კლინიკა „ველქინი“ რამდენიმე თვის წინ გამოჩნდა საზოგადოების წინაშე და ამ დროის განმავლობაში უამრავი კმაყოფილი და ერთგული მომხმარებელი შეიძინა. ეს არის ესთეტიკური მედიცინის ინოვაციური, ულტრათანამედროვე კლინიკა, რომელიც ნერგავს ახალ სტანდარტებს ესთეტიკურ მედიცინასა და თავის მოვლის ყოველდღიურ რუტინაში. „ველქინის“ ერთ-ერთი უპირატესობა ისაა, რომ აქ მომხმარებელს შეუძლია სახისა და სხეულის გაახალგაზრდავება უნიკალური, არაინვაზიური ტექნოლოგიის აპარატურის მეშვეობით, რაც სრულიად უსაფრთხო, უმტკივნეულო და მაქსიმალურად ეფექტურია.
აღსანიშნავია, კლინიკის განსხვავებული და მყუდრო გარემო, რომელიც აქსის თაუერსის მე-11 სართულზე მდებარეობს, საიდანაც იშლება პანორამული ხედები, რომელიც შეგიქმნით პრივატულ სივრცეს, რაც თავის მოვლას კიდევ უფრო სასიამოვნოს გახდის. Welkin-ის კონცეფციასა და კლინიკაში წარმოდგენილ ინოვაციურ აპარატებზე უფრო ვრცლად ჟურნალ OK!-ის ესაუბრა დერმატო-ვენეროლოგი, დერმატო-კოსმეტოლოგი, ევროპის დერმატო-ვენეროლოგთა აკადემიის წევრი, მედიცინის აკადემიური დოქტორი, „ველქინის“ მთავარ ექიმი თამარ ბასილაძე.
რა იყო კლინიკის შექმნის მიზანი?
კლინიკის შექმნის მიზანი იყო, მომხმარებლისთვის შეგვეთავაზებინა ინოვაციური, რევოლუციური აპარატურა და მსოფლიოს წამყვან ესთეტიკურ კლინიკებში აპრობირებული მეთოდები, რომელიც სიახლე იქნებოდა ქართული ბაზრისთვის.
მიხარია, რომ „ველქინი“ არის იმ ესთეტიკური კლინიკების მცირე ჩამონათვალში, სადაც უახლესი, FDA და CE სერტიფიცირების მქონე აპარატებია წარმოდგენილი. ამასთან, კლინიკისთვის მნიშვნელოვანი იყო, გუნდი დაკომპლექტებულიყო მხოლოდ სერტიფიცირებული და მაღალკვალიფიციური ექიმებით. ამ ყოველივემ განაპირობა ის, რომ მოკლე დროში ჩვენ უკვე გვყავს ერთგული და კმაყოფილი მომხმარებელი.
რა პროცედურებს სთვაზობთ საზოგადოებას?
ჩვენს მომხმარებელს ვთავაზობთ სახისა და სხეულის მოვლისა და გაახალგაზრდავების არაინვაზიურ, აპარატურულ პროცედურებს და, რაღა თქმა უნდა, ქართველი მომხმარებლისთვის ნაცნობ ინიექციურ პროცედურებს, როგორიცაა ფილერი, ბოტულინოთერაპია, მეზოთერაპია, ბიორევიტალიზაცია და სხვ.
რა გამოგარჩევთ ბაზარზე?
როგორც უკვე აღვნიშნე, ინოვაციური და სერტიფიცირებული აპარატურა, პრივატული გარემო უნიკალური ხედებით, პროფესიონალ ექიმთა გუნდი, ინდივიდუალური მიდგომა თითოეულ პაციენტთან არის „ველქინის“ გამორჩეული მახასიათებლები.
როგორც ვთქვი, „ველქინში“ ტარდება ისეთი აპარატურული პროცედურები, რომლებიც მსოფლიოს წამყვან ესთეტიკურ კლინიკებშია აპრობირებული. მოკლედ მოგიყვებით რამდენიმეს შესახებ:
სახის კანის ლაზერული გაახალგაზრდავება Fotona timewalker აპარატით – ეს არის რევოლუციური მოწყობილობა, რომელიც იყენებს ლაზერის უნიკალურ კომბინაციას სხვადასხვა ესთეტიკური პრობლემის სამკურნალოდ და წარმოადგენს ტრადიციული მიდგომების არაქირურგიულ, არაინვაზიურ ალტერნატივას, აღადგენს ბუნებრივ სილამაზეს და გრძელვადიანი ეფექტი აქვს.
