კუნთების სტიმულირებისთვის, სისხლის მიმოქცევის გააქტიურებისა და ლიმფური დრენირებისთვის, გირჩევთ ყოველდღიურად 3 წუთი დაუთმოთ სახის მასაჟს. 4-6 კვირაში თქვენ უნდა იგრძნოთ შედარებით მკაფიო კონტურები და სახის კანის გაუმჯობესებული ფერი. ეს რუტინა მნიშვნელოვანია კანის უჯრედების კვების აქტივაციისთვის, რაც ხელს უწყობს სახის ლიფტინგს და ნაოჭების წარმოქმნის პროცესის შენელებას. რუტინა მოსახერხებელია ძილის წინ, თუმცა მისი გაკეთება შეიძლება დღის ნებისმიერ დროს. მთავარია, რუტინა იყოს თანმიმდევრული და ყოველდღიური.
დასაწყისი, კანის მომზადება: გასუფთავებულ სახის კანზე წაისვით სახის ზეთი
- შუბლის ზონა
- ორივე ხელის თითები მოვითავსოთ შუბლზე, თითები მივმართოთ ზემოთ და დავიწყოთ ჯვარედინი მოძრაობები ზევით-ქვევით, მარჯვნიდან მარცხნივ და უკან. გავიმეოროთ 6-ჯერ.
- თითების ქვედა სახსრებით, დავაჭიროთ შუბლის ზონას. დავიწყოთ ქვედა სარტყლით და გავყვეთ ზევით 3-4 ჯერ, შუბლის სამ ნაწილში.
- თვალის ზონა
- ორივე ხელის შუა თითების მეშვეობით, სპირალური მოძრაობით დავაწვეთ და გავყვეთ თვალის გარშემო ზონას, თვალის შუა კუთხიდან ზემოთ და გარე ნაწილისკენ, შემდეგ ნაზად ჩამოვაცუროთ თვალის გარშემო. გავიმეოროთ 6-ჯერ.
- დავაჭიროთ შუა და საჩვენებელი თითები საფეთქელს და ჩამოვაცუროთ ქვევით, კისრის ზონისკენ, რათა გავააქტიუროთ ლიმფის დრენირება. გავიმეოროთ 2-ჯერ.
- ტუჩის გარშემო ზონა
- ნიკაპზე, ტუჩის გვერდებზე და ცხვირის ქვევით დავაჭიროთ შუა და საჩვენებელი თითებით. მოძრაობას ვიწყებთ ნიკაპით და მივყვებით ზევით. გავაჩეროთ თითი 2 წამით თითო წერტილზე. გავიმეოროთ 2-ჯერ.
- ლოყა და ყბის კონტური (jawline)
- საჩვენებელი და ცერა თითების მეშვეობით, ორივე ხელით ერთდროულად ჩქმეტისმაგვარი 6 მოძრაობით გავყვეთ ტუჩის გვერდებიდან დიაგონალურად, ყურის მიმართულებით. მოძრაობა გავიმეოროთ 6-ჯერ.
- საჩვენებელი თითი მოვითავსოთ ნიკაპის ზევით, ხოლო შუა თითი ნიკაპის ქვევით. ძლიერად მოვქაჩოთ ზევით, ყბის ხაზის გასწვრივ ყურისკენ, ისე რომ თან თავი მოვატრიალოთ საწინააღმდეგო მიმართულებით. გავიმეოროთ 4-ჯერ თითო მხარეს.
დასასრული, ლიმფის დრენირება: ორი ხელით ნაზად გავყვეთ სახის სრულ კონტურს ცხვირიდან ყურისკენ, გვერდით და ზევით. შემდეგ, ყურიდან კისრისკენ. გავიმეოროთ 2-ჯერ. ცხვირის წვეტიდან შუა სამი თითით, ნაზი მოძრაობით, ორივე ხელის მონაცვლეობით, დავაჭიროთ და გავყვეთ ზევით, შუბლისკენ. გავიმეოროთ 4-ჯერ. ბოლოს, დავაჭიროთ შუბლის შუა ზონას, შემდეგ საფეთქელს, და დავასრულოთ მასაჟი.
