სუპერმარკეტების ქსელი „დეილი“ 2014 წლიდან გამოჩნდა ბაზარზე. ის მომხმარებელს პროდუქციის მრავალფეროვან არჩევანს სთავაზობს. „დეილის“ ფილიალები მდებარეობს შიდა ქართლში, იმერეთში, სამცხე-ჯავახეთში, რაჭა-ლეჩხუმში, სამეგრელოში, გურიასა და აჭარაში. კომპანიის მიზანია, რეგიონებში განავითაროს ბიზნესინფრასტრუქტურა, ხელი შეუწყოს დასაქმებას და მომხმარებელს შესთავაზოს მრავალფეროვანი პროდუქციის არჩევანი ყველაზე მისაღებ ფასად.
გარდა იმ პროდუქციისა, რასაც სტანდარტულად ვხვდებით სუპერმარკეტში, „დეილიში“ ასევე შეგიძლიათ შეიძინოთ ახალი, გემრიელი და ჯანსაღი მზა საკვები და საკონდიტრო ნაწარმი. სწორედ ამ მიმართულებით, „დეილი“ ორ თანამედროვე ტექნოლოგიებით აღჭურვილ საწარმოს ფლობს. ის უკვე 6 წელია ფუნქციონირებს, თავდაპირველად ასორტიმენტი ძირითად კერძებსა და სალათებს მოიცავდა. მართალია, ტრადიციული სამზარეულო კვლავ რჩება ძირითად საწარმოო მიმართულებად, თუმცა კომპანია ცდილობს მომხმარებელს სიახლეები შესთავაზოს.
აღსანიშნავია სწრაფი კვების მიმართულება, რაც სხვადასხვა შიგთავსის სენდვიჩებს, როლებს და ლანჩ მენიუს აერთიანებს.
გამორჩეულია „დეილი“ საკონდიტრო, რომელიც ყოველდღიურად რამდენიმე ხაზის ტკბილეულს ამზადებს. მათ შორისაა ტრადიციული, სტანდარტული, ფრანგული, მშრალი საკონდიტრო და შეკვეთის ხაზი.
ტრადიციული ხაზი მომხმარებლისთვის კარგად ნაცნობ ტკბილეულს აერთიანებს – სხვადასხვა ვიზუალისა და შიგთავსის, მათ შორის შოკოლადის, ხილის, კენკრის, ყავის, ნიგვზის, სერიული ტორტების ხაზს.
ასევე, დიდია მოთხოვნა ფრანგულ საკონდიტროზე, სადაც მომზადების თითოეული ეტაპი განსაკუთრებულ საფეხურზეა აყვანილი. „დეილის“ ფრანგული საკონდიტრო განსაკუთრებით ახალი, საინტერესო და უცხო არომატების მოყვარულ მომხმარებლებს ხიბლავს.
რაც შეეხება მშრალ მიმართულებას, ის, როგორც ასაწონ, ასევე შეფუთულ პროდუქციას აერთიანებს. ეს ნაწარმი განსაკუთრებით გემრიელი და ამავე დროს, პრაქტიკულია გზაზე წასაღებად.
„დეილის“ წარმოებული პროდუქტებიდან განსაკუთრებული პოპულარობით სარგებლობს სენდვიჩები და სტანდარტული ტორტები.
„დეილი“ გამოირჩევა საინტერესო შეთავაზებებით და ფასდაკლებებით. სუპერმარკეტი მომხმარებელს ყოველკვირა ახალ აქციას სთავაზობს. რა თქმა უნდა, სააღდგომოდაც არ დაირღვევა ეს ტრადიცია, მომხმარებელს დიდი ფასდაკლება ელოდება, რაც განსაკუთრებით საინტერესო და აქტუალურია დღესასწაულიდან გამომდინარე. ამას გარდა, სააღდგომოდ დეილის მომხმარებლებს კვლავ ექნებათ შესაძლებლობა, დააგემოვნონ „დეილის“ წარმოების უგემრიელესი პასკა, რომელიც მომხმარებლების ერთ-ერთი საყვარელი პროდუქტია და რომლის შეძენის საშუალებაც თითქმის დეილის ყველა ფილიალში იქნება შესაძლებელი.
ამჟამად საწარმოში 150-მდე თანამშრომელია დასაქმებული. ეს არის პროფესიონალთა გუნდი, რომელიც მუდმივად იცავს წარმოების დადგენილ სტანდარტს და ზრუნავს ხარისხის თითოეულ დეტალზე.
სამომავლოდ კომპანია აპირებს უფრო აქტიურად აითვისოს რეგიონები, მომხმარებელს შესთავაზოს მეტად მრავალფეროვანი არჩევანი, საინტერესო სიახლეები და, რაც მთავარია, მისაღები ფასები. ამჟამად კომპანია წარმოდგენილია 162 ფილიალით, ხოლო წლის ბოლომდე კიდევ 50 ფილიალის გახსნაა დაგეგმილი, მათ შორის თბილისში, სამგორის რაიონში (კახეთის გზატკეცილი) ახალი ფილიალი აპრილში გაიხსნება.
