Netflix-ის ახალი სერიალი „ემილი პარიზში“ გლობალური პანდემიის გამო მსოფლიოში არსებული რთული ვითარების ჟამს მაყურებლისთვის შესანიშნავი განსატვირთი საშუალება აღმოჩნდა.
საზოგადოების უამრავმა გამოხმაურებამ და დადებითმა შეფასებამ კი სერიალის შემოქმედებით ჯგუფს მეორე სეზონის გადაღებების დაწყება მალევე “აიძულა”.
კომპანია, რომელშიც სერიალის მთავარი გმილი ემილი კუპერი მუშაობს, ნაკლებად კეთილგანწყობილი თანამშრომლებითაა სავსე, რომლებიც მას ფრანგული ენის არცოდნის გამო კიდევ უფრო მეტ პრობლემას უქმნიან. პირველი სეზონის განმავლობაში ემილი ცდილობს ფრანგულ მარკეტინგულ ფირმაში მომუშავე პერსონალს საკუთარი გამოცდილება გაუზიაროს და ამერიკულ კულტურასთან შერწყმით მათ სამუშაოს სიახლე შესძინოს.
ემილის ახალი ცხოვრება თავგადასავლებითა და გამოწვევებითაა სავსე. მიუხედავად ბევრი წინააღმდეგობისა, ის ფარხმალს არ ყრის და საკუთარ პოზიციას ყოველთვის მყარად იცავს, ემილი გამუდმებით სამსახურზე ფიქრობს და კომპანიისთვის სოციალური მედიის სტრატეგიის შექმნას ცდილობს. მას სურს კარგი შთაბეჭდილება მოახდინოს უფროსზე და ფრანგული მარკეტინგული ფირმის მოდერნიზაციისთვის ახალ იდეებზე მუშაობს.
არსებული ინფრომაციით სერიალის მეორე სეზონს მაყურებელი 2021 წლის დეკემბერში იხილავს. მანამდე კი გთავაზობთ პირველ ოფიციალურ ფოტოებს Emily in Paris-ის ახალი სეზონიდან.
