Netflix-ის სამხრეთ კორეული სერიალი SQUID GAME საზოგადოების ინტერესს გამოსვლიდან რამდენიმე თვეშიც კი არ კარგავს.
შეგახსენებთ, რომ ამბავი, რომელიც სასიკვდილო თამაშებში ჩაბმულ ადამიანებზე მოგვითხრობს, რომლებიც ერთმანეთს ფულადი ჯილდოსთვის ერკინებიან, უკვე არამხოლოდ მსოფლიოს ერთ-ერთი ყველაზე პოპულარული სერიალი, არამედ “ნეტფლიქსის” ყველაზე ნახვადი პროექტია.
სამხრეთ კორეულმა სერიალმა მსოფლიოში ერთ -ერთი უმსხვილესი ინტერნეტ ტელევიზიის ქსელის ისტორიაში პირველად, 25 დღეში 111 მილიონი მაყურებელი დააგროვა.
რამდენიმე დღის წინ სერიალის ერთ-ერთმა ყველაზე უხუცესმა ვარსკვლავმა, 79 წლის ო იონგ-სომ მეორეხარისხოვანი როლის საუკეთესოდ შესრულებისთვის ოქროს გლობუსი დაიმსახურა.
