გაერთიანებული სამეფოს მმართველი დედოფალი და სახელმწიფოს მეთაური ელიზაბეტ მეორე და ბრიტანეთის ისტორიაში არსებული ყველაზე გრძელვადიანი სამეფო კონსორტი – პრინცი ფილიპი, სამეფო ოჯახის ისტორიაში ყველაზე გრძელვადიანი ურთიერთობის მქონე წყვილი იყვნენ, რომლებიც ყოველთვის ექცეოდნენ მსოფლიოს საზოგადოების ყურადღების ცენტრში. 18 წლის პრინცი ფილიპი ბრიტანეთის სამეფო საზღვაო კოლეჯში კადეტი იყო, როდესაც 13 წლის ელიზაბეთს ქორწილში პირველად შეხვდა. როგორც სამეფო ოჯახთან დაახლოებული წყარო აღნიშნავდა, მომავალ დედოფალს იმჟამინდელი პრინცი ერთი ნახვით შეუყვარდა. დედოფალ ელიზაბეთზე დასაქორწინებლად პრინცმა ფილიპმა საკუთარ ტიტულზე უარი თქვა. შეყვარებულმა წყვილმა ნიშნობა 1947 წლის ივლისში გამოაცხადა, ურთიერთობა კი იმავე წლის 20 ნოემბერს ვესტმინსტერის სააბატოში ქორწილით დააგვირგვინა. წყვილს ოტხი შვილი: ჩარლზი, ენდრიუ, ენი და ედუარდი შეეძინათ.
შეგახსენებთ, რომ ფილიპისა და ელიზაბეთის ლეგენდალური წყვილი ქორწინებაში 73 წლის განმავლობაში იმყოფებოდა, ისინი გახდნენ პირველები ბრიტანეთის სამეფო ოჯახის ისტორიაში, რომელთაც ერთად ყოფნის 70 წლისთავი აღნიშნეს. დედოფალ ელიზაბეთზე დასაქორწინებლად პრინცმა ფილიპმა საკუთარ ტიტულზე უარი თქვა. 1997 წლის 20 ნოემბერს ქორწინების 50 წლის იუბილესთან დაკავშირებით გამართულ წვეულებაზე დედოფალმა ელიზაბეთმა განაცხადა, რომ პრინცი ფილიპი მისთვის მამოძრავებელ ძალას წარმოადგენდა, რომელიც წლების განმავლობაში მის გვერდით იყო.
წარმოგიდგენთ 13 გამორჩეულ მომენტს პრინცი ფილიპისა და დედოფალი ელიზაბეტის ურთიერთობიდან.
