ამერიკელი ჟურნალისტი, მოდის რედაქტორი, რევოლუციონერი დიზაინერის ტომ ფორდის მეუღლე და მრავალწლიანი პარტნიორი – რიჩარდ ბაკლი 72 წლის ასაკში ხანგრძლივი ავადმყოფობით გარდაიცვალა.
რიჩარდს ხშირად მოიხსენიებდნენ, როგორც მოდის მედია სამყაროს ტიტანს, რომელმაც Vogue Hommes International-ის მთავარ რედაქტორად 6 წლის განმავლობაში იმუშავა.
ბაკლის ინდუსტრიაში გატარებული 25 წარმატებული წელი ისეთ გამოცემებთან მუშაობას მოიცავდა, როგორებიც იყვნენ Women’s Wear Daily, Vanity Fair, Mirabella magazine და სხვები.
ტომი და რიჩარდი ერთმანეთს პირველად 1986 წელს შეხვდნენ, ურთიერთობა კი 2014 წელს ქორწინებით დააგვირგვინეს.
“სამი პაემანი გვქონდა. მან ოთხი კვირის შემდეგ უკვე თავისი ბინის გასაღები მომცა და მას შემდეგ ერთად ვცხოვრობდით.”
“ის შესანიშნავი და ამავდროულად სრულიად სულელი იყო. ჩემს გარშემო ცეკვავდა, თვალებში მიყურებდა და ცდილობდა ზედმეტად მომხიბვლელი ყოფილიყო. მე ძალიან პრაგმატული ადამიანი ვარ, ჩვენს შორის უმალვე რაღაც კავშირი ვიგრძენი და ვიცოდი, რომ ერთხელაც მასზე უნდა დავქორწინებულიყავი… ის იყო სიმპათიური, ზრდასრული და ჩამოყალიბებული, ყოველთვის ვიცოდი, რომ ყველასგან განსხვავებული იყო, რადგან მისდამი ვგრძნობდი იმას, რაც არასდროს არავისთან მიგრძვნია.” – ასე აღწერა10 წლის წინ ტომ ფორდმა OUT Magazine-თან მისი და ბაკლის პირველი შეხვედრა.
View this post on Instagram
