Puffy არის ქართული კომპანია, რომელიც საზოგადოებას რბილი ავეჯის მრავალფეროვან არჩევანს სთავაზობს. კომპანიამ დღევანდელ დღემდე საკმაოდ ვრცელი და საინტერესო გზა განვლო, რომლის შესახებაც Puffy–ს დამფუძნებელი მაის ხერიმიანი გვიამბობს.
რამდენი ხანია რაც Puffy ბაზარზე გამოჩნდა და საიდან გაჩნდა იდეა?
Puffy ქართულ ბაზარზე 2009 წლიდან გამოჩნდა და მას შემდეგ საკმაოდ ვრცელი და საინტერესო გზა განვლო.
იდეას რაც შეეხება, ძალიან ხშირად ვიკრიბებით მეგობრები ოჯახებთან ერთად, განსაკუთრებით ზაფხულში რა ჯობია ცივ სასმელებთან ერთად მყუდრო საღამოს, მაგრამ ყოველთვის დისკომფორტს მიქმნიდა სხვადასხვა ფორმის სავარძლები. სწორედ აქედან გამომდინარე, გაჩნდა იდეა, დამემზადებინა პუფები, რომელიც, რასაკვირველია, ჩვენ და ჩვენ გარშემო მყოფებს ამ დისკომფორტს მოუხსნიდა და ნებისმიერ შეკრებას სრულყოფილს გახდიდა.
თავდაპირველად მხოლოდ ვიწრო წრისთვის განიხილებოდა ეს იდეა, თუმცა ეტაპობრივად გადავწყვიტეთ ჩვენ მიერ დამზადებული პუფები ფართო საზოგადოებისთვისაც შეგვეთავაზებინა და იდეამ გაამართლა, ამდენი წლის შემდეგ წარმატებულად წარმოვჩინდებით ქართულ ბაზარზე.
რას სთავაზობთ საზოგადოებას?
თავდაპირველად მხოლოდ ერთი მოდელი გვქონდა, ნელ-ნელა ვვითარდებოდით და ხალხს ვაცნობდით ჩვენს პროდუქციას, რომელიც პირველად „თბილისი მოლში“ – „კარფურში“ შევიტანეთ, შემდგომ „გორგიასა“ და „დომინოში“. გაგვიცნო ბევრმა დიდმა კომპანიამ და დავიწყეთ მათთან თანამშრომლობა. ჩვენი უპირატესობა ისაა, რომ მომხმარებელს ვაძლევთ გარანტიას და უმოკლეს დროში ვაბარებთ შეკვეთას, რადგან დღესდღეობით ყველას ეჩქარება.
რაც შეეხება შეკვეთას, მომხმარებელთან ვათანხმებთ ფერს, ზომას, რაოდენობას და დათქმულ დროს გამზადებულს ვაბარებთ. გარდა ამისა, ვაწარმოებთ ბალიშებსა და ნაჭრის ჩანთებს.
გვესაუბრეთ ხარისხზე.
საზოგადოებასა და ჩვენს ერთგულ მომხმარებლებს ვთავაზობთ მხოლოდ და მხოლოდ უმაღლესი ხარისხით დამზადებულ პროდუქციას. ჩვენი ბრენდის მრავალწლიან წარმოებას სწორედ ეს განსაზღვრავს, რადგან წარმოუდგენელია ბაზარზე უხარისხო პროდუქციით ოპერირებდე და ხალხის ნდობას ინარჩუნებდე.
როგორ ხდება შეკვეთა და მომხმარებლამდე მიწოდება?
საზოგადოებას შესაძლებლობა აქვს, ჩვენი დამზადებული პუფები ონლაინ შეიძინოს.
რაც შეეხება კონკრეტულად ონლაინშეკვეთას, მომხმარებელს ვუთანხმებთ პუფის ფერს, მასალას, ფორმას და შემდგომ, თანხის ჩარიცხვიდან 2–დან 5 დღემდე ვადაში, ფოსტის საშუალებით ნებისმიერ რეგიონში მიეწოდება.
გვესაუბრეთ Puffy-ს უპირატესობაზე.
ჩვენი მთავარი უპირატესობა ისევ და ისევ ხარისხია, რადგან სწორედ ხარისხმა მოგვიყვანა დღევანდელ დღემდე. ასე ვინარჩუნებთ ჩვენს ერთგულ მომხმარებლებს, რომელთა რიცხვიც დღითი დღე იზრდება. ასევე ძალიან მნიშვნელოვანია დროული მიწოდების სერვისი, რადგან ადამიანს, რომელიც ჩვენს პროდუქციას იძენს, მოლოდინი აქვს, რომ დროულად მიეწოდოს კუთვნილი ნივთი, ჩვენც არ ვაყოვნებთ და ამ საკითხშიც მაქსიმალურ კომფორტს ვუქმნით.
როგორია კომპანიის სამომავლო გეგმები?
ალბათ არ გაგიკვირდებათ თუ გეტყვით, რომ სამომავლოდ, რასაკვირველია, გაფართოებას ვგეგმავთ. ჩვენი კომპანია მუდმივად მიიღვწის წარმატებისკენ და შესაბამისად, გვსურს გაგვიცნოს რაც შეიძლება მეტმა ადამიანმა და ჩვენი მომხმარებელი გახდეს.
