ცნობილმა არქიტექტურულმა ფირმა OMA-მ დაასრულა ახალი უნიკალური გალერეის მშენებლობა გვანგიოში, სამხრეთ კორეაში. სხვა საცალო მაღაზიებისგან გალერეა გამოირჩევა თავისი მრავალმხრივი შუშის ბილიკით, რომელიც გარშემორტყმულია პიქსელირებული, მიწიერი კუბური ფორმის გარშემო. აღნიშნული Galleria არის ერთ-ერთი ყველაზე დიდი და პირველი ფრანჩაიზული საცალო მაღაზია კორეაში. უჩვეულო კუბი ჰგავს გამოძერწილ ქვას, რომელიც მიწიდან მაღლა დგას.
„გვანგიოს ეს გალერეა გახლავთ კულტურული სივრცე, სადაც ქალაქი და ბუნება ერთმანეთს ხვდება. ეს არის ადგილი იმისათვის, რათა თავი დააღწიოთ „შოპინგის პროგნოზირებადობას“, − განმარტა ჰოლანდიურმა არქიტექტურულმა სტუდიამ.
გალერეის მაღაზიის ფასადი მორთულია პიქსელირებული მოზაიკის ქვით. მას აქვს სხვადასხვა აქტივობის სფეროები სხვადასხვა დონეზე, მაგალითად: საიუველირო მაღაზია, მამაკაცისა და ქალის ბუტიკები, საყოფაცხოვრებო ნივთების მაღაზიები, დელიკატესი, ბაზარი, სასადილო ადგილები და კინოდარბაზი. ასევე, სივრცეები გამოფენის, სპექტაკლისა თუ სხვა ღონისძიების მოსაწყობად.
გამვლელებს გარედან შეუძლიათ ნახონ კულტურული და კომერციული აქტივობები, რომლებიც მიმდინარეობს საცალო მაღაზიის შიგნით მინის ფასადს მიღმა, ხოლო გალერეაში სტუმრებს შეუძლიათ დატკბნენ გვანგიოს ხედებით სხვადასხვა თვალსაჩინო წერტილიდან.
„ეს არის ადგილი, სადაც ვიზიტორები შოპინგის დროს არქიტექტურული და კულტურული ესთეტიკით სიამოვნებას იღებენ. ისინი ყოველი ვიზიტის შემდეგ ახალი შთაბეჭდილებებით ივსებიან და სასიამოვნო სიურპრიზებს იღებენ“, − განაცხადა კრის ვან დუინიმ, პროექტის ხელმძღვანელმა.
OMA-ს შემოაქვს შუქი გალერეის ინტერიერში „საზოგადოებრივი ციკლის“ მეშვეობით და ქმნის საკულტო სტრუქტურას, რომელიც სავსეა მინის ბილიკით. თავის მხრივ, ბილიკი გამოდის მიწიერი პიქსელირებული ფასადიდან. ვინ იფიქრებდა, რომ შესაძლებელი ყოფილა უნივერმაღები ასე მიმზიდველად გამოიყურებოდეს.
