დუბაის საუკეთესო პლაჟები ქალაქის ხელოვნურ კუნძულებს: პალმ-ჯუმეირას და პალმ ჯებელ ალის ამშვენებს. დუბაის საკულტო ღირსშესანიშნაობებთან და ლეგენდარულ ატრაქციონებთან ერთად, ეს პლაჟები ქალაქის ხასიათს მნიშვნელოვან შტრიხებს სძენს. ზოგი პლაჟი ოჯახური, ანუ წყნარი დასვენებისთვისაა ზედგამოჭრილი, ზოგიც, პირიქით, აქტიური დასვენების და გართობის მრავალ შესაძლებლობას იძლევა, სპორტის საწყლოსნო სახეობებისა და საპლაჟო გასართობების ჩათვლით. დუბაის მართლაც შეუძლია პლაჟების მრავალფეროვანი არჩევანით დაიკვეხნოს.
დუბაის საუკეთესო უფასო საზოგადოებრივი პლაჟები
Kite Beach დუბაის ყველაზე ქარიანი სანაპიროა და უდავოა, სპორტის საწყლოსნო სახეობებისთვის, განსაკუთრებით კაიტბორდინგის და კაიტსერფინგისთვის ცენტრალურ ადგილს წარმოადგენს. პლაჟზე კაიტსერფინგის სკოლაც არის, სადაც გაკვეთილების გავლა ან ეკიპირების ქირაობა შეგიძლიათ. პლაჟის პოპულარობის კიდევ ერთი სარწმუნო მიზეზი მრავალრიცხოვანი კაფე-რესტორნები, რომლებიც კერძების მრავალფეროვან ასორტიმენტს შესანიშნავ ფასად გთავაზობენ.
Sunset Beach – რომანტიკოსებისთვის და მზის ჩასვლის პეიზაჟების მოყვარულთათვის განსაკუთრებული ადგილია. ამ პლაჟიდან ლეგენდარულ სასტუმრო ბურჯ-ალ არაბზე შესანიშნავი ხედი იშლება. ადგილობრივების აზრით, ეს ქალაქის საუკეთესო ადგილია იმის სანახავად, როგორ ეშვება მზე ჰორიზონტზე, როგორ თანდათან იცვლის ფერებს სანაპირო მზის სპარსეთის ყურეში ჩასვლისას. ეს პლაჟი არაჩვეულებრივი არჩევანია როგორც მშვიდი სეირნობის, ისე სპორტული სირბილისთვის. ვისაც წიგნების კითხვა უყვარს, მათ შეუძლიათ პლაჟის ბიბლიოთეკიდან ითხოვონ წიგნები, ან უბრალოდ, მშვიდად წათვლიმონ, რადგან ამაზე წყნარი სანაპირო არსადაა.
Al Sufouh ასევე ცნობილია, როგორც შავი სასახლე, ის ნამდვილი თავშესაფარია ხმაურიანი მეგაპოლისისგან, იზიდავს რა როგორც ადგილობრივ მაცხოვრებლებს, ისე რელაქსაციის მაძიებელ გამოცდილ ტურისტებს. ცოტამ თუ იცის, რომ ამ პლაჟზე ვიწრო ბილიკით მოხვდებით, რომელიც ორი სასახლის შუა გადის, და ამიტომაც მას დამალულ მარგალიტსაც ადარებენ. ბავშვებთან ერთად დროის გასატარებლადაც მშვენიერი ადგილია, რადგან ნაპირიდან საგრძნობლად მნიშვნელოვან მანძილზეც კი წყალი სულაც არაა ღრმა. ამ სანაპიროდან შეგიძლიათ პალმ ჯუმეირას და ცნობილი ბურჯ-ალ-არაბის სასტუმროს თვალწარმტაცი ხედებით დატკბეთ.
Jumeirah Beach Residence Beach, დუბაის მარინას რაიონში მდებარეობს და ფერწერული სილამაზის სანაპირო ზოლის – Dubai Walk-ის გასწვრივაა გადაჭიმული, რომელიც მოდური სასტუმროებით, რესტორნებითა და ლაუნჯებით არის განთქმული. სრულყოფილი სანაპირო დასვენებისთვის აქ ყველა ელემენტია.
ფასიანი პლაჟები
პლაჟის ფასიან ვარიანტებს რაც შეეხება, ალ მამზარის პლაჟი Al Mamzar Beach Park იდეალური არჩევანია როგორც ოჯახებისთვის, ისე დიდი ჯგუფებისთვის. ეს უნიკალური სანაპირო პარკი ხუთ სრულად კეთილმოწყობილ პლაჟს აერთიანებს, რომლებიც მწვანე პალმებით, საცალფეხო ბილიკებით, ველოსიპედის ბილიკებით, სპორტული ობიექტებით, კაფეებითა და რესტორნებითაა გარშემორტყმული. პარკში სათამაშო ზონა და ამფითეატრიცაა გათვალისწინებული, სადაც რეგულარულად იმართება გასართობი ღონისძიებები. გარდა ამისა, პარკში შეგიძლიათ იქირაოთ შალეები – თანამედროვე, კონდიცირებული ბუნგალოები კომფორტული დასვენებისთვის საჭირო ყველა პირობით.
