„სამეფო კარის თამაშების“ ვარსკვლავის, სოფი ტერნერის და მის მეუღლის მომღერალ ჯო ჯონასის ოთხწლიანი ქორწინება დასასრულს მიუახლოვდა.
ინგლისელი მსახიობი სოფი ტერნერი საზოგადოებამ სანსა სტარკის როლით გაიცნო, ერთ-ერთი ყველაზე მაღალრეიტინგული სერიალიდან „სამეფო კარის თამაშები“, ხოლო ჯო ამერიკულ პოპროკ ჯგუფ Jonas Brothers-ის წევრია (ძმათა ტრიო, რომელიც მუსიკალურ ინდუსტრიას 6-წლიანი პაუზის შემდეგ პირველად 2019 წელს დაუბრუნდა).
წყვილმა ერთმანეთი 2016 წელს გაიცნო, რამდენიმეთვიანი ურთიერთობის შემდეგ წყვილმა დაქორწინება გადაწყვიტა. მათ ნიშნობის შესახებ 2017 წლის ნოემბერში განაცხადეს, როდესაც სოციალურ ქსელში საქორწინო ბეჭდების ფოტოები გაავრცელეს, წარწერებით „მე თანახმა ვარ“ და „ის დამთანხმდა“. სოფი და ჯო 21 და 28 წლის ასაკში დაინიშნენ, ურთიერთობა კი ქორწილით დააგვირგვინეს. მათ ორი საერთო შვილი ჰყავთ.
