შოკოლადის მოყვარულები, ალბათ, კარგად იცნობენ „შოკოლატერია არტიზანს“. შეუძლებელია „არტიზანის“ ლამაზ და მადის აღმძვრელ ვიტრინას ისე ჩაუაროთ, შიგნით შესვლა არ მოგინდეთ. მით უმეტეს მაშინ, როცა არტიზანის დახლები ხელნაკეთი შოკოლადის ფერად-ფერადი სასაჩუქრე ყუთებითაა სავსე. „შოკოლატერია არტიზანი“ 2017 წლიდან წარმატებით ოპერირებს ბაზარზე. ეს არის ადგილი, სადაც 30-მდე დასახელების ხელნაკეთი შოკოლადი, 50-მდე დასახელების ტკბილეული და არტიზანულად შექმნილი საკვები მენიუ დაგხვდებათ.
აქ შოკოლადის ყველა სახეობა, მათ შორის შავი, რძით, ალუბლით, კარამელით, ფისტით, ყველით, ვარდით და სხვ., მთელი გულით მზადდება. ასევე, თითოეული შოკოლადის ბონბონი ხელით მუშავდება, ცომეული და პურეულიც ხელით იქმნება. სწორედ სიყვარულით შექმნილი ჯანსაღი და ხარისხიანი პროდუქტი გამოარჩევს შოკოლატერიას ბაზარზე.
გარდა ამისა, მაღალი ხარისხის ბელგიური კაკაოს მარცვლები და ნატურალური შიგთავსი კიდევ უფრო განსაკუთრებულს ხდის შოკოლადის გემოს. სწორედ ამიტომ აქ მოსულ ადამიანს ერთი ნახვით, ერთი გასინჯვით უყვარდება არტიზანის შოკოლადი.
როგორც „შოკოლატერიაში“ აღნიშნავენ, ნატურალური ინგრედიენტებით დამზადებული მენიუ მათი დამახასიათებელი ხელწერაა. სასიამოვნო გემო, დახვეწილი დიზაინი და ხარისხი, ეს ის არასრული ჩამონათვალია, რითაც „არტიზანის“ ტკბილეული გამოირჩევა.
დამეთანხმებით, ალბათ, რომ შოკოლადი ნებისმიერი ადამიანისთვის სასურველი საჩუქარია. აღსანიშნავია, რომ გაზაფხულის მოსვლასთან ერთად, „შოკოლატერია არტიზანის“ ორივე ფილიალი (ი. აბაშიძის #10 და ს. ცინცაძის #8) შოკოლადის სასაჩუქრე ყუთებით გაივსო. სასიამოვნო სურნელი და დღესასწაულის შესაბამისი ესთეტიკა აქაურობას კიდევ უფრო მიმზიდველს ხდის.
„ყველაზე მეტად გვიხარია, როდესაც ვხედავთ, თუ როგორ არჩევენ ჩვენი სტუმრები შოკოლადის სასაჩუქრე ყუთებს. დადებით და სასიამოვნო ემოციას აქსოვენ, ვამაყობთ, რომ ამ ემოციების მონაწილეები სწორედ ჩვენ ვართ“. – აღნიშნავენ „შოკოლატერია არტიზანში“.
არტიზანის გუნდი 30-ზე მეტი ადამიანისგან შედგება. თითოეული ადამიანისთვის მნიშვნელოვანია, რომ „შოკოლატერია არტიზანი“ ასოცირდებოდეს ხარისხსა და სიტყვა „გემრიელთან“.
„ჩვენს მომხმარებელს ვპირდებით მაღალი ხარისხის შენარჩუნებას. ყოველ ჯერზე უზრუნველვყოფთ ჩვენი შოკოლადების სრულყოფილად დამზადებასა და შეფუთვას. სამომავლოდ ვგეგმავთ ახალი ობიექტების გახსნას და არტიზანის გაფართოებას“.
ტექსტი: სოფიო მალანია
ფოტო: ალექსეი სეროვი
