ამერიკელი ფოტოგრაფი ბრაიან რანდალი 57 წლის ასაკში გარდაიცვალა. ინფორმაციას მისი ოჯახის წევრები და მეგობარი ქალი, სანდრა ბულოკი ადასტურებენ. ვარსკვლავურ წყვილს მრავალწლიანი ურთიერთობა აკავშირებდათ. როგორც უცხოური გამოცემები იუწყებიან, ბრაიანი ამიოტროფიულ გვერდით სკლეროზთან სამწლიანი ბრძოლის შემდეგ გარდაიცვალა.
“ვწუხვართ, რომ ასეთი საშინელი ინფორმაცია უნდა გამცნოთ, მაგრამ 5 აგვისტოს, ბრაიან რანდალი ALS-თან(ამიოტროფულ გვერდით სკლეროზთან) სამწლიანი ბრძოლის შემდეგ გარდაიცვალა. მისი საყვარელი ადამიანები, ოჯახი და ახლობლები მაქსიმალურად ცდილობდნენ მისთვის ეს ტკივილი შეემსუბუქებინათ, თუმცა, ის ამ ბრძოლაში დამარცხდა. ჩვენ მადლობლები ვართ ექიმების, რომლებმაც ყველაფერი გააკეთეს მის გადასარჩენად” – წერს მისი ოჯახი სოციალურ მედიაში.
