OK! Decor Book გიამბობთ სარემონტო კომპანია „რეკრეს“ შესახებ, რომელიც საზოგადოებას როგორც ბინის, ასევე კომერციული ფართების მოწყობის სრულ მომსახურებას სთავაზობს − დაწყებული სარემონტო სამუშაოებიდან, დასრულებული ავეჯის განთავსებით. როგორც „რეკრეს“ დამფუძნებელმა იოსებ გრიგალაშვილმა ჟურნალ OK!-ისთან საუბრისას აღნიშნა, კომპანიის მთავარ მიზანს ხარისხი და მომხმარებლამდე სასურველი შედეგის მიტანა წარმოადგენს, სწორედ ამიტომ, კომპანია იღებს სრულ პასუხისმგებლობას გარანტირებულ შედეგთან დაკავშირებით. მაშ ასე, რა უპირატესობებით სარგებლობს სარემონტო კომპანიის დახმარება ბინის რემონტისას და რა სახის საფრთხეებს ვირიდებთ თავიდან მსგავსი მეთოდით. ყოველივე ამის შესახებ „რეკრეს“ დამფუძნებელი თავად გვიამბობს.
რამდენად დიდი პოპულარობით სარგებლობს სარემონტო კომპანიების კულტურა საქართველოში?
საქართველოში სარემონტო კომპანიის კულტურა ჯერ კიდევ არ არის მასობრივი, რადგან სწორედ ახლა იწყებს ეს სფერო საზოგადოებაში თავის დამკვიდრებას, თუმცა მაინც უნდა ითქვას, რომ მოთხოვნა ჩვენს მომსახურებაზე ბოლო პერიოდში ნელ-ნელა იზრდებოდა და პანდემიამ ცოტა შეაფერხა ეს პროცესი, თუმცა ძალიან განვითარებადი სფეროა და თავისთავად, მოთხოვნა კვლავ უფრო მეტად გაიზრდება.
ეკონომიკური პირობებიდან გამომდინარე, ერთი შეხედვით მოსახლეობას ურჩევნია ინდივიდუალურად დაიქირაოს სხვადასხვა ტიპის ხელოსნები და გამარტივებულად მიიღოს შედეგი, თუმცა ეს სულაც არ ნიშნავს იმას, რომ შედეგი სწორედ ის იქნება, რაც დამკვეთს სურს.
რომელი საფრთხეების წინაშე ვდგებით ასეთ შემთხვევაში?
საბოლოო ჯამში, დამკვეთი რჩება მოტყუებული, იღებს არასასურველ ხარისხს და დაუსრულებელ პროექტს, რადგან არ ჰყავთ პასუხისმგებელი პირი. სწორედ აქედან გამომდინარე, მოსახლეობა უკვე ხვდება იმას, რომ ურჩევნია გადაიხადოს ცოტა მეტი და მიიღოს გარანტირებული შედეგი, რაზეც სრულ პასუხისმგებლობას იღებს კომპანია. აუცილებლად უნდა აღვნიშნო, რომ ჩვენი კომპანიის მენეჯერი ჩართულია მთელ ამ პროცესში. იგი აკვირდება და უზრუნველყოფს შესრულებული სამუშაოების ხარისხს.
გარდა ამისა, დამკვეთს შეუძლია როგორც უცხოეთიდან, ასევე ქალაქის სხვადასხვა ლოკაციიდან ადევნოს თვალი, დაათვალიეროს საკუთარი ბინა და დააკვირდეს სამუშაოების მიმდინარეობის პროცესს.
რა სახის მომსახურებებს სთავაზობთ მომხმარებლებს?
ჩვენი კომპანია მომხმარებლებს სთავაზობს სრულ სარემონტო სამუშაოებს:
- დიზაინი
- რემონტი (მოჭიმული იატაკი; კედლების გალესვა; ელექტრობა; გათბობა-გაგრილების სისტემა; კაფელ-მეტლახი; ლამინატი; თაბაშირ-მუყაო; ღებვა
- ავეჯით გაწყობა
რას გვეტყვით თქვენ მიერ შესრულებული პროექტების შესახებ?
კომპანია 2020 წელს დაარსდა და დაკომპლექტდა კვალიფიციური და პროფესიონალი კადრებით, რომლებიც მრავალწლიან გამოცდილებას ფლობენ და პრაქტიკა გავლილი აქვთ ევროპის წამყვან ქვეყნებში. არსებული პანდემიური სიტუაციიდან გამომდინარე, ისინი დაუბრუნდნენ საკუთარ ქვეყანას და ჩვენმა კომპანიამ უზრუნველყო მათი დასაქმება.
როგორც ცნობილია, თქვენი კომპანიის ერთ-ერთი მთავარი უპირატესობა ინოვაციური აპარატურაა. გვიამბეთ ამის შესახებ.
დიახ, ჩვენ ვსარგებლობთ ინოვაციური სალესი აპარატით, რომელიც განსხვავდება ტრადიციული მეთოდისგან (გაჯით ლესვა) და არის მაღალტექნოლოგიური. აღნიშნული აპარატებით გალესვის შემთხვევაში დრო შემოკლებულია ხუთჯერ. გამოირჩევა თბოიზოლაციით და ენერგოეფექტურობით.
როგორია სამუშაო პროცესის ვადები?
მომხმარებელს არ ვუქმნით ცრუ მოლოდინს ვადასთან დაკავშირებით. კომპანია უზრუნველყოფს დროის მენეჯმენტს და არ ტოვებს მომხმარებელს იმედგაცრუებულს. არ ვამახვილებთ აქცენტს დროზე, რადგან ორიენტირებულები ვართ ხარისხზე და შედეგზე. ვცდილობთ, მომხმარებელი ზუსტად იყოს ინფორმირებული ყველა დეტალთან დაკავშირებით.
დაბოლოს…
როგორც ჩვენი სლოგანი გადმოგვცემს, სარემონტო შემოქმედება ჩვენი ჰობია. ენდეთ ჩვენს კრეატიულ ხედვას!
საკონტაქტო ინფორმაცია:
ტელ: 571 11 71 07
www.recre.ge
Facebook: ReCre • რეკრე − სარემონტო კომპანია
