თავრიელის ისტორია 2019 წლიდან იწყება. ჩანაფიქრი და მიზანი თავიდანვე ცხადი იყო დამფუძნებლებისთვის – პროდუქტი, რომელზეც იმუშავებდნენ, უნდა ყოფილიყო იმდენად კონკურენტუნარიანი, რომ მარტივად მიეტანა ბრენდის მესიჯი მომხმარებლამდე. უფრო ვრცელი და დეტალური ინფორმაციისთვის ჟურნალი OK! ესაუბრა თავრიელის თანადამფუძნებელ ეთო ალადაშვილს.
როგორია მუშაობის პროცესი?
ახალ კოლექციაზე მზადებას რამდენიმე თვით ადრე ვიწყებთ, რათა წლის განმავლობაში სულ გვქონდეს მომხმარებლისთვის სიახლეები და ეს ურთიერთობა მოულოდნელი და საინტერესო იყოს. ყოველი სეზონის დაწყებამდე აქტიურად მიმდინარეობს მუშაობის პროცესი. ვტესტავთ უამრავ ვარიანტს. პროფესიონალ ოსტატებთან ერთად ვამუშავებთ ახალ კალაპოტებსა და თარგებს. მხოლოდ რამდენიმე ვარიანტის შექმნის შემდეგ ვარჩევთ საუკეთესოს.
ვცდილობთ კოლექცია ყველა დეტალით გავახალისოთ და განსხვავებული გავხადოთ.
რატომ „თავრიელი“? რა დატვირთვა აქვს ამ სახელწოდებას?
თავრიელი ძველქართული სიტყვაა და „ნატურალურ ტყავს“ ნიშნავს. ამით ხაზს ვუსვამთ, რომ ჩვენ მიერ იქმნება ქართული ხელნაკეთი პროდუქცია, სადაც ძირითადი მასალა ნატურალური ტყავია. დაფუძნების დღიდან ბრენდი ორიენტირებულია, რომ მომხმარებლებს მაღალი ხარისხის ფეხსაცმელი და აქსესუარი შესთავაზოს.
ბრენდის სლოგანია თითოეული მომხმარებლის გულში სიყვარულმოდებული ცეცხლის აგიზგიზება, რაც თითეულ ნამუშევარს ეტყობა, თავად ლოგოც ამას მოიცავს.
რა მასალებს იყენებთ?
ბრენდირებული დეტალების გარდა, დიდ მნიშვნელობას ვანიჭებთ ფერებსა და მათ კომბინაციას. საგულდაგულოდ ვარჩევთ პირველი ხარისხის მასალებს, განსაკუთრებით, როცა საქმე ნატურალურ ტყავს ეხება. საწარმოში ფერების საკმაოდ დიდი არჩევანი გვაქვს.
ვცდილობთ, ახალი კოლექციის შექმნის დროს გავითვალისწინოთ ზოგადი ტენდენციები, თუმცა ბრენდი საკუთარ ნიშას არასდროს უხვევს.
გვესაუბრეთ ხარისხზე.
სიამაყით შემიძლია ვთქვა, რომ მეოთხე წელია, ბრენდი სტაბილურად ახორციელებს მთავარ ჩანაფიქრს და უამრავ მომხმარებელს იღებს დაუვიწყარი და მზარდი შთაბეჭდილებით.
ყველაზე მეტად გვახარებს, როდესაც ერთი ადამიანი მთელ სამეგობროს გააცნობს ჩვენს პროდუქტს და შემდეგ ყველას ერთად გავიცნობთ და ვეგებებით. „თავრიელი“ ასე გაიზარდა. სწორედ ეს ურთიერთობა, ხარისხი და მრავალფეროვანი არჩევანი გვეხმარება წარვადგინოთ ბრენდი სხვადასხვა ქვეყნის გამოფენებზე, რამაც მოგვცა საშუალება, რომ ჩვენი შემოქმედება ქვეყნის გარეთ, საქართველოს სახელით გაგვეტანა.
მომხმარებლებთან ურთიერთობა ჩვენთვის ძალიან დიდი სიამოვნებაა, ყოველთვის ვგრძნობთ მათ განწყობასა და სურვილებს. ხშირად მათი მხრიდან წამოსული ესა თუ ის მოთხოვნა ახალი იდეის ინსპირაციაც გამხდარა.
გაგვაცანით თქვენი სამომავლო გეგმები.
დღეს „თავრიელის“ მთავარი მიზანია კონკურენცია გაუწიოს იმპორტულ პროდუქციას და უფრო მეტ მომხმარებელს გააცნოს თავი.