პროცედურის დროს კანის ზედაპირისა და პირის ღრუს დამუშავება ხდება ორი ტიპის ლაზერით. მკურნალობის შემდეგ კანი იბრუნებს სიმკვრივესა და ელასტიკურობას, მცირდება ნაოჭები და უმჯობესდება კანის სტრუქტურა. ეს არის სრულიად უსაფრთხო, უმტკივნეულო და მაქსიმალურად ეფექტური პროცედურა, რომელსაც არ ესაჭიროება სარეაბილიტაციო პერიოდი.
თუმცა ეს ყველაფერი არ არის, ფოტონას ამ ჯადოსნურ აპარატს შეუძლია:
- აღადგინოს ტუჩის მოცულობა
- აჩერებს თმის ცვენას
- მკურნალობს თვალის გარშემო გაჩენილ მუქ წრეებს და ებრძვის წვრილ ნაოჭებს
- მკურნალობს ხვრინვას
- ფრჩხილის სოკოს
სხეულის მაგნიტური მოდელირების პროცედურა, Starformer by Fotona-ს აპარატით, რომლის საშუალებითაც ხდება კუნთოვანი მასის გამკვრივება, იწვება ზედმეტი ცხიმი, უმჯობესდება ფორმები და სხეულის კონტური. აღსანიშნავია, რომ ამ პროცედურის დროს, რომლის ხანგრძლივობაც სულ რაღაც 30 წუთია, კუნთი იკუმშება 50 000-ჯერ. ამ დროს ხდება ისეთი კუნთების გააქტიურება, რომელიც ვარჯიშის შედეგადაც კი რთულად მიიღება.
ერთ-ერთი პოპულარული პროცედურაა კრიოლიპოლიზი, რაც გულისხმობს – ლოკალურად ჩამჯდარი ცხიმის მოცილებას cooltech-ის უახლესი აპარატით, სწრაფად და მარტივად. აპარატი -8С-მდე ყინავს ცხიმოვან ქსოვილებს, რის შედეგადაც ცხიმოვანი უჯრედები ეტაპობრივ დაშლას იწყებს. მნიშვნელოვანია, რომ ირგვლივ მდებარე ქსოვილები არ ზიანდება.
„ველქინში“ გვაქვს რევოლუციური აპარატი, რომელიც მიმართულია ცელულიტის ხუთივე ტიპისა და მოდუნებული კანის სამკურნალოდ და ძალიან ეფექტურია. ესაა Emtone by BTL, რომელიც მოიცავს აკუსტიკური, სითბური და მექანიკური ენერგიების ერთობლიობას და უზრუნველყოფს Emtone, კოლაგენისა და ელასტინის სინთეზს, რის ხარჯზეც სხეულს სიმკვრივე და ელასტიკურობა უბრუნდება.
რაღა თქმა უნდა, კლინიკაში გვაქვს უახლესი თაობის, მსოფლიოში დღესდღეობით არსებული ყველაზე მძლავრი დიოდის ლაზერული ეპილაციის აპარატი. ესაა ესპანური წარმოების Primelase, რომელიც სხვა დიოდურ აპარატებზე 2-ჯერ უფრო სწრაფია და ეფექტური. ტარდება ნებისმიერი ტიპის კანსა და თმაზე, არ გააჩნია სეზონური შეზღუდვა და რაც ძალიან მომხიბვლელია პაციენტებისთვის, არის ის, რომ პროცედურებს შორის შუალედი 1,5 – 2 თვეა.
რა თქმა უნდა, ეს არასრული ჩამონათვალია იმ პროცედურების და აპარატებისა, რაც ჩვენს კლინიკაშია წარმოდგენილი.
სამომავლო გეგმები
ჩვენ მუდმივად ვეცნობით ესთეტიკური მედიცინის სიახლეებს და მომავალში ჩვენს მომხმარებელს ვპირდებით ახალ პროცედურებს, მეთოდებსა და აპარატურას.
ასევე მინდა აღვნიშნო, რომ ჩვენს კლინიკაში არსებულმა ინოვაციურმა აპარატურამ და მიდგომებმა ესთეტიკის სფეროში მოღვაწეობის მსურველთა მაღალი ინტერესი გამოიწვია. სწორედ ამიტომ გადავწყვიტეთ სკოლის შექმნა, რომელიც ძალიან მალე დაიწყებს ფუნქციონირებას და ჩვენს დაგროვილ ცოდნასა და გამოცდილებას გავუზიარებთ ჩვენს კოლეგებსა და აღნიშნული სფეროთი დაინტერესებულ ადამიანებს.
საკონტაქტო ინფორმაცია:
მისამართი: ილია ჭავჭავაძის გამზირი 37, აქსის თაუერსი, ბიზნესცენტრი, მე-11 სართული
ინფორმაციას ასევე შეგიძლიათ გაეცნოთ შემდეგ არხებზე:
ტექსტი: სოფიო მალანია
ფოტო: ალექსეი სეროვი
