოგარჩევთ ბაზარზე არსებული სხვა ცენტრებისგან?
ჩვენ მუდმივ რეჟიმში ვთანამშრომლობთ ბრიტანულ ინსტიტუტებთან და ვითვალისწინებთ მათ რჩევებს სწავლების მეთოდებთან დაკავშირებით. ცენტრის უცხო ენის პედაგოგები გამოწვევად იღებენ მოსწავლეების ისეთ გავრცელებულ ფრაზას, როგორიცაა „ყველაფერი მესმის, მაგრამ ვერ ვსაუბრობ“ … შესაბამისად, ოთხივე უნარ-ჩვევის კომბინაცია, რომელიც გულისხმობს წერას, კითხვას, მოსმენასა და საუბარს, თანაბრადაა გადანაწილებული სწავლების პროცესში და უფრო მეტიც, სისუსტის აღმოფხვრის თვალსაზრისით მეტი აქცენტი კეთდება ამა თუ იმ პრობლემის დაძლევაზე.
ვხელმძღვანელობთ ე.წ. ეკლექტური მიდგომით, რაც მოიცავს სხვადასხვა მეთოდის კომბინაციას: გრამატიკულ-მთარგმნელობითი მეთოდი (GrammarTranslation Method), აუდიოლინგვალური მეთოდი (Audio-Lingual Method), კომუნიკაციური მიდგომა ენის სწავლებაში (Communicative Language Teaching), დავალებაზე ორიენტირებული ენის სწავლება (Task-based Language Learning), სრული ფიზიკური რეაგირება/პასუხი (Total Physical Response), პირდაპირი მეთოდი (Direct Method), ბუნებრივი მეთოდი (Natural Method), და სხვ. აღნიშნულ მეთოდებს პედაგოგი ინდივიდუალურად არგებს როგორც ჯგუფს, ასევე თითოეულ მოსწავლეს ასაკისა და მიზნების გათვალისწინებით.
გარდა ამისა, ცენტრში დავნერგეთ თანამედროვე ტექნოლოგიები, ერთ-ერთი მეთოდი საგნების სრულყოფილად სწავლებისთვის, მოგეხსენებათ, არის IT-ის გამოყენება. კვლევა-ძიების, კრიტიკული აზროვნებისა და შემოქმედებითი უნარის განვითარებისთვის ვიყენებთ კომპიუტერზე ადაპტირებულ ტესტებს, სიმულაციებსა და ვირტუალურ ლაბორატორიებს საბუნებისმეტყველო საგნებში.
გვესაუბრეთ შედეგებზე, რა გაძლევთ მოტივაციას?
წლების მანძილზე დაგროვებული გამოცდილება, პროფესიონალიზმი და მუდმივად განვითარების სურვილი. სწორად დაგეგმილი პროგრამა, ზუსტად შერჩეული სახელმძღვანელოები და უამრავი წარმატებული მოსწავლე-სტუდენტი.
ცენტრის განვითარების გზა გულისხმობს არამარტო სხვადასხვა მეთოდის გამოყენებასა და დახვეწას, არამედ სხვადასხვა გამოწვევის მიღებასა და დროულ რეაქციას. უნდა აღინიშნოს პანდემია და მასთან დაკავშირებული რეგულაციები, პედაგოგების პროფესიონალიზმია, როდესაც დაუყოვნებლივ მოხდა მორგება ონლაინსწავლებასა და ხარისხის შენარჩუნებაზე, შედეგად კი მივიღეთ ის, რომ დღეს ცენტრი თანაბარი ეფექტიანობით უმკლავდება როგორც ონლაინ, ასევე საკლასო სწავლებას.
კითხვაზე, თუ როგორ აღწევენ პედაგოგები სასურველ შედეგს, შემიძლია გიპასუხოთ, რომ პედაგოგები გამოირჩევიან მაღალი კვალიფიკაციით, რაც გულისხმობს გავლილ ტრენინგებს და საერთაშორისო სერტიფიკატებს, როგორიცაა CELTA, თუმცა ასევე მნიშვნელოვანია საგნის სიყვარული, რადგან მასზე დაფუძნებული ცოდნა არის მოსწავლის წარმატების ფორმულა.
როგორ ხვდებით ახალ სასწავლო წელს?
როგორც ყოველთვის, ახალ სასწავლო წელს ვხვდებით სიახლეებით. წელს უკვე შესაძლებელი იქნება პედაგოგთა გადამზადება – ცენტრში საბაზო და საშუალო განათლების პროგრამების მიხედვით, შევიმუშავეთ მასწავლებელთა კომპეტენციის დასადასტურებელი გამოცდის ჩასაბარებელი მოსამზადებელი კურსის პროგრამები ყველა საგანში, რომელიც მორგებულია განათლების მაღალი ხარისხის ყველაზე მნიშვნელოვან წიგნიერების უნარზე, რაც მიგვაჩნია, რომ აკადემიური წარმატების მთავარი პრიორიტეტია კომპეტენციის დადასტურების დროს.
აღნიშნული პროგრამის ფარგლებში, მასწავლებლობის მსურველები შეძლებენ დაუფლონ სწავლა-სწავლების საჭიროებაზე მორგებულ უნარ-ჩვევებს.
გარდა ამისა, წელს პირველად, Language Centre (LC) საკუთარი სახელმძღვანელოს გამოყენებით, ინგლისური ენაში განაგრძობს აბიტურიენტების მომზადებას (დამატებით სახელმძღვანელოსთან ერთად). წლების განმავლობაში დაგროვებულმა გამოცდილებამ წიგნების შეძენის საშუალება მოგვცა.
ასევე, წელს დავამატეთ ახალი ჯგუფები – წინა სასკოლო მზაობისა და დაწყებითი კლასის მოსწავლეებისთვის.
მინდა მადლიერება გამოვხატო ჩემი გუნდის მიმართ, რომლის დამსახურებაა, რომ ცენტრმა, როგორც ბრენდმა, გაამართლა და ამდენი წლის განმავლობაში პოპულარულია, რაზეც მეტყველებს ის უამრავი მსურველი, რომლებიც ყოველ წელს რეგისტრირდებიან ჩვენს ცენტრში.
საუბრის დასასრულს კი, მინდა გითხრათ, რომ ჩვენი ცენტრის შესახებ სიახლეებს შეგიძლიათ გაეცნოთ ჩვენი სოც.ქსელებით: language__centre და Language Centre (LC)
საკონტაქტო ინფო:
მის: ქ.თბილისი, ვაჟა-ფშაველას გამზ. #78ა. ( | ფილიალი)
მობ: 599 989 503 მობ: 599 097 804 ოფისი: 2308820 (1)
მის: ქ.თბილისი, მოსკოვის გამზ.#45.( || ფილიალი)
მობ: 599 096 304 ოფისი: 2308820 (2)
მის: ქ.რუსთავი, გ.ლეონიძის ქ.#12 ( ||| ფილიალი)
მობ: 511 148 816
ტექსტი: სოფიო მალანია
