„თავდაუზოგავ შრომას და მუდმივად განვითარების სურვილს ყოველთვის მოაქვს წარმატება. იმისთვის, რომ მოიპოვო ადამიანების ნდობა, აუცილებელია ხარისხიანი პროდუქცია შესთავაზო მათ“, – ასე ფიქრობენ კომპანია „მარტო სახლში“- დამფუძნებლები ზურაბ მესხიძე და ჯოვანი ღოღობერიძე. 2019 წლიდან, ჩანაფიქრი, ინოვაციური უსაფრთხოების სისტემების დანერგვით, სისრულეში მოიყვანეს. როგორც მათ OK! ბათუმთან ინტერვიუში აღნიშნეს, კომპანიის შექმნით მიზანს, რომ საქართველოში ტექნოლოგიური განვითარების სფეროში თავიანთი წვლილი შეეტანათ ხორცი შეასხეს და მიაჩნიათ, რომ დღეს ღირსეულ სიტყვას ამბობენ აღნიშნულ ბაზარზე.
სამი წელია არსებობს კომპანია, რომელიც ზრუნავს ადამიანების ცხოვრება უსაფრთხო და კომფორტული გახადოს. მოგვიყევით პრიორიტეტებზე, რამაც საზოგადოებაში კომპანიის მიმართ ნდობა გააჩინა…
(ზურაბ მესხიძე): კომპანიის დაარსების დღიდან, ყველაფერს ვაკეთებთ იმისთვის რომ, ორიენტირებული ვიყოთ მომხმარებელზე, გავითვალისწინოთ მათი მოთხოვნები და შევთავაზოთ მრავალფეროვანი არჩევანი. სასიამოვნო ფაქტია ის, რომ დღითიდღე უფრო და უფრო დიდი ყურადღება ეთმობა ბიზნესში ინოვაციური ტექნოლოგიების გამოყენებას. მოგეხსენებათ, კომპანია „მარტო სახლში“ ინოვაციურ და ულტრათანამედროვე ტექნოლოგიებსა და სახლის ე.წ. ჭკვიან მართვაზე დაფუძნებულ სისტემებს აწარმოებს, რომელიც მთელ მსოფლიოში, აღნიშნული მიმართულებით, ყველაზე მოთხოვნადი სისტემაა. იმ შემთხვევაში თუ თქვენ გსურთ კომფორტული საცხოვრებელი გარემოს შექმნა, გსურთ ტელეფონის აპლიკაციის საშუალებით საკუთარი სახლის კონტროლი დედამიწის ნებისმიერი წერტილიდან, მაშინ აუცილებლად უნდა მომართოთ ჩვენს კომპანიას, რომელიც უზრუნველყოფს ყველა თქვენ მოთხოვნას, რათა უფრო მშვიდად და დაცულად იგრძნოთ თავი.
იდეას, რომ ინოვაციური ტექნოლოგიების საშუალებით საქართველოში დაგენერგათ „ჭკვიანი სახლის“ სისტემა, დღევანდელი გადასახედიდან, რამდენად რეალურად აფასებთ. ანუ, თუნდაც ადგილობრივი საზოგადოება რამდენად აღმოჩნდა მზად თქვენ მიერ შეთავაზებული სიახლეების მიმართ?
(ჯოვანი ღოღობერიძე): თუ სურვილიც გაქვს, ყველაფერს აკეთებ მიზნის მისაღწევად, შრომა აუცილებლად გამოიღებს შედეგს. პირველ რიგში, თავად უნდა გჯეროდეს იმის, რასაც აკეთებ, რომ სხვებმაც დაგიჯერონ და აგყვნენ. ვფიქრობ, ძალიან ზუსტ დროს და ადგილას აღმოვჩნდით, პროფესიონალ გუნდთან ერთად, ვაკეთებთ იმ საქმეს, რომელიც გვიყვარს და რომლითაც ჩვენი წვლილი შეგვაქვს საქართველოს ტექნოლოგიური განვითარების სფეროში. აღსანიშნავია, რომ დღესდღეობით კომპანია „მარტო სახლში“ მთელი საქართველოს მასშტაბით 50 -ზე მეტ წამყვან სამშენებლო კომპანიასთან თანამშრომლობს, რაც პირდაპირ მიგვანიშნებს იმაზე, რომ ჩვენ მიერ შეთავაზებული სიახლეების მიმართ საზოგადოების დამოკიდებულება ადეკვატურია, ანუ მათ სურთ იცხოვრონ კომფორტულ და უსაფრთხო გარემოში. ადამიანებს დღითიდღე უჩნდებათ ინტერესი, რომ მათი არა მხოლოდ ბინები, არამედ ოფისები და აგარაკები გადაიყვანონ ჭკვიანი მართვის სისტემებზე, რითაც გაიადვილებენ ყოველდღიურობას.
კომპანია ორიენტირებულია მუდმივ ზრდასა და განვითარებაზე, ამ ეტაპისთვის რა სიახლეებს სთავაზობთ თქვენს მომხმარებელს?
