სალმა ჰაიეკი ფორმას 58 წლის ასაკშიც ინარჩუნებს. მექსიკელი მსახიობის თქმით, სილამაზის სამყაროსთან ბებიამ აზიარა, რომელიც თავის მოვლის განსაკუთრებულ ტექნიკას ფლობდა.
„ბებიამ მასწავლა, რომ დილას პირი არ უნდა დავიბანო, იმიტომ, რომ ამ დროს მთელ სასარგებლო ცხიმს ჩამოიბან, რომელიც სხეულმა ღამის განმავლობაში გამოიმუშავა. მე ძალიან გამიმართლა, იმიტომ, რომ ჩემი ბებია სილამაზეს აღმერთებდა, მალამოების დამზადება და თავის მოვლის ბევრი ხრიკი იცოდა. ბებია მეუბნებოდა, რომ მალამოს წასმის დროს ასე უნდა გამეკეთებინა (სახეს მსუბუქად ეხება). შეეხე სახეს, თმას, რათა საკუთარ თავს შეერწყა. ეს სილამაზის რუტინაა. – აღნიშნავს მსახიობი.
სალმა ჰაიეკი ინტერვიუებში ხშირად აღნიშნავს, რომ ბოტოქსი არასოდეს გამოუყენებია და არც სპორტდარბაზში სიარული უყვარს. ამის ნაცვლად, ურჩევნია მედიტაციას მიმართოს.
„ჩემი სხეულის მახასიათებლებისა და ჯანმრთელობის პრობლემების გამო, მივმართავ მედიტაციას. შემდეგ, როცა ოთახს ვტოვებ, ხალხი მეუბნება, „ღმერთო ჩემო, ისევ 20 წლის გოგოსავით გამოიყურები“ – ამბობს მსახიობი.
სალმას თქმით, იდეალური სხეული გენეტიკურად, ლიბანელი მამისა და მექსიკელი დედისგან ერგო, რისთვისაც მადლიერია.
გთავაზობთ ვოგის ვიდეოს, სადაც სალმა გვიზიარებს ყოველდღიურ თავის მოვლის რუტინას.
