ჟურნალი OK! კომპანია Travelfy-ის შესახებ გიამბობთ, რომელიც უკვე რამდენიმე წელია ქართულ ბაზარზე ოპერირებს და დღესდღეობით ერთ-ერთ ლიდერ კომპანიად მიიჩნევა ტურისტული მიმართულებით. კომპანიამ საკმაოდ მნიშვნელოვანი გზა გაიარა დღევანდელ დღემდე და მომხმარებლებს ძალიან საინტერესო შეთავაზებებითა და ტურებით ანებივრებს. Travel Book-ი კომპანიის დამფუძნებელ გიორგი მელიქიშვილს ესაუბრა, რომელიც უფრო ვრცლად და დეტალურად გვიამბობს Travelfy-ის საქმიანობის შესახებ.
გიორგი, უპირველესად გვიამბეთ Travelfy-ის შესახებ. რამდენი ხანია, რაც კომპანია ბაზარზე ოპერირებს?
ტურისტული კომპანია Travelfy დაარსდა ზუსტად მაშინ, როდესაც დაიწყო პანდემია. ეს იყო პერიოდი, რომელმაც ყველა ჩვენგანი, განსაკუთრებით კი ტურიზმის წარმომადგენლები სრულ გაურკვევლობაში დატოვა. გაუქმდა ფრენები, დაიკეტა სასტუმროები და ყველა ის სერვისი, რაც მოგზაურობას უკავშირდებოდა, თუმცა Travelfy-იმ მოახერხა ის, რომ არ გაჩერებულიყო და მშვიდად შეხვედროდა მოვლენების განვითარებას.
კომპანიამ ლოკდაუნის დასრულებისთანავე აღადგინა ფუნქციონირება და დაიწყო იმ მცირე პროდუქტის მომხმარებლისთვის შეთავაზება, რომელიც საქართველოში დასვენებას უკავშირდებოდა. ამან კომპანიის წარმომადგენლებს საშუალება მისცა დაეწყოთ მცირე დოზით საზოგადოებასთან ურთიერთობა და სხვადასხვა პაკეტის შეთავაზება.
რა იყო განვითარების შემდეგი ეტაპი?
გარკვეული პერიოდის შემდეგ Travelfy-ის დაემატა მიმართულებები ქვეყნის გარეთ, რაშიც მნიშვნელოვანი როლი ითამაშა საკმაოდ დიდმა გამოცდილებამ ტურისტულ სფეროში. ამის განსაკუთრებულ შესაძლებლობას იძლეოდა პარტნიორობა ლოკალურ წამყვან კომპანიებთან მთელი მსოფლიოს მიმართულებით 100-ზე მეტ ქვეყანაში. აღსანიშნავია, რომ მათთან ყოველგვარი შუამავლის გარეშე ვგეგმავთ ტურებს. ამ ყველაფერმა კი მოგვცა იმის საშუალება, რომ მომხმარებლისთვის შეგვეთავაზებინა ის სერვისი და პროდუქტი, რომლის დაგეგმვაც ძალიან კარგად გამოგვდის.
გვესაუბრეთ Travelfy-ის გუნდზე.
Travelfy-ის გუნდი დაკომპლექტებულია პროფესიონალი მენეჯერებით, რომლებსაც შეუძლიათ მსოფლიოს ნებისმიერი მიმართულებით დაგეგმონ თითოეული ადამიანის სურვილსა და გემოვნებაზე მორგებული დასვენება. ამ ყველაფერს ემატება ის, რომ არ არსებობს სირთულის შეზღუდვა, შესაბამისად ჩვენთან შესაძლებელია იმოგზაუროთ თქვენთვის სასურველი მიმართულებით ყოველგვარი დაბრკოლებების გარეშე.
რატომ უნდა ავირჩიოთ Travelfy?
პირველსავე სეზონზე იმ მიმართულებებზე, რომლებზეც Travelfy მუშაობდა, გავხდით ლიდერები გაყიდვების კუთხით და ძალიან აქტიურად ვაგრძელებთ მსოფლიოს სხვადასხვა ბაზარზე მუშაობას. მუდმივად ვცდილობთ ჩვენი მომხმარებლები გავანებივროთ სიახლეებით და შევთავაზოთ მათ სურვილებსა და მოთხოვნებზე მორგებული პაკეტები.
აქედან გამომდინარე, დავიმსახურეთ მომხმარებლის ნდობა, რამაც შეგვძინა ძალიან დიდი მოტივაცია, რაც შეიძლება ბევრ ადამიანს მოვემსახუროთ და გავულამაზოთ შვებულების პერიოდი.
როგორც ჩვენთვის ცნობილია, კომპანია ცდილობს ციფრულ პლატფორმაზე გადასვლას. გვიამბეთ ამის შესახებ.
დიახ, Travelfy ცდილობს, ყველაფერი გააციფრულოს და გადავიდეს თანამედროვე ონლაინპლატფორმის რეჟიმზე, სადაც მომხმარებელი შეძლებს თავად დაჯავშნოს მოგზაურობა სასურველი მიმართულებით. ეს არის ნომერ პირველი პროექტი, რომელიც ძალიან მალე რეალობად იქცევა. საკუთარი თვალით შეძლებენ დაათვალიერონ და მოინახულონ სასტუმროები, რესტორნები, გასართობი ცენტრები, ისტორიული ადგილები… გაერკვნენ ყველა იმ დეტალში, რომელიც აუცილებელია გავითვალისწინოთ მოგზაურობის დაგეგმვისას. ეს ყველაფერი გვაძლევს იმის საშუალებას, რომ ვიყოთ სხვებისგან გამორჩეულები და მომხმარებელს იმ გამოცდილებით შევთავაზოთ პროდუქტი, რომელიც უკვე ჩვენს თავზე გამოვცადეთ. ზუსტად ვიცით პასუხები იმ დასმულ შეკითხვებზე, რომლებიც მოგზაურთა უმეტესობას უჩნდება და შესაბამისად ვაწვდით მომხმარებელს იმ პროდუქტს, რომელშიც დარწმუნებულნი ვართ.
კომპანია ასევე აქტიურად არის ჩართული სოციალურ კამპანიებში…
კომპანია ძალიან აქტიურად არის ჩართული მარკეტინგულ კამპანიაში ტელემედიასთან, შოუებთან, ბლოგერებთან, ინფლუენსერებთან და მუდმივად ვცდილობთ ვიყოთ აქტუალურები, რათა ჩვენი ინფორმაცია მივაწოდოთ მაქსიმალურად მეტ ადამიანს უმოკლეს დროში.
ამ ყველაფრიდან გამომდინარე, Travelfy ჩამოყალიბდა ბაზარზე ლიდერ კომპანიად, რომელსაც ათობით ათასი ადამიანი ენდობა. გვაქვს გაყიდვები სხვადასხვა მიმართულებით და ძალიან მადლიერები ვართ იმ ადამიანების, რომლებიც ჩვენს ლოიალურ მომხმარებლებად იქცნენ და სამეგობრო წრეს უზიარებენ საკუთარ გამოცდილებას Travelfy-ისთან დაკავშირებით.
FB: Travelfy • თრეველფაი
Insta: travelfy.ge
Tel: 032 203 30 22
Mail: [email protected]
www.travelfy.ge
მის: სიმონ ჯანაშიას ქ. N26
