კიანუ ჩარლზ რივზი კანადელი მსახიობია, რომელც 1964 წელს ბეირუთში დაიბადა და მას შემდეგ ტორონტოში იზრდებოდა. სამსახიობო კარიერა მან საკმაოდ ადრეულ ასაკში დაიწყო და არა ერთ წარმატებულ ფილმში ითამაშა, მათ შორის Devil’s Advocate, Speed, Point Break და სხვა. ფართო აუდიტორიამ ის ფილმ The Matrix-ში შესრულებული როლით გაიცნო. დღეს ის საკმაოდ წარმატებული მსახიობია, რომელიც არა ერთ პრესტიჟულ ჯილდოს ფლობს, მათ შორის MTV Awards-ის სამ, Teen Choice Awards-ის ერთ და Bambi-ს ერთ ჯილდოს. პირად ცხოვრებაზე მსახიობი ხშირად არ საუბრობს, თუმცა ცნობილია, რომ ამჟამად ის 48 წლის ხელოვანს, ალექსანდრა გრანტს ხვდება.
კიანუ საკმაოდ ცნობადი სახეა, თუმცა ამისდა მიუხედავად OK! წარმოგიდგენთ ფაქტებს წარმატებული მსახიობის შესახებ, რომელიც შესაძლოა არ იცოდეთ:
კიანუს სახელი „მთის თავზე ცივ ნიავს ნიშნავს“. 2017 წელს ჯიმი ფელონთან ინტერვიუში მსახიობმა განაცხადა, რომ კარიერის დასაწყისში მას სახელის შეცვლას ურჩევდნენ, კიანუ დღეს ჩაკ სპადინათი იქნებოდა ცნობილი, რომ არა მისი მტკიცე ხასიათი.
1980 წელს კიანუ კოკა-კოლის რეკლამაში გადაიღეს, მსახიობი იხსენებს, რომ რეკლმის გადაღებება სამი დღე გაგრძელდა.
კიანუს ძალიან უყვარს სწრაფი მანქანები და მოტოციკლეტები. 2017 წელს Esquire-თან ინტერვიუში მან განაცხადა, რომ აქვს მოტოციკლეტების საკუთარი კომპანია და ამასთან ერთად აქვს მოტოციკლეტების დიდი კოლექცია.
კიანუს უნდა ეთამაშა ფილმ Speed 2-ში, თუმცა მან როლზე უარი თქვა და კანადაში, Winnipeg-ის თეატრში „ჰამლეტის“ დადგმაში მიიღო მონაწილეობა. GQ magazine-თან ინტერვიუში კიანუმ განაცხადა, რომ ამ გადაწყვეტილებამ მის სამსახიობო კარიერაზე ძალიან ცუდად იმოქმედა, რამდენიმე წელი მას როლებს აღარ სთავაზობდნენ, საბოლოოდ კი ის ეკრანებს 2008 წელს დაუბრუნდა, როდესაც ფილმ The Day The Earth Stood Still-ში ითამაშა.
კიანუს არ სჯერა, რომ შექსპირი საკუთარ ნაწარმოებებს წერდა. BuzzFeed-თან ინტევრიუში მან განაცხადა, რომ ის ამ თემასთან დაკავშირებით ოქსფორდის თეორიას ემხრობა. თეორიის თანახმად შექსპირის ყველა ნაწარმოების რეალური ავტორი იყო ედვარდ დე ვერე.
2019 წლის მარტში კიანუ ლოს-ანჯელესში მიფრინავდა, თუმცა თვითმფრინავი ვალდებული გადხა კალიფორნიაში დაშვებულიყო. თანამგზავრებთან ერთად კიანუს გზის გაგრძელება მიკროავტობუსით მოუწია. სოციალურ ქსელებში გავრცელებული ფოტოების და ვიდეოების თანახმად კიანუ გზაში თანამგზავრებს საინტერესო ისტერიებს უყვებოდა, მღეროდა და მათთან ერთად სურათებს იღებდა.
კიანუ აცხადებს, რომ მისი საოცნებო როლი არის Marvel-ის კომიქსების გმირის Wolverine-ის შესრულება.
კიანუს დედა კოსტუმების დიზაინერია და ძველად ის სხვადასხვა ცნობილ ადამიანთან ერთად მუშაობდა. კიანუ აცხადებს, რომ ბავშვობაში მისი ძიძა ცნობილი მომღერალი ელის კუპერი იყო.
სამსახიობო კარიერის დაწყებამდე კიანუ იყო მუსიკალურ ჯგუფში სახელწოდებით Dogstar. დევიდ ბოუის ერთ-ერთი კონცერტი, რომელიც ლოს-ანჯელესში, Hollywood Palladium-ში გაიმართა სწორედ კიანუს ჯგუფმა გახსნა.
კიანუ ვინტაჟურ საბეჭდ მანქანებს აგროვებს. 2017 წელს Women’s Health Magazine-თან ინტერვიუში მან განაცხადა, რომ ძალიან უყვარს ვინტაჟური ნივთები.
