ინტერნეტში ამ ორ პოპვარსკვლავს ერთმანეთს ძალიან ხშირად ადარებენ, თუმცა, მათ არაერთხელ დაამტკიცეს, რომ როგორც კოლეგები ერთმანეთს ძალიან დიდ პატივც სცემენ. მომღერლების ტურნეები წელს ერთმანეთს რამდენჯერმე დაემთხვა, რის გამოც სოციალურ ქსელში მათი რეპერტუარის შედარება არ წყდებოდა. ამჯერად კინოთეატრებში ტეილორ სვიფტის ახალი ფილმის The Eras Tour Concert Film-ის პრემიერაზე, წითელ ხალიჩაზე სვიფტთან ერთად ბიონსე ნოულზიც გამოჩნდა. ვარსკვლავების ფოტოებმა ინტერნეტი მალევე მოიცვა.
