ესთეტიკური მედიცინა და სტომატოლოგია – ორი სფერო, სადაც პროფესიონალიზმი, სილამაზე და ჯანმრთელობა ერთიანდება. დღევანდელი ჩვენი რესპონდენტი, თეა კვიციანი საკუთარი საქმის პროფესიონალი და ერთ-ერთი გამორჩეული სახეა ამ ორ სფეროში. ხარისხიანი მომსახურება, კომფორტული გარემო და პროფესიონალიზმი, – სწორედ ამ მიზნით შეიქმნა კლინიკა Teoline Aesthetic & Dental Clinic, სადაც პაციენტი სრულ მომსახურებას იღებს როგორც სტომატოლოგიური, ასევე ესთეტიკური მიმართულებით.
თეა, რამ განაპირობა თქვენი პროფესიული არჩევანი?
ესთეტიკური მედიცინის სფეროში შემთხვევით არ მოვხვედრილვარ, ყოველთვის მაინტერესებდა ისეთი საქმე, სადაც მედიცინა და ესთეტიკა ერთმანეთს ერწყმის. სტომატოლოგიამ ჩაუყარა საფუძველი ჩემს ახლანდელ პროფესიას, ხოლო ესთეტიკამ მომცა შესაძლებლობა, პაციენტის გარეგნობასა და თვითშეფასებაზე მეზრუნა. სწორედ ამან დამარწმუნა, რომ ჩემი კლინიკა უნდა ყოფილიყო სივრცე, სადაც ჯანმრთელობა და სილამაზე ერთიანდება. ეს არჩევანი ჩემთვის არა უბრალოდ პროფესია, არამედ საკუთარი ფასეულობების გამოხატულებაა.
როგორ დაიბადა Teoline Aesthetic & Dental Clinic-ის შექმნის იდეა?
კლინიკის შექმნის იდეა თანდათანობით დაიბადა. მინდოდა შემექმნა სივრცე, სადაც გავაერთიანებდი ჩემს პირვანდელ პროფესიას, ანუ სტომატოლოგიას ჩემს ამჟამინდელ მიმართულებასთან. ასე შეიქმნა Teoline Aesthetic & Dental Clinic, ადგილი, რომელიც უპირველესად, ჩემივე ხედვასა და სურვილს პასუხობს – პაციენტმა ერთ სივრცეში მიიღოს სრული ზრუნვა, კომფორტსა და პროფესიონალიზმთან ერთად.
რას სთავაზობთ მომხმარებელს სტომატოლოგიისა და ესთეტიკური მედიცინის მიმართულებით?
სტომატოლოგიური მიმართულებით პაციენტებს ვთავაზობთ სრულ მომსახურებას. აქცენტს ვაკეთებთ ხარისხზე, უსაფრთხოებასა და პაციენტისთვის მაქსიმალური კომფორტის შექმნაზე.
რაც შეეხება ესთეტიკურ მიმართულებას, ჩვენთვის მთავარი პრიორიტეტი არის პაციენტი, რომელიც ჩვენთან ვიზიტის შემდგომ თავს იგრძნობს თავდაჯერებულად და ბედნიერად. ჩვენი კლინიკა მომხმარებელს სთავაზობს როგორც კლასიკურ კოსმეტოლოგიურ, ასევე სრულ ინიექციურ მომსახურებას და ამასთანავე, სხეულის კორექციას.
ორივე მიმართულება დიდ ყურადღებას მოითხოვს, რა არის მთავარი, რაც მოტივაციას გაძლევთ?
დიახ, ორივე სფერო უდიდეს ყურადღებას და პასუხისმგებლობას მოითხოვს, მაგრამ მთავარი მოტივაცია ჩემი საქმის მიმართ სიყვარული და ბედნიერი და მადლიერი პაციენტია. სწორედ ეს მაძლევს ძალას და სურვილს, მუდმივად განვვითარდე როგორც სტომატოლოგიის, ისე კოსმეტოლოგიის მიმართულებით.
გაგვიზიარეთ თქვენი მიდგომა, რათა სტომატოლოგთან ვიზიტი უფრო კომფორტული გახდეს.
ჩვენი მიზანია, რომ სტომატოლოგთან ვიზიტი გავხადოთ კომფორტული და უსაფრთხო. პროფესიული ცოდნა კი საშუალებას გვაძლევს, პროცედურა იყოს მაქსიმალურად უმტკივნეულო, შედეგი კი სრულყოფილი.
ჩვენს კლინიკაში ვქმნით გარემოს, სადაც თითოეული ვიზიტი ადამიანისთვის არა სტრესული, არამედ სასიამოვნოა. სწორედ ეს არის ის, რაც იწვევს ჩვენს სანდოობას.
გუნდი, რომელიც Teoline Aesthetic & Dental Clinic-ს ქმნის
ჩემს კლინიკას პროფესიონალი და წარმატებული ექიმებისგან შემდგარი გუნდი ჰყავს. გუნდის თითოეული წევრი მუდმივად ზრუნავს პროფესიულ განვითარებაზე და ორიენტირებულია კმაყოფილი პაციენტების რაოდენობაზე.
ტექსტი: სოფიო მალანია
ფოტო: ალექსეი სეროვი
