#OK! გაიცანით 93 წლის იაპონელი შემოქმედი იაიოი კუსამა - როგორ იქმნება ხელოვანის ჯადოსნური სამყარო

იაიოი კუსამა არის იაპონელი თანამედროვე მხატვარი, რომელიც ძირითადად მუშაობს სკულპტურებსა და ინსტალაციებზე, ის ასევე აქტიურია და მოღვაწეობს ფერწერაში, დგავს სხვადასხვანაირ პერფორმანსებს და აქტიურია ვიდეო ხელოვნების განხრით… მოდა, პოეზია, მხატვრული ლიტერატურა და ხელოვნების სხვადასხვა მიმართულებები მისი შემოქმედების მთავარი არეალია.

მისი ნამუშევარი დაფუძნებულია კონცეპტუალურ ხელოვნებაზე და აჩვენებს ფემინიზმის, მინიმალიზმის, სიურეალიზმის, არტ-ბრუტის, პოპ-არტის და აბსტრაქტული ექსპრესიონიზმის დეტალებს და გაჟღენთილია ავტობიოგრაფიული, ფსიქოლოგიური და სექსუალური შინაარსით.

იგი აღიარებულია ამჟამინდელ ყველაზე გაყიდვად ქალ მხატვრად, მას საზოგადოებაში მოიხსენიებენ, როგორც მსოფლიოს ერთ-ერთ ყველაზე მნიშვნელოვან ხელოვანს.

კუსამა გაიზარდა მაცუმოტოში და სწავლობდა კიოტოს ქალაქის ხელოვნების უნივერსიტეტში ტრადიციული იაპონური ფერწერის სტილს, სახელად ნიჰონგა… კუსამა შთაგონებული იყო ამერიკული აბსტრაქტული იმპრესიონიზმით. ის გადავიდა საცხოვრებლად ნიუ-იორკში 1958 წელს და იყო ნიუ-იორკის ავანგარდული სცენის წევრი [New York avant-garde scene] 1960-იან წლებში, განსაკუთრებით პოპ-არტის მიმართულებით.

1960-იანი წლების ბოლოს ჰიპების კონტრკულტურის აღზევების შემდეგ, იგი საზოგადოების ყურადღების ცენტრში მოექცა, როდესაც მოაწყო ჩვენება, რომელშიც შიშველი მონაწილეები მოხატული იყვნენ ნათელი ფერის “პოლკა წერტილებით”, 70-იან წლებში მისი ნამუშევრები საზოგადოებამ მალევე მიივიწყა, თუმცა 80-იანი წლების ბოლოს საზოგადოების განხილვის საგანი მალევე გახდა.