ბუნებასთან ჰარმონია და კომფორტული გარემო
სამშენებლო კომპანია „ახალი ორბეთი“ რამდენიმე წელია ბაზარზე წარმატებით ოპერირებს. კომპანიამ საქმიანობა სოფელ ორბეთთან დაიწყო. აღნიშნული ტერიტორია გამორჩეულია უნიკალური ბუნებრივი რესურსებით – სუფთა ჰაერითა და მინერალებით გაჯერებული მარგებელი წყლებით. გარდა ამისა, ის დედაქალაქთან ახლოს – მანგლისში მიმავალ მაგისტრალზე მდებარეობს. ეს არის საუკეთესო შესაძლებლობა, იცხოვროთ დედაქალაქთან ახლოს, ეკოლოგიურად სუფთა ადგილას.
ორბეთის ტერიტორიაზე კომპანიამ პირველი კოტეჯი 2021 წელს ააშენა და ნელ-ნელა ჩამოყალიბდა „ახალი ორბეთის“ ეკოუბანი, რომელიც სრულად მოიცავს 2 ჰექტარ ტერიტორიას. თითოეულ კოტეჯზე გათვლილია 500 კვ. მ. მიწის ფართობი.
აღსანიშნავია, რომ თითოეული კოტეჯის კონცეფცია თანამედროვე ინფრასტრუქტურას, ხელმისაწვდომ და მაღალხარისხიან საცხოვრებელ ფართს ეფუძნება. თითოეული კოტეჯი ბარდება თეთრი კარკასის მდგომარეობით და სრული კომუნალური პაკეტით. გარდა ამისა, თითოეული კოტეჯის ინტერიერი განსხვავებული და უნიკალურია. ოთახებისა და სველი წერტილების რაოდენობა დამოკიდებულია მომავალი მფლობელის სურვილზე.
კომპანია საზოგადოებას სთავაზობს ორი სახეობის კოტეჯებს – „კომფორტი“ და „VIP“.
Comfort – რომელიც მოიცავს: თეთრი კარკასი, პანორამული ხედი ფანჯრიდან, კოტეჯის ექსტერიერის დიზაინი, სრული საკომუნიკაციო პაკეტი.
VIP – რომლის დაპროექტება და აშენება შესაძლებელია ინდივიდუალური მიდგომით, მფლობელის სურვილის მიხედვით. ამ ტიპის პროექტები შეიძლება დამატებით მოიცავდეს: ბუხარი, საუნა, სასურველი ზომის ტერასა და სხვა.
ბუნებასთან ჰარმონია, კომფორტული გარემო დიდებისა თუ პატარებისთვის, მარტივად მისასვლელი ადგილი, ეს ის არასრული ჩამონათვალია, რასაც „ახალი ორბეთი“ თავის ბინადრებს ჰპირდება.
ეკოუბანში თქვენ დაგხვდებათ: სრულად გამწვანებული გარემო, რომლის შექმნაზეც დიზაინერების გუნდი მუშაობს, სპორტული და საბავშვო მოედნები, მანქანებისათვის საპარკინგე ადგილი და სრული ტერიტორიის 24/7 დაცვა და ვიდეოკონტროლი.
„ახალი ორბეთის“ პროფესიონალთა გუნდი ორიენტირებულია განვითარებაზე, სიახლესა და მომხმარებლისთვის მაქსიმალურად მორგებული პირობების შემუშავებაზე. ეს არის გუნდი, რომელიც გეხმარებათ თქვენთვის საოცნებო კოტეჯის შექმნაში.
კომპანიის სამომავლო გეგმები უკავშირდება მათ მიზანს, რომ რაც შეიძლება ბევრი ადამიანი, თავისივე პატარა თუ დიდი ოჯახით, მისთვის კომფორტულ და ჰარმონიულ გარემოში ცხოვრობდეს.
