წარმოშობით უკრაინელი მსახიობი მილა კუნისი და მისი მეუღლე, ამერიკელი პროდიუსერი და მსახიობი ეშტონ კატჩერი უკრაინის მხარდამჭერებს უერთდებიან და მოსახლეობის დასახმარებლად 3 მილიონ დოლარის გამოყოფას გეგმავენ.
ვარსკვლავურმა წყვილმა მოქალაქეების მხარდასაჭერად ვიდეო სოციალურ მედიაში გამოაქვეყნა და უკრაინელებს მიმართა:
“არასდროს ვყოფილვარ ასეთი ამაყი იმით, რომ უკრაინელი ვარ” – მილა.
“მე კი არასდროს ვყოფილვარ ისეთი ამაყი იმ ფაქტით, რომ უკრაინელზე ვარ დაქორწინებული” – ეშტონი.
“უკრაინაში განვითარებული მოვლენები დამღუპველია. ამქვეყნად ამგვარი უსამართლო თავდასხმების ადგილი არ არის. ჩვენ ვხედავთ უკრაინელი ხალხის თავგანწირვას, რომლებიც იბრძვიან იმისთვის, რომ თავიანთი მოქალაქეები იყვნენ უსაფრთხოდ. მე და ეშტონმა გადავწყვიტეთ გავიღოთ 3 მილიონი დოლარის ღირებულების დონაცია Airbnb.org-ისა და Flexport.org-ის საშუალებით, რათა შეგროვდეს 30 მილიონი”.
View this post on Instagram
იხილეთ ასევე:
#OK! უკრაინის მხარდასაჭერად: კენდალ ჯენერი, ბელა ჰადიდი, არიანა გრანდე, ჰეილი ბიბერი და სხვები
