ესთეტიკური მედიცინის ცენტრი „ლოტუსი“ მრავალი წელია წარმატებით ფუნქციონირებს ქართულ ბაზარზე. მისი მიზანია, პროფილაქტიკურ-გამაჯანსაღებელი პროცედურებისა და ესთეტიკური მომსახურების შერწყმა. ცენტრი მომხმარებელს სთავაზობს ხარისხიან და მრავალფეროვან მომსახურებას, როგორიცაა სახისა და ტანის მოვლის პროცედურები, გამაახალგაზრდავებელი და გასახდომი პროგრამები, ფიტნესი, აერობიკა და მრავალი სხვა. „ლოტუსში“ მომხმარებელს შეუძლია ერთდროულად რამდენიმე პროცედურის ჩატარება ერთ სივრცეში.
2019 წლიდან „ლოტუს გარდენის“ ფილიალში დაარსდა სასწავლო ცენტრი, რომელიც განთავსებულია საბურთალოზე, „ტიფლის ბიზნეს თაუერის“ შენობის ერთ სრულ სართულზე. თუ გსურთ ჩამოყალიბდეთ ნამდვილ პროფესიონალად, დასაქმდეთ სწრაფად და მარტივად, ეწვიეთ „ლოტუსის“ სასწავლო ცენტრს. რაც შეეხება შემსწავლელ ცენტრს, იგი მოიცავს როგორც „ლაზერული ეპილაციის“, ისე ინიექციური კოსმეტოლოგიის შემსწავლელ სკოლებს. სწავლების შესახებ უფრო დეტალურად აღნიშნული სკოლების ხელმძღვანელები − თეო კალმახელიძე და მაო ბარამიძე გვესაუბრნენ.
რას მოიცავს ლაზერის შემსწავლელი კურსი?
(თეო კალმახელიძე, ლაზერ-სკოლის ხელმძღვანელი): აღნიშნული კურსი მოიცავს ალექსანდრიტის, დიოდური ეპილაციის და არასასურველი ტატუს მოშორების პროცედურების შესწავლას.
აქვთ თუ არა სტუდენტებს პრაქტიკულად მუშაობის შესაძლებლობა?
სტუდენტებს საშუალება ეძლევათ, გარდა თეორიული ნაწილისა, პრაქტიკაში განახორციელონ თეორიულ ნაწილში განვლილი მასალა და დახელოვნდნენ მაღალკვალიფიკაციურ გარემოში. თეორიული და პრაქტიკული სწავლების დასრულების შემდეგ ტარდება გამოცდა, რომლის საფუძველზე გაიცემა სერტიფიკატი. აღნიშნული კურსი მოიცავს 2-იდან 4 კვირამდე პერიოდს.
საჭიროა თუ არა სამედიცინო განათლება?
სამედიცინო განათლება სასურველია, მაგრამ არა აუცილებელი.
გვესაუბრეთ კოსმეტოლოგიის კურსზე. რომელ ეტაპებს მოიცავს?
(მაო ბარამიძე, კოსმეტოლოგიის შემსწავლელი სკოლის ხელმძღვანელი): აღნიშნული სკოლა უკვე წლებია წარმატებით ოპერირებს და საშუალებას აძლევს კოსმეტოლოგიით დაინტერესებულ სამედიცინო განათლების მქონე პირებს საფუძვლიანად შეისწავლონ სამედიცინო ესთეტიკის მოწინავე, როგორც საბაზისო, ისე ინიექციური კოსმეტოლოგია.
სწავლების პირველი ეტაპი მოიცავს თეორიულ კურსს: ანატომიისა და ფიზიოლოგიის საფუძვლები, კანის დიაგნოსტიკა, კანის ანატომია, აგებულება, მისი სტრუქტურა, სახის კანის პათოლოგიები და სხვა მნიშვნელოვანი საკითხები.
თეორიული კურსის წარმატებით დამთავრების შემდეგ, იწყება პრაქტიკული მეცადინეობები, სადაც სტუდენტებს საშუალება ეძლევათ, თავად ჩაატარონ პროცედურა − ჯერ პროფესიულ მულაჟზე, ხოლო შემდეგ მოდელზე, სპეციალისტის მეთვალყურეობის ქვეშ.
საჭიროა თუ არა სამედიცინო განათლება?
ინიექციური კოსმეტოლოგიის კურსი განკუთვნილია მხოლოდ სამედიცინო განათლების მქონე პირებისთვის.
რომელ პერიოდს მოიცავს სწავლება? გაიცემა თუ არა სერტიფიკატი?
აღნიშნული სწავლების ხანგრძლივობა არის 3 თვე, რომლის დასრულების შემდეგ გაიცემა სერტიფიკატი.
საკონტაქტო ნომერი:
032 290 38 03 (შიდა ნომერი 1); +995 577 452 500
ფოტო: ალექსეი სეროვი
