PSP – ჩემი ოჯახის აფთიაქი, საქართველოს ფარმაციის ლიდერი, ხარისხის გარანტი, ევროპული ღირებულებების მქონე კომპანია წარმოგიდგენთ ვალენტინობის ისტორიებს.
შესაძლოა ვალენტინობას არ აღნიშნავდე, მაგრამ გვერდი ვერ აუარო წითელ ვარდებს, რომელიც ამ დღეს ყველაზე მოთხოვნადია.
ბერძნული მითოლოგიის მიხედვით, პირველი წითელი ვარდი გაიზარდა იმ ადგილზე, სადაც გარდაიცვალა ადონისი, ქალღმერთ აფროდიტეს საყვარელი, რომლის ცრემლებიც სწორედ იქ დაეცა.
წითელი ვარდები სიყვარულის სიმბოლოა, მისი ჩუქება კი რომანტიკული ჟესტია, თუმცა ყვავილების მირთმევა მხოლოდ მე-17 საუკუნის ბოლოს გახდა პოპულარული. ვარაუდობენ, რომ ეს ტრადიცია შვედეთის მეფე ჩარლზ II-ს უკავშირდება, რომელმაც „ყვავილების ენა“ შეისწავლა. სპარსეთში მოგზაურობისას ის გაეცნო სხვადასხვა ყვავილის წარმოშობას. სწორედ მაშინ გახდა ყვავილების მირთმევა პოპულარული, მათ შორის ვალენტინობის დღესაც.
საცალო ვაჭრობის ეროვნული ფედერაციის მონაცემებით, 2022 წელს ვალენტინობის დღეს 2,3 მილიარდი დოლარის ღირებულების ყვავილები გაიყიდა. შესაძლოა ეს მაჩვენებელი 2023 წელს კიდევ უფრო მაღალი იყოს. ამერიკელები მზად არიან გადაიხადონ თანხა ყვავილისთვის, რომელიც საუკეთესოდ გამოხატავს სიყვარულს.