კომპანია „ტომარა“ შეიქმნა მათთვის, ვინც ყველაზე მეტად აფასებს ბედნიერ მომენტებს და მუდმივად ცდილობს თავისი და სხვების ცხოვრების ფერადი დეტალებით გახალისებას. აღნიშნული ბრენდი გთავაზობთ სხვადასხვა საინტერესო და მრავალფეროვან პროდუქციას: ღვინო სასურველი ეტიკეტის შინაარსით, შოკოლადები პერსონალური ფოტოებით, საჩუქრების ყუთები და ა.შ. დეტალური ინფორმაციისთვის OK! გაესაუბრა „ტომარას“ შემქმნელს, ანანო ჭიქაბერიძეს.
გვიამბეთ „ტომარას“ შექმნის ისტორია.
ვმუშაობ სარეკლამო სფეროში, პროფესიით ვარ გრაფიკოსი დიზაინერი, ამიტომ ერთხელ, როდესაც მეგობრის დაბადების დღისთვის განსაკუთრებული საჩუქრის მომზადება გადავწყვიტე, გაჩნდა იდეა იმისა, რომ შოკოლადის შეფუთვაზე მისი ლამაზი ფოტოები დამებეჭდა, რამაც ადრესატი აღაფრთოვანა. ამის შემდეგ გამიჩნდა სურვილი, რომ კიდევ ბევრი ადამიანი გამეხარებინა მსგავსი საჩუქრებით და შევქმენი ონლაინ გვერდი „ტომარა“, რომელმაც მომხმარებლის მხრიდან სიყვარული ძალიან მალე მოიპოვა.
რა სახის პროდუქციაა წამორდგენილი „ტომარაში“?
„ტომარა“ ქმნის რამდენიმე სახის პროდუქციას, რომელთაგან ყველაზე მთავარი და აღსანიშნავი არის ორი, ძალიან გემრიელი შოკოლადები დამზადებული პერსონალური ფოტოებით და წარწერებით, ასევე ღვინის ბოთლი სპეციალური ეტიკეტით, უგემრიელესი საფერავი, რომელსაც თავად ვამზადებთ ყოველ რთველზე. ამას გარდა გვაქვს სხვადასხვა ტიპის საჩუქრების არჩევანიც, რომელიც ძირითადად სხვადასხვა დღესასწაულების თემისაა, ყველაზე მთავარი კი ისაა, რომ ყველაფერი რაც ჩვენს გვერდზეა განთავსებული არის ყველასთვის ხელმისაწვდომი, ძალიან ბიუჯეტური.
მთავარი ნიშა, რაც „ტომარას“ პროდუქციას გამოარჩევს.
„ტომარას“ პროდუქციის გამორჩევა სხვა ფლაგიატებისგან მარტივია, შეფუთვა არის ბრენდირებულ მუყაოს ყუთში, ასევე აქვს ხის გრავირებული საკიდი ჩვენი ლოგოს გამოსახულებით და რაც მთავარია, პროდუქტის ხარისხი ყოველთვის მოწოდების სიმაღლეზეა. ჩვენი პროდუქციის შეძენა შესაძლებელია ონლაინ, მიწოდება მთელი ქვეყნის მასშტაბით, გვაქვს სახელოსნო თბილისში დიდუბეში, რაჟდენ გვეტაძის 6 ნომერში, ასევე პროდუქცია შეგიძლიათ შეიძინოთ Wolt-ზე და Bolt-ზე.
გვესაუბრეთ მიმდინარე აქციებთან დაკავშირებით.
აღსანიშნავია, რომ ჩვენს მომხმარებლებს ხშირად ვანებივრებთ აქციებით, სხვადასხვა ტიპის გათამაშებებით, ჩვენთან განსაკუთრებით შესამჩნევი Black fryday-ია. თუმცა მინდა გითხრათ, რომ ფასები სეილების გარეშეც ხელმისაწვდომია.
სამომავლო გეგმები.
სამომავლო გეგმებს რაც შეეხება, ნელ-ნელა ვფართოვდებით. წელს დაგვემატა Magic box-ები, ეს არის საჩუქრების ყუთი, რომელიც ყოველთვიურად სხვადასხვა შიგთავსს გვთავაზობს. უმნიშვნელოვანესია ისიც, რომ „ტომარა“ აქტიურად არის ჩართული სხვადასხვა ტიპის საქველმოქმედო ღონისძიებებშიც.
საკონტაქტო ინფორმაცია.
მისამართი: თბილისი, დიდუბე, რაჟდენ გვეტაძის 6
557171030
Facebook: https://www.facebook.com/tomara11
Instagram: https://www.instagram.com/tomara_box/
ტექსტი: მარიამ მთივლიშვილი
