ITB Berlin გამოფენის მასპინძელი ქვეყანა წელს საქართველო იყო, ხოლო მთავარი გზავნილი : „უსაზღვრო სტუმარმასპინძლობა”.
საქართველოს ტურიზმის ინდუსტრიის ალიანსი • GTI Alliance -თან თანამშრომლობით, გამოფენის სტუმრებმა გაიცნეს „თეატრი“. სივრცემ, რომელიც ხელოვნების სხვადასხვა ჟანრსა და გასტრონომიას წარმატებით აერთიანებს, დიდი ინტერესი და აღფრთოვანება გამოიწვია.
თანამშრომლობა წარმატებით გაგრძელდა სხვადასხვა ქვეყნის წარმომადგენლებთან და უკვე „თეატრი“ ელის სტუმრებს მსოფლიოს სხვადასხვა ქვეყნიდან, რათა გაიცნონ საქართველოს კულტურული მრავალფეროვნება.
თამუნა თანდაშვილი, „თეატრის“ ბიზნესის განვითარების მიმართულების ხელმძღვანელი
ის შინაარსი და კონტექსტი რასაც წისქვილი ჯგუფის „თეატრი“ ქმნის, არამხოლოდ ქალაქის კულტურულ ატრაქციად აქცევს მას თავისი განსაკუთრებული კონცეფციით, არამედ მნიშვნელოვანი ტურისტული დანიშნულებაც შეიძინა. ტურისტულად საინტერესო ქვეყანას ესაჭიროება მისი კულტურის ხარისხიანად წარმოჩენა, გასტრონომიული თავგადასავალი და ის ავთენტური კულტურული შინაარსი, რითაც ქვეყნის იდენტობა წარმოჩინდება. ქართულ კონტექსტს ძალიან ჰარმონიულად ერწყმის მაღალი ხარისხის თეატრალური წარმოდგენები, რაც ხაზს უსვამს ჩვენი ტრადიციული თუ თანამედროვე ხელოვნების მრავალფეროვნებას, როგორც ფოლკლორული ასევე კლასიკური მიმართულებით. ამ სივრცეს ნამდვილად must see სტატუსის მქონე ადგილის ამბიცია აქვს.
