„თანათა“ ქართული ბრენდია, რომელიც პლუს-ზომის სამოსს ქმნის ქალბატონებისთვის. ნებისმიერ წონაში შესაძლებელია ქალი გამოიყურებოდეს მომხიბვლელად და ელეგანტურად, თუ მას სწორად აქვს შერჩეული სამოსი. თუ როგორია მოთხოვნა პლუს-ზომის სამოსზე, ამის შესახებ OK! გაესაუბრება „თანათას“ შემქმნელ თამარ ნათაძეს.
როგორია „თანათას“ შექმნის ისტორია?
სახელი „თანათა“ მოიფიქრა ჩემმა მეუღლემ, ჩემი სახელიდან და გვარიდან გამომდინარე. ბრენდი შევქმენით 2 წლის წინ, შემდეგ პანდემია დაიწყო და შევჩერდით. მეგონა ადამიანებს ამისთვის არ ეცლებოდათ, თუმცა პირიქით − დიდი გამოხმაურება მოჰყვა. ბრენდის შექმნის მთავარი მიზანი კი იყო შემექმნა პლუს-ზომის ქალბატონებისთვის თანამედროვე, არასდანდარტული, პრაქტიკული სამოსი. იდეა გამიჩნდა საკუთარი თავიდან გამომდინარე, რადგანაც თავად ვარ პლუს-ზომა, მიყვარს გემოვნებით და თანამედროვედ ჩაცმა, რის საშუალებაც არც საქართველოშია, არც საზღვარგარეთაა და თუ არის − არაბიუჯეტურია.
ვინ ქმნის „თანათას“ დიზაინს?
„თანათას“ დიზაინს ძირითადად ვქმნი მე თვითონ, ასევე, მუდმივად თვალს ვადევნებ მსოფლიო მოდას, ვითვალისწინებ სიახლეებს, ბევრი დეტალიც და მოდელიც გამიმეორებია, რომელიც ნამდვილად საოცნებოა პლუს-ზომის ქალბატონებისთვის. სამოსი იკერება ჩემს სამკერვალოში. ბავშვობიდან ვოცნებობდი ამ პროფესიაზე, თუმცა ახლა მომეცა საშუალება მთელი ჩემი ფიქრი და ენერგია გამეღო ამ საქმისთვის. მინდა ყველა ქალს ვუთხრა − არასოდეს არის გვიან, აისრულონ ოცნება.
როგორია მოთხოვნა თქვენს სამოსზე და როგორია თქვენი მომხმარებელი?
აღმოჩნდა, რომ მოთხოვნა დიდია. თავიდან, როდესაც საქმეს ვიწყებდი, ცოტა მეშინოდა, მაგრამ იმედი მქონდა, რომ ჩემნაირი „შოპოჰოლიკი“ ბევრი იქნებოდა და ასეც აღმოჩნდა. „თანათას“ მომხმარებლები ისეთ შეფასებებს გვწერენ, რომ უფრო და უფრო დიდი სტიმული მეძლევა, შევქმნა მათი მოსაწონი სამოსი, რადგან ხშირად აღნიშნავენ, რომ არ ეგონათ, თუ კიდევ რაიმეს მოიხდენდნენ. მათ ეს ყველაფერი აბედნიერებთ და შინიდან გამოსვლის სურვილს უორმაგებთ. ონლაინ მუშაობის პირობებში, მით უმეტეს პლუს-ზომის ადამიანისთვის, რომელსაც მაღაზიაშიც უჭირს მორგება, ჩვენი ძალისხმევით ვაღწევთ იმას რომ, გვენდობიან და ყიდულობენ მოზომვის გარეშე. „თანათას“ სამოსი ყველა სეგმენტისთვის ხელმისაწვდომია.
სამომავლო გეგმა
ამჟამად „თანათას“ სამოსის შეძენა მხოლოდ ონლაინ არის შესაძლებელი, თუმცა მოთხოვნიდან გამომდინარე, ორ თვეში მექნება საკუთარი ბუტიკიც − ბარნოვის 73 ნომერში. ველოდები ყველა ქალბატონს, რომელიც დღემდე ეძებს ხარისხიან და თანამედროვე დიზაინის პლუს-ზომის სამოსს.
საკონტაქტო ინფორმაცია:
https://www.facebook.com/TANATASTORE
https://www.instagram.com/tanata.t.n/
ავტორი: სოფიო მალანია
ფოტო: ალექსეი სეროვი
