მოდის სამყარო იცვლება, ვითარდება და მისი სტანდარტებიც ყოველწლიურად იცვლება. აუცილებლად უნდა აღვნიშნოთ, რომ ტრანსგენდერი მოდელებისთვის გასული დეკადა მეტად წარმატებული აღმოჩნდა, რადგან ბევრმა მათგანმა მნიშვნელოვან წარმატებას მიაღწია და ინდუსტრიაში განსაკუთრებული ადგილიც დაიკავა.
მოდის ისტორიაში ვალენტინა სამპაიო გახდა პირველი ტრანსგენდერი ქალი, რომელმაც Victoria’s Secret-თან ითანამშრომლა, ამჯერად კი ეს პატივი ემირა დისპეინს ხვდა წილად, რომელიც გახდა პირველი ფერადკანიანი ტრანსგენდერი ქალი, რომელსაც ბრენდი აიყვანს.
“მინდა ძალა მივცე მსოფლიოს გარშემო არსებულ ტრანსგენდერ ქალებსა და კაცებს, რათა ვაჩვენო მათ რომ სილამაზის სტანდარტები იცვლება და მათთვის ყველაფერი შესაძლებელია”.