კიდევ ერთი თვალსაჩინო ღირსშესანიშნაობა ქალაქში არის ფასიანი სანაპირო კომპლექსი Atlantis the Palm, რომელიც პალმ ჯუმეირას კუნძულზე მდებარეობს. კურორტზე ნახავთ დუბაის ერთ-ერთ საუკეთესო აკვაპარკს Aquaventure, ასევე სანაპიროს კლუბებს, როგორიცაა Nasimi Beach და Royal Beach.
სანაპირო კლუბები
სანაპირო კლუბები დუბაიში დასვენების განუყოფელი ნაწილია და განსაკუთრებული პოპულარობით შემოდგომის სეზონზე სარგებლობს. სანაპირო კლუბები იდეალური ადგილებია კომფორტული დასვენებისთვის, ყველგან თეთრი ქვიშაა, შეგიძლიათ მიიღოთ რუჯი დაისვენოთ ჩრდილში შეზლონგზე, იცუროთ, და ისარგებლოთ მრავალფეროვანი სერვისით და კომფორტით, რომელიც, როგორც წესი, ვიზიტის ღირებულებაში შედის.
ერთ-ერთი ყველაზე თანამედროვე დუბაის სანაპირო კლუბებიდან, კლუბი ვისტა მარეა Club Vista Mare, რომელიც პალმ ჯუმეირას კუნძულის აღმოსავლეთ სანაპიროზე მდებარეობს. კლუბი თავს იწონებს შვიდი რესტორნით, თითოეული განსხვავებულ სამზარეულოთი, კერძო პლაჟით, რომელიც სავსეა ლაუნჯებითა და ყურადღებიანი პერსონალით.
ვისტა მარეს კლუბის მახლობლად, პალმ ჯუმეირას დასაწყისში, კიდევ ერთ მიმზიდველ სანაპირო კლუბს იპოვით The Byron Bathers Club – რომელიც ნათელი ცისფერი და თეთრი ინტერიერით, შესანიშნავი სანაპირო ზოლითა და არაბეთის ყურის თვალწარმტაცი ხედებით ხასიათდება. დაწესებულების კრეატიულმა ხელმძღვანელმა და შეფმზარეულმა ტომ არნელმა ამ ლეგენდარულ კუნძულს ავსტრალიური პლაჟის კულტურის ელფერი შესძინა. ეს არის სერფინგის სულისკვეთებით გაჟღენთილი თავშესაფარი და შესანიშნავი ადგილია მათთვის, ვინც სანაპიროზე მშვიდ დასვენებას ანიჭებს უპირატესობას.
ქალაქის ცენტრში სანაპირო კლუბები დიდი მოთხოვნით სარგებლობენ. მაგალითად, Nammos რომელიც ცნობილი Mykonos Beach Club-ის შემადგენლობაშია Four Seasons Hotel-ში. დუბაის კიდევ ერთი სანაპირო კლუბია, რომელიც დუბაის მარინას ცათამბჯენების შთამაგონებელი ხედებით და თვალწარმტაცი ფოტო ადგილებით არის განთქმული.
ასევე, პარკ Hyatt Dubai-ში, აუცილებლად შეისწავლეთ Twiggy by La Cantine, სანაპირო კლუბი და რესტორანი, რომელიც გამოირჩევა 100 მეტრიანი პანორამული აუზით, ქალაქის განსაცვიფრებელი პანორამებით და ხმელთაშუა ზღვის სამზარეულოს ერთ-ერთი საუკეთესო მენიუთი.
მეტიც, მათ, ვინც უპირატესობას ანიჭებს სანაპიროზე საღამოობით დასვენებას, დუბაი ახლა ღამით ცურვის შესაძლებლობებს სთავაზობს. მზის ჩასვლის შემდეგ ცურვა შეგიძლიათ ჯუმეირა 2-ის, ჯუმეირას 3-ისა და უმ სუკეიმის რაიონებში. სამივე პლაჟი კეთილმოწყობილია და ძლიერი პროჟექტორებითაა აღჭურვილი, რაც უსაფრთხო ცურვას ღამითაც კი უზრუნველყოფს. დუბაი მნახველებს დღისით თუ ღამით ულამაზეს პლაჟებზე იწვევს და მოგზაურებს ამ შემოდგომაზე დაუვიწყარი არდადეგების გატარებას ჰპირდება.
