ქალის ვაგინას მრავალი საუკუნეა გინეკოლოგები იკვლევენ. ისინი შეისწავლიდნენ დაავადებებს, ეძებდნენ მშობიარობის შემამსუბუქებელ ხერხებს, მაგრამ მხოლოდ XX საუკუნის შუახანებში მიაქციეს საშოს ყურადღება, როგორც სიამოვნების მიღების წყაროს. თანამედროვე სამყაროში გინეკოლოგიური პლასტიკა დღითი დღე იძენს ტენდენციურობას. ქალის სექსუალური კმაყოფილება ხომ პირდაპირ განაპირობებს ინტიმური ცხოვრების ჰარმონიას. გადავწყვიტეთ უფრო დეტალური ინფორმაცია კომპეტენტური პირისგან გაგვეგო და ვინ, თუ არა პლასტიკური გინეკოლოგი, ექსპერტი, საერთაშორისო ტრენერი, პლასტიკურ გინეკოლოგთა ასოციაციის პრეზიდენტი საქართველოში − თინათინ თომაძე.
ქალბატონო თინათინ, რატომ გადაწყვიტეთ გადაგენაცვლათ მეან-გინეკოლოგიიდან პლასტიკურ გინეკოლოგიაში?
ჩემი საქმიანობა მედიცინაში იწყება გასული საუკუნის 90-იანი წლებიდან, სამშობიაროში. მშობიარობის შემდეგ ჩემი პაციენტები დგებოდნენ ისეთი პრობლემების წინაშე, რომელსაც არასრულფასოვანი სქესობრივი ცხოვრება ჰქვია. მათ ამ საკითხზე საუბარი უჭირდათ, რაც გარკვეულ პრობლემებს უქმნიდა წყვილებს პირად ცხოვრებაში. დღეს უკვე, პლასტიკური გინეკოლოგია აღნიშნულ პრობლემებს სრულფასოვნად აგვარებს. მე მოხარული და ამაყი ვარ იმით, რომ საქართველოში განვავითარე და შევიტანე წვლილი ამ მიმართულების განვითარებაში. ამავდროულად მივიღე შედეგად ბევრი ჯანმრთელი, თავდაჯერებული და ბედნიერი ქალბატონი.
აწყდებოდით თუ არა სირთულეებს კარიერის დასაწყისში და რა შეიცვალა ახლა?
რა თქმა უნდა, ესთეტიკური მედიცინის ამ სფეროს განვითარების დასაწყისში, ქალბატონების უმრავლესობა არ ფლობდა ინფორმაციას, თუ რა სახის პრობლემების მოგვარება შეეძლო პლასტიკურ გინეკოლოგიას. ახლა უკვე თანამედროვე სამყარო იძლევა იმის საშუალებას, თუნდაც ინტერნეტის გამოყენებით ეზიარონ პლასტიკური გინეკოლოგიის შესაძლებლობებს და ეს მომსახურება მიიღონ ახლა უკვე საქართველოში.
რა არის საჭირო იმისათვის, რომ ქალმა თავი სრულყოფილად და ჰარმონიულად იგრძნოს?
XXI საუკუნეში დრო დადგა ქალბატონი იყოს საკუთარ თავში დარწმუნებული, მიმზიდველი და სასურველი. ხოლო იმისათვის, რათა ვიყოთ თავდაჯერებულები, უნდა მივაღწიოთ საკუთარ თავთან ბალანსს. სწორედ ინტიმური ზონის ჯანმრთელობაა ერთ-ერთი მნიშვნელოვანი ასპექტი ქალის პირად ცხოვრებაში.
რას სთავაზობთ ქალბატონებს პლასტიკური გინეკოლოგიის მიმართულებით?
კლინიკა „ტოტალ შარმში“ მოსულ ქალბატონებს საშუალება ეძლევათ მიიღონ ყველა ის მომსახურება, რომელსაც დღეს თანამედროვე პლასტიკური გინეკოლოგია გვიკარნახებს:
• ვაგინოპლასტიკა (ქირურგიული მეთოდით)
• ვაგინოპლასტიკა მცირე ინვაზიით (აპტოსის ძაფებით)
• ლაბინოპლასტიკა
• მგრძნობელობის მომატება
• G წერტილის აუგმენტაცია
• ინტიმური ზონის სრული აღდგენა-რეკონსტრუქცია
• გაახალგაზრდავება აპარატული მეთოდით
• ასაკობრივი ცვლილებების აღდგენა
შეიძლება თუ არა, აღმოჩნდეს ქალი პლასტიკური გინეკოლოგიის მსხვერპლი და რა შემთხვევაში?
დიახ, როგორც მედიცინის ნებისმიერ მიმართულებაში შეიძლება აღმოჩნდეს პაციენტი დაზარალებული, ასევე პლასტიკურ გინეკოლოგიაში ეს შესაძლოა მოხდეს. წარუმატებელი ოპერაციის შემდეგ არაერთი პაციენტი მოსულა ჩემთან და მინდა გითხრათ, რომ მეორადი პლასტიკა გაცილებით დიდ ხარჯებთან არის დაკავშირებული, ვიდრე პირველადი. ამიტომ მნიშვნელოვანია პროფესიონალი პლასტიკური გინეკოლოგის შერჩევა დიდი დაკვირვებით და სიფრთხილით.
რა არის თქვენი კრედო?
მოუტანო ადამიანებს სარგებელი შენი არსებობით და აკეთო შენთვის საყვარელი საქმე – ჩათვალე, ხარ ბედნიერი!
