სასტუმრო Pine Astoria რამდენიმე თვეა წარმატებით ოპერირებს ბაზარზე და საზოგადოებას სთავაზობს სტუმარმასპინძლობის უნიკალურ გამოცდილებას. აღნიშნული სასტუმროს შენობა მრავალი წლის განმავლობაში ფუნქციონირებდა, როგორც თოიძის სახელობის სამხატვრო აკადემია. სასტუმროს დამფუძნებლებმა კი გადაწყვიტეს, რომ შენობის თავდაპირველი ხიბლი და კულტურული მნიშვნელობის დიდი ნაწილი ექსტერიერის ნაწილში შეენარჩუნებინათ. ეს ყველაფერი კი დასვენებისთვის საინტერესო, მშვიდ და კომფორტულ გარემოს ქმნის. სასტუმროს შესახებ უფრო ვრცლად ჟურნალ OK-ის მისი გენერალური დირექტორი მაია თვალიაშვილი ესაუბრა.
როგორია სასტუმრო Pine Astoria შენობის შექმნის ისტორია?
სასტუმრო „ფაინ ასტორიას“ შენობა მდიდარი ისტორიის მატარებელია. ერთ-ერთი ცნობილი ქართველი არქიტექტორის დაპროექტებული შენობა მრავალი წელი ფუნქციონირებდა, როგორც თოიძის სახელობის სამხატვრო აკადემია. არაერთი ნიჭიერი ქართველი ხელოვანი ახსოვს ამ კედლებს. სწორედ ამიტომ „ფაინ ასტორია“ არის არა მხოლოდ განსაკუთრებული სტუმარმასპინძლობის ადგილი, არამედ შთაგონების წყარო ხელოვნების მოყვარულთათვის. ძველი ისტორიიდან გამომდინარე, ინტერიერის ნაწილში ჩვენი კონცეფცია სამხატვრო აკადემიის ხასიათს ინარჩუნებს, სასტუმროში გამოფენილია სხვადასხვა ქართველი მხატვრის ნამუშევრები, რომლის დათვალიერება და შეძენა შესაძლებელია. კოლექცია მუდმივად ნახლდება, შესაბამისად, ყველა განმეორებითი სტუმრობისას ახალი ფერწერული ისტორია, ხასიათი და ფერები დაგხვდებათ ჩვენს საგამოფენო სივრცეში.
რას სთავაზობთ საზოგადოებას?
ჩვენი სასტუმრო აერთიანებს 5 სხვადასხვა კატეგორიის 125 ნომერს, საკონფერენციო სივრცეს, შეხვედრების ოთახს, ბარს, რესტორანს, დახურულ საცურაო აუზსა და პარკირების ზონას.
„ფაინ ასტორია“ სულ რამდენიმე თვეა ქმნის თავის ისტორიას ქართული სტუმარმასპინძლობის რეალობაში, თუმცა ჩვენი გამოცდილი გუნდი, კონცეფციიდან გამომდინარე, ამ სეზონზე სხვადასხვა შემოქმედებით ღონისძიებას გეგმავს, რათა სასიამოვნოდ გააოცოს სტუმრები და აცოცხლოს ამ ისტორიული შენობის თანამედროვე, მაგრამ ისევ შემოქმედებითი ატმოსფერო.
რა გამორჩევს თქვენს სასტუმროს ბაზარზე?
ქალაქის უნიკალური ხედები, მომსახურების მაღალი ხარისხი, ქართული სტუმარმასპინძლობა და კონცეფცია, – ეს არის ის, რაც განსაკუთრებით გამოარჩევს „ფაინ ასტორიას“ სხვებისგან ბაზარზე. სასტუმრო გამოირჩევა ლოკაციითაც, ქალაქის ხმაურისგან შორს, თუმცა მისსავე შუაგულში მდებარეობს. „ფაინ ასტორიადან“ სულ რამდენიმე წუთში მოხვდებით დედაქალაქის ცენტრალულ ნაწილში, სადაც ფეხით შეგიძლიათ შემოიაროთ ძველი თბილისი, ისტორიული ძეგლები და ღირშესანიშნაობები.
აღსანიშნავია, რომ სასტუმრო 2023 წლის მარტიდან მასპინძლობს სტუმრებს სხვადასხვა ქვეყნიდან და ჩვენი გუნდის თითოეული წევრი ქმნის სტუმარმასპინძლობის უნიკალურ გამოცდილებას მათთვის. როგორც უკვე აღვნიშნე, აქ ზიარდებოდა სამხატვრო ხელოვნება და დღეს ჩვენ გვაქვს შესაძლებლობა, გავაზიაროთ ქართული სტუმარმასპინძლობის ხელოვნება.
ტექსტი: სოფიო მალანია
ფოტო: პირადი არქივი
