მეტ და როს დაფერები Netflix-ის ბოლო დროის ერთ-ერთი ყველაზე
გახმაურებული სერიალის “უცნაური ამბების” შემქმნელები არიან.
პროექტის, რომელმაც არამარტო Netflix-ის, არამედ ზოგადად
კინემატოგრაფიის ისტორიაში არსებული არაერთი რეკორდი მოხსნა.
საინტერესოა ის ფაქტი, რომ ძმები დაფერები არამხოლოდ სერიალის
სცენარის დაწერაში იღებდნენ მონაწილეობას, არამედ პარალელურად
პროდიუსერების საქმიანობასაც ითავისებდნენ. მაყურებელმა სერიალის
მეოთხე სეზონი 2022 წლის მაისისა და ივლისის თვეებში იხილა.
როგორც ამჟამად ST-ის შემქმნელები ვარაუდობენ, საზოგადოება
სერიალის მე-5 სეზონს 2024 წელს იხილავს.
რას აფასებთ ყველაზე მეტად არტისტულად ერთმანეთში?
მეტ დაფერი: ცხადია, ჩვენ გვაქვსს ძალიან ბევრი ერთმანეთის მსგავსი უნარი. მაგრამ,
რა თქმა უნდა, არის საკითხები, რომლებშიც ერთ-ერთი ყოველთვის უფრო ძლიერია.
მაგალითად, წერის პროცესში, როსი ყველაზე მოტივირებულია. ზოგჯერ ვფიქრობ, რომ
ყველაფერი ჩემზე დამოკიდებული რომ იყოს, ალბათ წერის დროს დაახლოებით 30-ე
გვერდზე გავჩერდებოდით და მუშაობას ვეღარ გავაგრძელებდით. მიუხედავად იმისა,
რომ ხშირად წერის სტილით ერთმანეთისგან განვსხვავდებით, ჩვენ ძალიან
სინქრონულები ვართ. ზოგჯერ საკმარისია ერთმანეთისთვის თვალებში ერთხელ
შეხედვა და უკვე ვხვდებით რა და როგორ გვინდა”.
როგორია ერთი ჩვეულებრივი დღე ოთახში, ან ნებისმიერ კრეატიულ სივრცეში, სადაც
“უცნაური ამბების” სცენარი იწერება?
როს დაფერი: “სახალისოა ის ფაქტი, რომ “უცნაური ამბების” შექმნამდე ჩვენ
ეგრეთწოდებულ კრეატიულ სივრცეში, სცენარისტების ოთახში არასდროს
ვყოფილვართ. წერის პროცესი მე და ჩემმა ძმამ ძალიან სფეციფიურად ვაქციეთ.
ყველაფერს ვწერთ Google Doc-ში, მაგრამ იმდენად უაზროდ, რომ ჩვენს გარდა ჩვენი
ნაწერის შინაარსს ვერავინ ვერ გაიგებს. როდესაც უკვე ყველაფერი მზად გვაქვს
ხოლმე, ჩვენს ნაშრომებს ვაჯამებთ და ვაერთიანებთ”.
რა თქმა უნდა, არაერთხელ გექნებოდათ აზრთა სხვადასხვაობა მუშაობის პროცესში.
როგორ ხვდებით ხოლმე რომლის აზრია უკეთესი და რამდენად ხართ ერთმანეთის
მიმართ დამთმობები?
მეტ დაფერი: “რა თქმა უნდა, ბუნებრივია, რომ ჩვენ ყოველთვის გვაქვს
შემოქმედებითი კამათი, ეს ავტორებისთვის ძალიან მნიშვნელოვანია. ვიღაც
ყოველთვის იქნება მართალი და ვიღაც მტყუანი. მაგალითად, ადრე როსი ვერ იტანდა
სახელს “უცნაური ამბები”, მაგრამ ვუთხარი, რომ ეს სწორედ ის იყო, რაც ჩვენ
გვჭირდებოდა და რასაც ამდენი ხანი ვეძებდით. ჩემი იდეა თავიდან არ მოეწონა,
თუმცა ვიბრძოლე ჩემი მოფიქრებული სახელისთვის და როგორც ჩანს სწორად
მოვიქეცი”.
როგორ შეიცვალა თქვენი არტისტული მსოფლმხედველობა ბოლო ათი წლის
განმავლობაში?
