35 წლის მსახიობი, მეგან ფოქსი არაჩვეულებრივი სტილით გამოირჩევა, ბოლო დროს პაპარაცების ობიექტივში ის საკმაოდ ხშირად ხვდება, თუმცა მუდამ შესანიშნავად გამოიყურება. ამჯერად ვარსკვლავი ლოს-ანჯელესის ქუჩებში სეირნობისას შენიშნეს.
მეგანმა არჩევანი მონოქრომულ სტილზე შეაჩერა. მას ჯინსის შარვალი და ქურთუკი ეცვა, რომელსაც მწვანე ტოპი და ამავე ფერის მინი ჩანთა შეუხამა. იმიჯის სრულყოფილებაში მოსაყვანად მსახიობმა ვერცხლის დეტალებით გაფორმებული, მაღალქუსლიანი ფეხსაცმელი შეარჩია.
