ესთეტიკური მედიცინა მთელ მსოფლიოში დღითი დღე წინ მიიწევს და ვითარდება. შესაბამისად, იზრდება ალტერნატივებიც. მედიცინის ეს მიმართულება ყოველდღე ახალ ტრენდს გვთავაზობს, მთავარია, სწორად შევარჩიოთ პროფესიონალი, რომელსაც საკუთარ თავს მივანდობთ. ჟურნალი OK! გიამბობთ ექიმ-კოსმეტოლოგ ტურანა ალიევას შესახებ, რომლის ჩატარებული ოპერაციები და მიღებული შედეგები არასოდეს ტოვებს მომხმარებელს უკმაყოფილოს. მისი მთავარი მიზანი პაციენტებისთვის ბედნიერების მინიჭება და მათთვის საოცნებო შედეგების მიღებაა. მაშ ასე, წაიკითხეთ ინტერვიუ და ამაში თავად დარწმუნდებით.
ტურანა, გვიამბეთ სილამაზის სფეროში არსებული ტენდენციების შესახებ.
დღესდღეობით, ყველაზე დიდი პოპულარობით, მინიმალური ინვაზიით არაქირურგიული ესთეტიკური ოპერაციები სარგებლობს. დინამიკური შევსების დროს, ერთდროულად ვეხებით სახის სხვადასხვა მხარეს და ბუნებრივი იერის დაცვით ვიღებთ სასურველ შედეგს, რაც დღეისათვის ყველაზე მოთხოვნადი გახდა პაციენტების მხრიდან.
აღსანიშნავია, რომ მეზოთერაპია და ბიორევიტალიზაცია დღემდე არ კარგავს პოპულარობას. მეზოთერაპია ისეთი ესთეტიკური პროცედურაა, რომლის დროსაც ამინომჟავების, ვიტამინებისა და მინერალების მიკრონემსების დახმარებით ვავსებთ კანს. ვიყენებთ საკმაოდ ფართო სპექტრში, მაგალითად, თმის ცვენის, კანის სხვადასხვა დაავადების დროს, დაზიანებული კანის აღსადგენად, კანის გაახალგაზრდავებისა და ტენიანობის დაბალანსების დროს. მინდა უფრო ვრცლად შევეხო კანის ტენიანობის დაბალანსებას, რაც გულისხმობს T-ზონას, ანუ როდესაც ცხვირი, ნიკაპი და შუბლი ცხიმიანი, ხოლო სახის დანარჩენი ნაწილი მშრალია. ეს ძალიან ბევრი პაციენტისთვის აქტუალური პრობლემაა. ასევე, სამედიცინო ესთეტიკაში ძალიან პოპულარულია ანტიეიჯინგ პროცედურა − ახალგაზრდობის ვაქცინა. ამას ძირითადად სახისთვის, ხელებისა და კისრისთვის ვიყენებთ.
როგორია თქვენი მიდგომა და სამუშაო პრინციპი?
ნებისმიერი შედეგისთვის არაერთი გზა არსებობს. თანამედროვე სამედიცინო ესთეტიკაში ყოველთვის იზრდება ალტერნატივებიც. მაგალითად, ერთ-ერთი ახალი ტრენდია PRP, რომელიც საკმაოდ პოპულარული და ეფექტურია, მაგრამ მე არ ვურჩევ ჩემს პაციენტებს. მხოლოდ თმის იმპლანტაციისა და სახის ლიფტ-ქირურგიული ოპერაციის წინ და შემდეგ ვურჩევ.
რომელია ყველაზე მოთხოვნადი პროცედურა და თქვენ რამდენად იცავთ ბუნებრივ იერს?
2020 წელს ყველაზე მოთხოვნადი პროცედურა ნიკაპის მკვეთრი ხაზები იყო. როგორც ჩანს, ეს 2021 წელსაც ასე იქნება. სოციალურ-ეკონომიკური გარემოს გავლენით, სახეზე არსებული ხაზები, ნაოჭები, დაღლილობა იზრდება და შესაბამისად, არ იცვლება მოთხოვნა. ტუჩების შევსებაც ყოველთვის მოთხოვნადია. ბუნებრივი იერის დაცვა კი პაციენტების სურვილზეა დამოკიდებული. სწორედ ტუჩის პროცედურის დროს გამოყენებული 9 მეთოდიდან, 4 ბუნებრივი შევსების მეთოდია.
ოპერაციებსა და პროცედურებში რომელი პრინციპებით ხელმძღვანელობთ?
როცა ვრწმუნდები ლოკალური ანესთეზიის ამოქმედებაზე, ვიწყებ მუშაობას. ეს ძალიან მნიშვნელოვანია ექიმის საქმეში. პროცედურების დამთავრებისთანავე, ჩემი პაციენტები სოციალურ ცხოვრებას უბრუნდებიან და ამიტომაც მაქსიმალურად ვიყენებ ეფორსა და სინათლეს, რათა სილურჯე არ დარჩეს. სამუშაო გარემოს ტემპერატურა და გამოყენებული პრეპარატების ერთჯერადობა ძალიან მნიშვნელოვანი ფაქტორებია.
რა სიჩქარით იცვლება სილამაზის სექტორში არსებული ტენდენციები?
ყოველ ახალ წელს მოაქვს ახალი ტექნიკები და ტენდენციები. ესთეტიკა ძალიან მრავალფეროვანი სფეროა. ტრენდებით მხოლოდ ჩვენი ალტერნატივები იზრდება, რითაც ექიმსა და პაციენტს უფრო მეტი არჩევანის შანსი ეძლევათ. მე პაციენტების მოთხოვნების გათვალისწინებით ვაძლევ რჩევებს და არა ტრენდების მიხედვით. რაც უნდა სწრაფად იცვლებოდეს ტრენდები და შემოვიდეს ახალი ტექნოლოგია, ერთი რამ უცვლელია − ქალბატონებს მონა ლიზას ღიმილი და ნეფერტიტის კისერი სურთ.