როს დაფერი: “თუ გადახედავთ ჩვენს ადრინდელ სცენარებს, აუცილებლად
მიხვდებით, რომ ჩვენ ადრე ძირითადად მხოლოდ ფილმებისთვის ვწერდით.
“უცნაური ამბების” იდეა ჩვენამდე ძალიან მარტივად და მოულოდნელად მოვიდა.
თითქოს, თავისთვის ძალაც კი არ დაგვიტანებია, ყველაფერი იმდენად ბუნებრივად
მოხდა. ვფიქრობდით, როგორები ვიყავით ბავშვობის ასაკში და ჩვენს თანატოლებთან
ერთად როგორ ვერთობოდით. ხშირად საკუთარი ცხოვრებიდან ინსპირაციის მიღება
ძალიან ამარტივებს შემოქმედებით პროცესს”.
მეტ დაფერი: “ჩემი აზრით, როდესაც რაღაცას ქმნი, შენი რაღაც ნაწილი მაინც
ყოველთვის იქნება ჩაფლული ამ საქმეში. ახლა განსაკუთრებით ორმაგად უფრო
ფხიზლად უნდა ვიყოთ წერის დროს, რადგან სერიალის მაყურებლები ძირითადად
ახალგაზრდები და მოზარდები არიან. ძალიან გვიხარია, როდესაც მაღალი შეფასებები
აქვს ჩვენს პროექტს და რეიტინგიც შესაბამისი აქვს”.
“ხშირია ხოლმე მომენტი, როდესაც გვეშინია, რომ ახალი პერსონაჟი მაყურებელს არ
მოეწონება, თუმცა ეს ასე არ ხდება. მაგალითად, მესამე სეზონში Maya Hawke-ის
პერსონაჟის გამოჩენამ ადამიანებში დიდი სიყვარული გამოიწვია. ეს იყო გეი
პერსონაჟი, რომელიც საზოგადოებას ძალიან მოკლე დროში მოეწონა”.
რომელი ფილმის სცენარისტები იქნებოდით, რომ შეგეძლოთ?
როს დაფერი: “ვიტყოფი, ალბათ ფილმ Jaws-ს სცენარისტი ვიქნებოდი. რეალურად,
ფილმში გვყავს მკვლელი ზვიგენი, მაგრამ იმდენად გულწრფელად გვიყვება ფილმი
სიუჟეტს, იმდენად ღელავ თითოეულ პერსონაჟზე, რომ მართლა გამაოგნებელია. Jaws
ფანტასტიკური ფილმია, ჩემი აზრით სპილბერგის ამ შემოქმედებამ ინდუსტრია
შეცვალა”.
მეტ დაფერი: “მეც ვიტყოფი სტივენ სპილბერგის რომელიმე ფილმს, მაგალიტად E.T-
ის, რომელიც შესანიშნავადაა გადაღებული. თავისუფლად შემიძლია ვთქვა, რომ
იდეალურად კონსტრუირებული ფილმია”.
თქვენივე გამოცდილებიდან გამომდინარე, გიფიქრიათ თუ არა იმაზე, რომ
თავდაპირველად “უცნაური ამბები” ყოფილიყო ფილმი და არა სერიალი?
როს დაფერი: “ჩვენ რომ მოგვეყოლა “უცნაური ამბები” ფილმად და არა სერიალად,
აუცილებლად ან Hawkins-ის ბავშვებს ან ჰოპერის პერსონაჟს დავკარგავდით. ჩვენ
მოგვწონს თითოეული პერსონაჟის განვითარება და ყოველ ჯერზე მათი საინტერესო
კუთხით წარმოჩენა, რასაც მხოლოდ რამდენიმესაათიან ფილმში ვერ მოვახერხებდით.
ამაღელვებელია ზოგჯერ ის ფაქტიც, რომ მაყურებლები ზოგჯერ წინასწარ ხვდებიან
ჩვენს ნაბიჯებს, იმდენად კარგად იცნობენ თავიანთ საყვარელ პერსონაჟებს.
ისიამოვნეთ მეოთხე სეზონით და დაელოდეთ ახალ სერიებს, რომლებსაც
სავარაუდოდ 2024 წელს შემოგთავაზებთ”.
