ამერიკელი მსახიობი ჯონი დეპი და ინგლისელი სუპერმოდელი ქეით მოსი წლების გასვლის შემდეგაც კი არ კარგავენ ერთ-ერთი ყველაზე გამორჩეული ვარსკვლავური წყვილის სტატუსს. ჯონი დეპისა და ემბერ ჰერდის სასამართლო პროსესის და ქეით მოსის ჩვენების შემდეგ კი საზოგადოება უფრო მეტად დარწმუნდა იმაში, რომ წყვილს შორის წლების წინ დასრულებული ურთიერთობა კვლავ სიყვარულით, პატივისცემითა და მეგობრობით გრძელდება.
რამდენიმე დღის წინ სასამართლო პროცესზე 90-იანი წლების საკულტო სუპერმოდელმა და ჯონი დეპის ყოფილმა მეგობარმა ქალმა ქეით მოსმა აღნიშნა, რომ ბრალდებები, რომლებიც ჯონის წინააღმდეგ იყო წარდგენილი, არასწორია და მსახიობს მისთვის ხელი არასდროს დაუკარებია..
“როდესაც ოთახიდან გამოვდიოდით ჯონი ჩემზე წინ წავიდა, მე ამ დროს კიბიდან დავგორდი და ზურგი დავიზიანე. ვყვიროდი, ძალიან მტკიოდა და არ ვიცოდი რა მექნა, ჯონი სირბილით მოვიდა, ოთახში წამიყვანა და დამეხმარა”.
“მას არასდროს დაურტყამს ჩემთვის და არც კიბიდან დავუგორებივარ”.
სასამართლო პროცესზე მიცემული ჩვენების შემდეგ ქეით მოსი Royal Albert Hall-ში იმყოფებოდა, სადაც ჯონი დეპმა კონცერტზე სიმღერები Jeff Beck-თან ერთად შეასრულა.
ყოფილი ვარსკვლავური წყვილი პაპარაცებმა კონცერტის შემდეგ გამართულ წვეულებაზე ერთად შენიშნეს.
როგორც აღნიშნავენ, ჯონიმ ქეითი კონცერტზე პირადად დაპატიჟა.
იხილეთ კონცერტზე მიმავალი სუპერმოდელის უახლესი პაპარაცული ფოტოები.
სუპერმოდელი კონცერტის შემდეგ გამართულ წვეულებაზეც იმყოფებოდა.
