„ლაზიერი“ ქართული ბრენდია, რომელიც 2013 წლიდან ოპერირებს ბაზარზე და ქმნის ინდივიდუალურ მოთხოვნებზე მორგებულ ავეჯს, როგორც კორპორაციული მომხმარებლებისთვის, ისე ფიზიკური პირებისთვის. კომპანია ხშირად თანამშრომლობს სხვადასხვა კომპანიასთან როგორც საჯარო, ისე კერძო სექტორში. მათი ბოლო პროექტია ჰიპოპოტამ „ბეგის“ ძეგლის კონსტრუქციული ნაწილი, რომელიც 2015 წლის 13 ივნისს თბილისში მომხდარ ტრაგედიას მიეძღვნა.
„ლაზიერის“ შესახებ…
საწარმო აღჭურვილია უახლესი ევროპული დანადგარებით და მუშაობს მაღალი ხარისხის ხის, კორიანის (DuPont’s Corian®), ნეოლითის (The Size’s Neolith®), მეტალისა და კომპოზიტური მასალებით. ბრენდი ორიენტირებულია პროფესიულ მომსახურებასა და მუდმივ განვითარებაზე. „ლაზიერი“ მჭიდროდ თანამშრომლობს მსხვილ კომპანიებთან საჯარო თუ კერძო სექტორში. „ლაზიერს“ დღემდე 1000-ზე მეტი დიდი, საშუალო თუ პატარა წარმატებული პროექტი აქვს განხორციელებული. წარმოების პროცესი ხორციელდება უახლესი ევროპული დანადგარებით, როგორებიცაა SCM Group, Holz-Her, Global Press. ასევე, მომხმარებლებს, დაინტერესების შემთხვევაში, საშუალება აქვთ წინასწარ შეთანხმებულ დროს გაეცნონ მათთვის განკუთვნილი ნაკეთობის წარმოების მიმდინარეობას. „ლაზიერი“ მჭიდროდ თანამშრომლობს დარგის წამყვან გერმანულ კომპანია Lignum Consulting-ის ექსპერტებთან. მათთან პარტნიორობით განხორციელდა და ვითარდება წარმოების სტანდარტიზაციის პროექტი.
„ლაზიერის“ მომსახურება…
კომპანიის მომსახურების ციკლი მოიცავს ავეჯის დიზაინის, პროექტირებისა და წარმოების ყველა ეტაპს.
- ავეჯის ფუნქციური დატვირთვის ზუსტი განსაზღვრა
- დიზაინის ელემენტების ჩამოყალიბება
- მასალებისა და მექანიზმების ოპტიმალურად შერჩევა
- საბოლოო პროექტის შეთანხმება/დადასტურება
- წარმოების ყველა პროცესი ერთ სივრცეში
- სწრაფი კომუნიკაცია და ხარისხის კონტროლი ყველა ეტაპზე
ასევე, სურვილის შემთხვევაში შესაძლებელია წარმოების მიმდინარეობის აბსოლუტურად ყველა ეტაპის დათვალიერება ნებისმიერ შეთანხმებულ დროს.
„ლაზიერის“ ბოლო პროექტის შესახებ…
ჰიპოპოტამ „ბეგის“ ძეგლი, რომელიც ბავშვთა პარკ „მზიურში“ გაიხსნა, კომპანია „ლაზიერისთვის“ განსაკუთრებული მნიშვნელობის იყო, ვინაიდან ძეგლის შინაარსი პირდაპირ ეხმიანება 2015 წლის 13 ივნისს თბილისში სტიქიით გამოწვეულ ტრაგედიას. როგორც კომპანიაში აღნიშნავენ, განსაკუთრებულ სირთულეს წარმოადგენდა პროექტის კონსტრუქციული გადაწყვეტა, რათა ზუსტად გაემეორებინათ იდეის ავტორების ჩანაფიქრი, მაგრამ „ლაზიერის“ გამოცდილმა და პროფესიონალმა გუნდმა ზუსტად გათვალა ძეგლის კონსტრუქციული ნაწილი და მის შესაბამისად შეასრულა კორეანის სადგამის შიდა მეტალის კონსტრუქციის აგება, რომელიც უჟანგავი ფოლადისგან გაკეთდა. გარდა ამისა, მეტალის კონსტრუქცია უნდა ყოფილიყო მოპირკეთებული კორეანის ქვით, სადაც გამოსახული იქნებოდა მტრედები, რომელიც ტრაგედიის შედეგად დაღუპული ჩვენი მოქალაქეების სულების უკვდავყოფას განასახიერებს. ლაზიერის გუნდის თქმით, ისინი ამაყები არიან, რომ აღნიშნული პროექტი წარმატებით შესრულდა.
შეგახსენებთ, რომ თვითონ ჰიპოპოტამ „ბეგის“ ქანდაკების ავტორებია: მოქანდაკეა ერეკლე წულაძე და არქიტექტორი დავით გოგობერიშვილი
ტექსტი: სოფიო მალანია
ფოტო: ალექსეი სეროვი