(ზურაბ მესხიძე): „მარტო სახლში“ თავის მომხმარებელს ყოველდღიურად სთავაზობს სიახლეებს, გამომდინარე იქიდან, რომ ტექნოლოგია ვითარდება, ჩვენც ვცდილობთ არ ჩამოვრჩეთ, ფეხი ავუწყოთ, ნაბიჯ-ნაბიჯ მივყვეთ მსოფლიოს. ვცდილობთ, მაქსიმალურად მეტი და მეტი ინფორმაცია მივაწოდოთ ჩვენს მომხმარებელს, დაინტერესებულ პირებს. ყოველდღიურად ვცდილობთ ახალი პროდუქცია შემოვიტანოთ ქართულ ბაზარზე, დავნერგოთ ჭკვიანი სისტემები, რომელთა მართვაც, როგორც აღვნიშნე, შესაძლებელია მსოფლიოს ნებისმიერი წერტილიდან, არის ეკოლოგიურად სუფთა, უსაფრთხო, რაც ქმნის კომფორტისა და სრულყოფილების შეგრძნებას.
რა უპირატესობით სარგებლობს Ltd Home Alone?
(ჯოვანი ღოღობერიძე): მაღალკვალიფიციური გუნდით, ინოვაციური და ულტრათანამედროვე ტექნოლოგიებით, პროდუქტის ხარისხითა, მრავალფეროვნებით, პასუხისმგებლობითა და სერვისის მიწოდების მაღალი დონით.
როგორია წარმატების თქვენეული ფორმულა?
(ზურაბ მესხიძე): წარმატება ერთიანი გუნდის, ერთობლივი შრომის დამსახურებაა. გუნდური პრინციპით ვსაზღვრავთ პრიორიტეტებს და შემდეგ ვმუშაობთ მათი განხორციელებისთვის.
ნდობა…
(ჯოვანი ღოღობერიძე): რთულია ნდობის მოპოვება, მაგრამ როცა ადამიანები ხედავენ, რომ პასუხისმგებლობით ეკიდები დაკისრებულ მოვალეობას, უჩნდებათ ნდობა და ბოლომდე მოგყვებიან, ითვალისწინებენ შენ რჩევას. ნდობაზე დამყარებულ ურთიერთკავშირებს კი ყოველთვის მოაქვს დადებითი შედეგი.
პანდემიამ არაერთი ადამიანისა, თუ კომპანიის ბედი შეცვალა, თქვენ როგორ მოახერხეთ მუშაობა და რა დაგანახათ აღნიშნულმა პერიოდმა?
(ზურაბ მესხიძე): მართალია პანდემიამ არაერთ კომპანიაზე იმოქმედა ცუდად, ზოგი მათგანი, სამწუხაროდ, საერთოდ გაჩერდა, მაგრამ ჩვენი კომპანია, დისტანციურად, თუ რეგულაციების სრული დაცვით, აგრძელებდა საქმიანობას, მომხმარებელს ყოველდღიურ რეჟიმში აწვდიდა ინფორმაციას. გარდა ამისა, ვსწავლობდით და ვნერგავდით ახალ სისტემებს. ერთობლივად ვმსჯელობდით მომხმარებლების მიერ დასმულ საკითხებზე, რათა მარტივად გადაგვეჭრა ისინი და ბევრად კომფორტული გაგვეხადა მათი ცხოვრება. გვეჩვენებინა ის, თუ რამდენად დიდი სარგებლის მოტანა შეუძლია ჭკვიანი ტექნოლოგიების დანერგვას მათ ყოველდღიურობაში.
რამდენიმე წლის შემდეგ…
(ჯოვანი ღოღობერიძე): ჩვენი მთავარი მიზანი და მამოძრავებელი ძალაა ყოველდღიურობაში შემოვიტანოთ თანამედროვე ტექნოლოგიები, სისტემები, რომელთა მართვაც შესაძლებელია დისტანციურად. ვეცდებით სრულიად საქართველოს მასშტაბით, პირველ რიგში, ბათუმიდან დავიწყოთ და დავნერგოთ ჭკვიანი სისტემები, გავუმარტივოთ ადამიანებს ცხოვრება. კომპანია იზრდება, ვითარდება, ყოველდღიურად გვემატება ახალი მომხმარებელი, ჩვენი კომპანიით დღითიდღე ინტერესდება ადგილობრივი მოსახლეობა. ყოველდღიურად გვემატება პარტნიოტი კომპანიები, დგება ახალი ურთიერთთანამშრომლობები, რომელიც გვაძლევს გამოცდილებას, გვმატებს მოტივაციას უფრო განვვითარდეთ, უფრო მეტი რამ შევისწავლოთ, უფრო მეტი საინტერესო ტექნოლოგია ჩამოვიტანოთ საქართველოში, ბათუმში და მივცეთ ჩვენს მომხმარებელ საშუალება, რომ ხელმისაწვდომ ფასებში შეიქმნან კომფორტული, სრულყოფილი და მარტივად სამართავი გარემო. „მარტო სახლში“ იყენებს წამყვან ტექნოლოგიებს, რათა შექმნას მარტივი, ჭკვიანი და იდეალური პროდუქტები, რომელიც აუმჯობესებს ჩვენს ყოველდღიურობას. ზუსტად ეს არის ჭკვიანი სახლისა და სისტემების მიზანი თანამედროვე საზოგადოებაში. ვცდილობთ უკეთესი საცხოვრებელი პირობები შევუქმნათ მომავალ თაობებს. კომპანიის მიზანი ჭკვიანი სისტემების მუდმივი განვითარება და გაუმჯობესებაა. წინ არაერთი გეგმა გვაქვს და ვცდილობთ, ხარისხი, რომელსაც მომხმარებელს ვთავაზობთ უფრო და უფრო გავზარდოთ.
ჟურნალისტი: ნანა აბულაძე,
ფოტოგრაფი: მაკა მეგრელიძე
