აჭარა გამორჩეული ტურისტული რეგიონია საქართველოში, ბათუმი კი მთელი შავი ზღვის რეგიონში ერთ-ერთი საუკეთესო ტურისტული დანიშნულების ადგილი, რომელსაც მხოლოდ 2021 წელს 700 000 უცხოელი ვიზიტორი ეწვია.
ტურისტების მატებასთან ერთად გაჩნდა მოთხოვნა უძრავ ქონებაზე და, ამ მხრივ, აპარტოტელების მიმართულება გახდა ყველაზე მიმზიდველი. ბათუმის ცენტრიდან სულ რაღაც 6 კილომეტრში, აჭარის გამორჩეულ, მწვანე და ეკოლოგიურად სუფთა მხარეში, მახინჯაურში, ვითარდება პროექტი, რომელიც გამოირჩევა კონცეფციით და კეთილმოწყობილი ინფრასტრუქტურით, ზღვისა და მთის ჰაერის თანაბრად სუნთქვის ბედნიერებითა და ცხოვრების გამორჩეული სტილით, რომელსაც „მზიური გარდენსი“ სთავაზობს თავის მაცხოვრებლებს. ტერიტორია, რომელიც 15.000 კვ.მ-ზეა გაშლილი, აერთიანებს პრემიუმ კლასის აპარტამენტებს, ხუთვარსკვლავიან საერთაშორისო სასტუმროების ქსელ
CROWNE PLAZA-სა და ბალნეოკურორტს.
უფრო მეტს, „მზიური გარდენსის“ შესახებ, პროექტის კომერციული დირექტორი
თეონა გიორგაძე გვიამბობს.
ინვესტიცია და მისგან მიღებული სარგებელი:
„მზიური გარდენსის“ ზღვისპირა საცხოვრებელი და საინვესტიციო კომპლექსი პირველი ბრიტანული ინვესტიციაა აჭარაში, რომელსაც საინვესტიციო და უძრავი ქონების სექტორში ლიდერი კომპანია MRMU International ახორციელებს.
სტრატეგიულ მიმართულებით ინვესტირება უძრავ ქონებაში შემოსავლის მიღების ერთ-ერთი ყველაზე საიმედო საშუალებაა. სწორად შერჩეულ ობიექტს, წლების განმავლობაში მოაქვს, არა მხოლოდ რეალური შემოსავალი მისი მესაკუთრისთვის, არამედ დროთა განმავლობაში ზრდის მატერიალურ ღირებულებას. სწორედ ასეთი მნიშვნელოვანი საინვესტიციო ღირებულების მატარებელია „მზიური გარდენსი“.
ამ ღირებულებას კიდევ უფრო ზრდის კომპლექსში ხუთვარსკვლავიანი საერთაშორისო სასტუმროების ქსელ Crowne Plaza -ს არსებობა. Crowne Plaza მსოფლიოს ერთ-ერთი უდიდესი სასტუმროების ქსელ, Inter Continental Hotels Group-ის (IHG) ნაწილია. ევროპაში IHG-ის პორტფოლიოს ბრენდების 600 სასტუმროა წარმოდგენილი, რომელთა შორისაცაა InterContinental Hotels & Resorts-ი, Holiday Inn-ი და Holiday Inn Express-ი.
პროექტის შესახებ:
„მზიური გარდენსი“ 15000 კვ.მ -ზეა განთავსებული, მოიცავს ორ 15-სართულიან და ერთ 17 სართულიან შენობას, რომელიც პრემიუმ კლასის 581 აპარტამენტისგან შედგება. ყველა ბინიდან ზღვის და მთის პანორამული ხედები იშლება.
კომპლექსის მცხოვრებლებს შესაძლებლობა ექნებათ ისარგებლონ კონსიერჟის მომსახურებით, სათამაშო და სპორტული მოედნებით, საბავშვო, გასართობი ინფრასტრუქტურით, ქართულ – ევროპული რესტორნითა და სპეციალური ხიდით, რომლითაც მარტივად შეძლებენ იზოლირებულ და კეთილმოწყობილ სანაპიროზე გადასვლას. ამ დროისთვის უკვე დასრულებულია სამივე ბლოკის სამშენებლო სამუშაოები, რომელიც უმაღლესი ხარისხის მასალებითა და საერთაშორისო სტანდარტების სრული დაცვით განხორციელდა. ამ ეტაპზე მიმდინარეობს შიდა სარემონტო პროცესები, აპარტამენტები ბარდება დასრულებული რემონტით, ავეჯითა და ტექნიკით.
აღსანიშნავია, რომ „მზიური გარდენსის“ ტერიტორიის უდიდესი ნაწილი მოიცავს სარეკრეაციო სივრცეს, რომელიც მრავალწლოვანი ფიჭვებისა და ენდემური ნარგავების შუაგულშია მოთავსებული, რაც იძლევა მთით და ზღვით ერთდროულად ტკბობის საშუალებას.
ბალნეოლოგიური კურორტი:
პროექტის ფარგლებში მიმდინარეობს ისტორიული მნიშვნელობის ბალნეოლოგიური კურორტის აღდგენა, სადაც საერთაშორისო სტანდარტების მქონე 60-ნომრიანი სპა და გამაჯანსაღებელი ცენტრი მოეწყობა.
მახინჯაური ზღვისპირა კლიმატურ- ბალნეოლოგიური კურორტია, მასზე საუბრისას მნიშვნელოვანია აღვნიშნოთ, რომ იქ არსებულ მიკროკლიმატს და სუბთერმულ-მინერალურ წყალს, ადგილობრივი მოსახლეობა, ჯერ კიდევ მე-20 საუკუნის დასაწყისში იყენებდა, სხვადასხვა დაავადების სამკურნალოდ. მახინჯაურის თერმული წყაროები, ულამაზეს მდინარე საკალმახეს ხეობაშია, რომლის ლანდშაფტი და მცენარეული საფარი თავისთავად გამაჯანსაღებლად მოქმედებს ადამიანზე და ამიტომაც სტუმრობდნენ მას წელიწადის ოთხივე დროს.
საერთაშორისო სტანდარტების მქონე ბალნეოლოგიური და გამაჯანსაღებელი ცენტრით სარგებლობა, როგორც „მზიური გარდენსის“ მობინადრეებისთვის, ასევე ნებისმიერი საერთაშორისო თუ ადგილობრივი ვიზიტორისთვის იქნება ხელმისაწვდომი. ჩვენი მიზანია, აჭარა, კონრეტულად კი მახინჯაური, კვლავ ვაქციოთ ოთხივე სეზონზე მიმზიდველ დასასვენებლ ლოკაციად. ამ გეგმაში მნიშვნელოვანი ადგილი უკავია სამედიცინო ტურიზმითა და ბალნეოკურორტით დაინტერესებული ვიზიტორების მიღებას მსოფლიოს სხვადასხვა ქვეყნიდან.
„მზიური გარდენსი“, გამორჩეული ლოკაციის წყალობით, მთისა და ზღვის ჰაერის ნაზავით შექმნილი მიკროკლიმატითა და მულტიფუნქციური ინფრასტრუქტურით ქმნის იდეალურ გარემოს ხარისხიანი ცხოვრებისა და დასვენებისთვის.
ტექსტი: სალომე სიხარულიძე
